好難得一日既假期~~又係我食同HEA既時間呀!!

不過今日好唔同呀~因為今日除左係端午節,亦都係我農曆既生日呀!

其實真係一個上天恩賜既巧合..我出世果日就係端午節,所以我身邊既屋企人一定會記得我既生日!^_^

本來今日應該係同公司既朋友仔一齊過呀~因為公司今日都有份划龍舟呀!!頭先見到D朋友仔月講,話公司拎左男女子混合賽既亞軍!!不過因為開頭我屋企人話可能會番鄉下..所以冇應承話去啦...不過見佢地玩得咁開心,下次都一定要再去先得!!>W<

今日係屋企全日...真係冇咩野做呀..好難得又係做宅女既時間!同埋食左好多我阿媽整既野食呀!!

食左D咩??POST D相比大家睇下先得!!

D糭係我媽咪包架~佢第一年自己包糭!!(可能今年得閒得滯冇野做啦~~因為包糭真係好花時間架!!)

見到佢又浸米又整呢樣果樣..真係好多工夫先整到出黎呀!仲要我阿媽整到隻糭好大隻,好足料呀!!

我呢幾日係咁食..我諗淨係呢3幾日,已經食左6,7隻糭啦....(係呀...唔係嚇大家...我真係可以一日食最少兩隻糭呀....=V=""")

我阿媽整左隻雞,切左半隻比我食呀!!(佢話我生日,要食番隻雞WO...=V=")不過最終我都係食左隻雞脾就食唔落啦...(食左咁多野..再食得落我都幾勁下架啦~)

我食左咁多野...真係食唔落啦...(其實中間我除左上面既野...仲食左個紙包蛋糕啦~我阿媽又買左個雞肉包我食啦~仲有一D唔知記唔記得既野比我食架....)

所以淨係飲湯算啦~~-V-"

但係之後我又為食...食左D煲湯粟米....

又食左幾粒我阿妹個朋友拎番黎既手信...(係椰子糖呀..肥爆~~=0=""")

咁樣喪食法.....話冇肥左就實係呃人既~~~不過我有方法,既可以KEEP住瘦番,又可以係咁食食食,所以我都唔怕呀~~(所以..以前肥真係有原因呀..大家唔好以為我係D唔食都肥既人..我擺到明就係大食既~XDDD所以減到肥真係連我都好佩服自己!!!)

係呀係呀∼∼最緊要既野唔記得講TIM!就係...

我媽咪比我既利是~^_^

後記:今日唔知係咪大家放假既緣故...今日有成差唔多700人睇過我個BLOG呀...希望日日都有咁多人入黎睇下我既減肥+生活事+番工事+幫人減肥同健康既事啦~XDDD