岩岩番到黎,開左個WINDOW之後就睇到呢篇文章!

http://hk.news.yahoo.com/article/110130/4/mhlg.html

呢篇係講纖瘦既女士同肌肉型既男士,打既既薪金係會高D!

其實睇完都真係幾O咀...雖然不嬲都知,外型亮麗D,做野真係會有D優勢,不過估唔到調查出黎既結果真係會咁WO...

不過好老實講,如果係街度見到靚仔,都會想望多兩眼,見到靚女又真係會好羨慕既!人都總係中意D靚既野!

但係...外表都唔代表一個人既內涵呀!尤其係工作能力,唔落場做過野,都唔會知邊個叻D!

更何況就算靚都好,冇內涵冇實力,一樣會比人淘汰!所以靚係工作上唔係唯一既優勢呀!

就算我覺得自己減得瘦左,可以著番靚衫,可以打扮得好D,我都唔覺得工作係單靠外表!唔知係咪都總係有D好勝心,明明人地睇我,都可能覺得我係弱勢D,似係比人蝦果隻!(雖然都有少少係既...@@")不過我都依然唔想比人睇小,所以做咩都要盡力做!

亦都因為唔覺得女仔會輸蝕D,而且我都唔想人地覺得我係女仔,就咩都要幫哂我,自己就唔做野!而最重要係....我想人地認同既係我既實力!!(當然~有時有D野要交比男仔做既,咁就要禮讓D,冇得話做就做既~XDDD)

尤其係我依家做緊既工作,男女平等,邊個有能力都可以幫到人改善身型同健康!就算口才唔叻,學識唔夠,只要肯學肯做,都一樣可以有成就!

我絕對唔甘心做一個得個殼既女仔架~所以除左繼續KEEP靚身型,仲會繼續努力提升自己既內在!;)