尋日都提過,公司臨時打左個電話比我叫我係一個會度做分享!所以...今日我就去左太子酒店度做分享!!

其實呢類型係酒店既會,平時都會去呀~(因為想學多D人地用產品用得好既方法呀^0^)不過...都係第一次要上台分享!所以今次心情真係好唔同呀..有少少緊張!(成日諗住幾時出場,又驚上到台唔記得講D咩!)

同埋第一次係咁多人面前分享既時刻,好多謝有兩位朋友仔黎左支持我呀!^^

佢地係邊個??咪就係我響網上面識既朋友仔阿婧,同埋佢個同學仔阿南LO!

其實阿婧已經開始左用產品!不過為左令佢用產品既效果更加好,所以我就叫左佢黎了解多D!而阿南咁岩又想知下減肥既野,所以佢就跟埋阿婧一齊黎呀!

估唔到佢地聽完之後,對我地既產品同埋兼職機會都好有興趣呀!(PS:更加估唔到既..係我第一次大型演講,會係兩個妹妹仔做左我FANS!!)所以我地之後番左大埔營養店度繼續傾計!

頭先同佢地傾左好耐呀..因為佢地想了解哂產品同做兼職點幫人減肥!所以都講左好耐,同埋又整左我地鋪頭一D好好飲既SHAKE比佢地飲!佢地覺得我地整得好好味呀!(事關阿婧媽咪整得唔夠好味...XDD可能咁樣就有對比掛?!)

阿南今日都拎左D產品走呀..希望黎緊都可以幫到佢減肥成功!!^_^

聽日阿敏同阿雯又會番黎鋪頭搵我度身,睇下瘦左幾多!!希望聽日會有好成績同大家分享啦~^^