係講呢兩日發生既事之前,我要講一個好重要既消息比大家知先!(因為唔知有冇講過....)

講D咩重要消息??咪就係....我黎緊星期三要飛泰國啦!!^0^其實呢次係第二次跟公司既同事一齊去泰國!第一次去果陣,其實我都只係一個用家,都冇諗住要幫人減肥OR健康既...

不過今次就唔同左啦~除左身份變左大家既健康教練之外,仲帶埋我男朋友一齊去TIM!

所以黎緊我4/5-9/5都會係泰國呀!大家如果想搵我減肥/增重/健康/度身覆磅既,要係星期二前搵我搞掂呀!(PS:其實呢幾日都係咁見D朋友仔啦....如果唔係我一走左就唔知佢地點啦~)

講番正題先!尋日同左阿盈同米線去聽我地既運動營養師BILLY,聽佢點樣減肥呀!

呢個BILLY好勁架...佢其實唔係幫我地公司做緊野,但係佢就用我地公司既產品減左100磅!!!仲要因為瘦左,佢多左好多工作既機會,同埋有機會做到一個運動員呀!!

今次佢係義務黎講解,所以佢好多野都講得好中肯,有用既野就有講,冇咩點用OR用得少既佢都會照話比我地知,所以真係純粹一個用家既分享!

我地都覺得BILLY講得好PRO同好正呀!!真係學到好多野!!希望黎緊幫到各位減肥減得更加好啦~^_^

同埋KOBIE下午果陣黎左搵我呀~一來佢驚我走左之後唔夠SHAKE飲,所以拎多左一個SHAKE,同埋同佢傾左好耐計呀~~其實雖然識左唔係好耐,不過都講左好多野你知!因為我真係真心當各位係朋友,希望可以幫到大家呀!

講番今日先~今日阿南同阿婧黎左搵我呀!阿南今次岩岩番完鄉下,食左好多野番黎呀!!><不過...佢竟然都瘦左少少WO!!希望黎緊乖番,可以瘦得好D啦~^_^(PS:阿婧早幾日先度完,今次冇幫佢度啦~)

另外,今日FRANKIE都黎左搵我呀!FRANKIE個產品效果真係好好呀~瘦左好多之餘,佢D同事都問佢拎產品黎用呀!所以今次佢係黎幫同事買野!(PS:佢D同事全部都係響國內做野,雖然見唔到佢地,不過都希望佢地減肥成功啦!)

同埋FRANKIE成日都好強調,識左我地之後,一來佢真係瘦左,二來日常既飲食習慣都健康左呀!真係好開心可以幫到佢~

聽日仲有幾個朋友仔要見埋先飛得呀...呢兩日唔知係咪講野講得太多,把聲沙沙地呀...(PS:多謝大家既關心呀~其實我唔係唔舒服呀!^^")所以聽日都會照樣見大家架~~放心啦~~^_^