救命呀~~~頂唔順啦~~~真係喪食到爆!!!

呢個星期係咁食食食,一係就同屋企人食飯,一係就要同D一早約好左既同事食飯,一係就有D活動要同食有關...真係食到我都有D頂唔順...

講番尋日..尋日又係食!!本來已經食到唔想食...不過因為公司一早已經BOOK左自助餐,而我一早又應承左要去..所以真係冇辦法唔食啦...

尋日我地係去左灣仔萬麗酒店度食自助餐!我都食左好多野呀..食到唔想食啦...=V="""

影左少少相比大家睇~

影左少少熟食!

甜品呀~~我既至愛!!XDDD

其實仲有D野食架~不過比我食左,我唔記得左影呀!(同埋都有D相係ANNA個相機度...遲D比大家睇!)

食完野之後,我地仲有個抽獎環節!不過...我抽唔到獎呀..

但係芭芭拉好好呀~佢送左佢份禮物比我做聖誕禮物!真係好多謝佢呀~^_^

今次既禮物就係呢個噴霧啦~~正!XDD

黎緊應該暫時都唔會有飯局住啦..可以比個肚休息下...=V="

PS:係度要同D朋友仔講聲唔好意思呀..又去唔到你地既聚會~><我已經整好左D餅餅,諗住比大家食...點知最後都係黎唔到...黎緊我實會出黎架~~你地唔好唔記得我呀!!

聽日又要開始做野啦...又有D減肥既網友仔要見!!要努力!!><