其實呢個新年,我地一家人係冇咩地方去呀...淨係得今日係要出去拜年!

既然係咁難得既一日...咁就梗係要好好地同D親戚朋友聚下啦~

今日番左大陸,第一站就係去左我阿媽既鄉下!

其實已經好耐冇番過去鄉下啦..因為阿婆近年都搬左出黎市區住!不過最近阿婆身體唔好,所以就搬番鄉下,等佢可以好好地休養!

今次番到去,真係咩都唔同哂呀...我完全認唔到D地方呀...以前細個果D點點滴滴既回憶,同依家見到既已經係面目全非!

以前既鄉下屋已經變左做幾層高既樓LU!

不過唔緊要啦~最緊要係阿婆住得舒服JE!^_^

難得既新年,我D阿姨同姨丈,仲有我D表弟妹都係哂度呀~大家一齊食野同玩!

我阿妹同埋其中兩個表弟妹!

仲有個表弟,今次仲帶埋女朋友黎呀!(PS:好似話朝早去左「親家」果度拜年WO~XDDD)

我表弟竟然問我:「表姐~你幾時派利是呀??」

真係O咀....其實佢同我同年架JA!!!你有著落,擺到明就係我豆你果封先啦~~所以我梗係話:「我實豆左你果封先派呀~~」

之後我阿妹同我講:「下次我又帶我男朋友黎豆利是先得!」(聽完仲O咀....=0="")

我地係度坐左陣,食埋阿姨煲既粥之後,就去左第二度拜年LU!(因為我阿爸佢地係度砌四方城...冇我地份呀...=V="")

走之前我地又要玩自拍~XDDD

之後去左我姑媽屋企拜年!之前我地收到風,我表姐有左呀!已經3個月啦~真係好替佢開心!!(我地又要再升格做表姨啦~XDD)

表姐之前感情未有著落,本來大家都好替佢著急架...事關大陸D男女一到適婚年齡,D長輩就實好著緊...=V=""不過依家終於搵到個佢心目中好滿意既表姐夫,仲有埋BB TIM!希望佢幸福啦~^_^

黎到姑媽屋企,姑媽即刻就拎D自家制既野比我地食呀!

係自己整既釀蠔市!年年我地都好中意食,仲會食好多架!!

仲有佢地自己整既年糕呀~~好滑好好味!!

睇我地食得咁滋味,就知D野好食啦~~

之後我表姐叫我彈首歌,比我阿妹偷影左TIM!

好專心架~XDDD

最後同表姐影埋相就走LU~(下次番黎就多個表姨甥啦~^0^)

可以咁樣同親友聚下真係好呀~~不過....再過多幾年我實會比人問:「幾時到你派利是呀???」事關....我表哥同表姐都結左婚...照住排落黎..我就係最大果個啦....

不過唔緊要啦~大陸果邊就話早結婚JE!我阿媽都未催我~我都唔急既!

反正我阿媽都覺得我仲係細路女(NONO~我根本就仲係細路女!!)唔洗咁快拍拖結婚住都得呀~大不了就我表弟過我頭結婚先LO~我都好好意思收佢利是架!!

ANYWAY~最緊要係一家人齊齊整整,開開心心!下年又再聚過!!XD

PS:大家照舊,想睇哂D相就去FB度睇啦~

FB:[email protected]