今日終於都有半日時間處理我一D唔急但係重要既事!

做完野之後,終於都有時間周圍行下,買番D我需要既野!

原來我呢排真係好忙好忙呀...要係假期前見哂D減肥既朋友仔!因為怕佢地會肥呀..所以又要比定好多TIPS佢地!@@

原來有半日係屬於自己,我都已經好開心!因為可以好好享受下呢D咁悠閒既時間,我都已經覺得自己RELAX左好多!^_^

不過....依家越諗就越覺得有好多野要買同洗錢呀...呢排個荷包實會好空虛啦....(但係唔洗又唔得呢...算啦~~當獎勵自己啦...=V=")

依家希望D利是錢可以COVER番啦~(大家識DO啦~~~)

-----------------------------------------------------------------------------------------------------------

另外又想分享D幾TOUCHING既事..

頭先睇電視果陣,咁岩睇到個節目係講D情侶/夫婦既野,就請左D嘉賓上黎玩遊戲!

其實比較深刻既,係佢地全部都好認定對方係自己將來既另一半,係果種不可分割,係靈魂既另一半果種感覺!

尤其係江欣燕兩夫婦...佢地都結左婚成20年啦..都仲可以咁SWEET,咁有熱誠,又咁為對方,其實真係好難得呀!

我自己覺得,一對男女可以一齊,直到步入結婚,都係一種好難得既緣份!

最初相識,可以係因為一種激情,但係激情唔可以長久,只有將呢份感覺化為行動,變成一種關心、愛護、信任、包容等等,咁先可以維持一世!

要做到不可分割,係靈魂既另一半果種關係,真係唔係咁易呀..要睇下上天對你有幾好,幾時派個天使比你!

另外又比封情信大家睇下吖~

http://lady.qooza.hk/forum/thread-481-1-2.html

其實正正就係講緊我以上想分享既野!都好TOUCHING!

唔知點解今日特別感觸呢...不過依然都未至於令到我想開多個文章分類係講:我的感情事!

因為....我想將激情化為行動,放係我既工作上面!因為專注係工作上,起碼可以為自己帶來好大既滿足感!但係感情事....太飄忽同太過控制唔到啦~如果係唔好既,仲會影響自己既其他生活部分!所以都係唔諗住LU!努力做好依家要做既野先!:)

聽日先分享我想宣傳既野啦~XDD