我發覺...有目標真係好緊要呀...因為如果冇目標去做一樣野,真係會游下游下,會唔知自己想點...

其實減肥同做人都一樣,冇目標去減,一來會減得冇咁落力,二來一遇到困難果陣,第一條諗到既路就係---放棄!!!咁就實唔會成功呀....

我仲記得一開頭減肥果陣,我諗最大既推動力,除左係因為由細肥到大,見到自己真係瘦到幾磅之後,就好大信心減落去之外,最緊要既係....自己比錢架嘛!!!!梗係點死都減到佢啦!!!點都係用咁多錢,唔比心機D用咪好蝕水???我呢D咁精明既少女,就梗係要好比心機減左佢啦~~~(唔係大家邊得黎咁多減肥故事聽到呀~~仲有咁多朋友仔因為我既緣故而減肥成功TIM!)

講到目標感,都不得不讚下我男朋友呀~佢都算係好乖呀!因為佢依家真係代兩餐,正餐同小食果D都會揀過先食,唔會好似以前咁,中意食咩就食咩呀!(PS:佢既目標係咩?其實都不外乎係想外型更加好睇呀!尤其係瘦左之後,就更加覺得自己可以更加好!!要比心機呀!有我既監督實會成功呀!!)

除左我男朋友之外,我見到最緊KAMMY,IVY等等都好落力減呀~~其他朋友仔都要加油呀!^_^

講番自己先~~最近既目標就係....要著夏天衫果陣係最FIT既狀態比人見到呀!!(PS:其實有D人話我都好瘦,唔洗再減呀...只係...有D位大家見唔到JE...去旅行同冬天果段時間食左好多野呀..依家要努力D減番佢先!!>0<"")

有左目標之後,我發覺我真係冇咁大胃口去食平時屋企D KING SIZE既飯餸!!(PS:係呀~我阿媽最中意整D KING SIZE既野比我食..所以先食得我咁肥...=V="")同埋食少左D無謂野,食多左蔬果!

我自己都要加油呀~~~大家一齊努力~~~