本來今日想打番一d關於減肥比賽既感受..不過岩岩睇完星期日檔案講關於瘦身,我又有感而發,好想講下d關於自己減肥既野!
成套野講d咩,我諗大家上網search番都可以睇到!(ps:可能係岩岩做完,所以我上網都仲未睇到有upload!)但係其實成個節目講緊既,都係唔好盲目瘦身,因為亂咁瘦身,影響既後果可以係好深遠,係多多錢都買唔番既損失!
見到節目度果個朋友,因為過度減肥,搞到自己有厭食症,又搞到身體好多問題,最終要食番好多藥同維他命去keep番身體健康!
諗番自己當初想減肥,其實都係一個字---靚!想著衫靚,想人地讚自己靚,唔想比人叫肥妹!!
講到底...肥左之後,自信真係爭咁d..影相唔會企最前,買衫都唔敢低估自己,要買大d...
但係我一定唔會係明明唔肥都話要減果d呀...(ps:大家睇番我之前肥左果d相就知,我唔會係唔肥都走去減呀!!想睇就去番--- 減肥前後 度睇啦!)同埋由細到大都覺得...減肥既方法一定要健康,如果唔係我係寧願唔去減!
好彩依家係健康咁去減...如果唔係我諗我會仲keep住幾年前果個肥樣...=v=""
講番頭先果段片先!當中有個營養師話,佢唔同意代餐減肥...因為佢覺得,代餐係會減肌肉同水,唔會減走脂肪....
我諗佢真係冇仔細研究過d代餐啦...以我為例,早兩日我上磅幫自己check身體狀況,發覺脂肪比例跌番左(因為之前係咁食野..又夜食飯...搞到脂肪多左呀... )但係身體既水份同肌肉量係多左呀!^-^
其實呢個係健康既狀況,我自己都好滿意呀~^_^做左咁耐體重管理,又聽左咁多健康資訊,已經好明白自己既身體狀況!只要身體係健康既,我都唔係好在意自己係幾多磅!(ps:好怕d人淨係識望住個磅數做人呀...日日係咁睇...好大壓力呀... )
同埋少少個人意見啦~我開頭都有諗過,減完肥之後唔會再食代餐呀...因為好怕自己會依賴左(好似食藥上左癮咁...><)不過...一來了解左之後,知呢樣野都係食物整出黎,二來知自己為食,有時其中一餐低卡路里d,留番d位比下二三買五餐食野都唔錯呀~~ (鬼唔知食少d做多d運動會瘦咩...做得到我就唔洗肥足十幾年啦~~~=v=""")
三來....我既健康真係明顯唔同左..好似我咁,脂肪比例由30幾跌番去20幾,行路又冇以前咁辛苦,呢d已經係我減肥以外既得著!!
係度唔係想講代餐有幾好,只係我覺得,減肥最終既目的係要健康!希望大家減肥之餘,都唔好忘記----減肥只係一時,但係健康係一世呀!大家要健健康康咁瘦身,唔好用左自己既健康去換所謂既靚同自信番黎呀!! 
後記:聽日eva會番黎搵我度身呀~~希望佢除左減到肥之餘,仲可以改善到佢之前話比我知既健康問題!^_^
| 
)想黎搵我幫手或者探我都得呀!^^PS:其實仲有其他分店呀~大家mail再問我!!^^)
