好耐冇講過我係營養店既生活啦~(成日顧住講我D減肥朋友仔!)就講下呢兩日關於鋪頭既野啦~;)

講番尋日先~尋日我就冇番到大埔店呀~因為...尋日我同左我既減肥朋友仔VERONICA去左ANNA上環店果度視察環境!(PS:點解會視察??大家睇番尋日果篇BLOG就知啦~)

因為VERONICA覺得健康呢個生意好有得做,所以佢係咁問我開鋪既事!不過我依然都係果句:「你了解左先啦...=V="」(PS:因為我覺得,呢個生意要投資既錢唔多...不過如果真係做生意,並唔係講緊3,5個月既事呀!所以都希望佢真係了解清楚先去做!)

VERONICA之前有去過大埔,所以我都想帶佢去睇下上環呢D,主打係做OL同專業人士既營養店!佢都幾中意呢種既模式呀~又幫到人FIT同健康,又可以當一個生意咁做,佢都覺得幾開心!希望黎緊我地有機會合作啦~^_^

係呀~講埋今日先~今日有位朋友因為收到我既傳單,所以上左黎食我地鋪頭既健康午餐!

其實佢都係一個專業人士黎呀~因為身體開始走下坡,所以想係我地呢度搵番健康!希望黎緊我又多一個生招牌啦~^^

好~~講少少題外話...今日係尖沙咀減肥比賽既最後一堂呀~亦都係我個中學同學仔最後一次磅重既日子!!

好開心呀~佢今次有落到磅呀!!估唔到最後一次會有好成績比我睇呀~~真係好感動呀!!

整體黎講,我個FD落磅同吋數都唔算特別多...(PS:一來佢未盡全力啦....=V=""二來佢又真係唔係好肥..所以正常都唔會減得太誇張既!!)不過佢成個形睇落真係瘦左好多呀!!

黎緊我地有同學仔聚會呀~~希望佢黎緊可以有個全新既LOOK見舊朋友啦~^0^

聽日我男朋友會帶朋友黎鋪頭搵我減肥呀...依家好眼訓啦~~要快D養足精神聽日做野!!>0<""""