最近除左忙...都真係唔知講咩好..呢兩日多野做到我連blog都打唔到....

加上鋪頭又多左d新朋友..真係忙住要照顧好多人呀...

其實呢幾日都有d朋友仔搵我減肥同用產品改善健康架..不過都唔得閒講...但係今日攰極都要打番篇blog!因為經過今日之後,我又知道原來真係有人會追我個blog黎睇架!!(真係想偷多日懶都唔得啦....)

跳過呢兩日既事,講下今日先!今日有位網友仔黎搵我減肥,佢叫kayan!(其實佢同我同名架...係唔同姓ja!!)佢都係呢幾日先睇到我個blog,之後就約左我時間同我見面!!^_^

而重點係...佢話佢刨哂我所有既blog呀...我由上年打到依家wo...@@""佢竟然睇哂,仲要極之咁清楚我既狀況!!!(真係分分鐘我自己都唔記得自己打過d咩呀...=v="")

佢本身問過我星期六得唔得閒架..不過因為果日我有2,3個朋友仔要見,我都怕冇時間同佢傾計!所以都冇應承佢呀...終於都係約左今日見面!

今次kayan同左佢個朋友仔一齊上黎呀!見佢都好熱心好想快d開始!(ps:因為佢7月頭生日...佢話果日睇左我個blog之後,就已經好想快d開始減!!!)所以今日都簡單咁講左比佢知點減係最好!^_^

其實我好真係好中意呢d咁認真既朋友仔呀~~不過都同佢打定底,好多人一開始都係勁有熱誠,遲d就...=v="(因為佢要減既磅數都多呀..所以要比定心理準備佢,要預番一段時間去做長期抗爭!!!)

希望今次真係可以幫到佢啦~^_^

後記:聽日係減肥比賽既尖沙咀篇呀..又係勁多野做既一日...><""所以到依家都冇咩時間打比d用緊產品既朋友仔,仲有打電話通知各位我地星期六新店開張既事!!(真係勁唔好意思啦...但係今日都打左少少電話啦~><)

如果冇add我fb既,我都係度再講多次啦!

16/7(六)就係大埔營養店既擴充之喜!到時我亦都會第一次榮升店主!!^^

時間:11am-2pm(12:30係切燒豬既時間!)

地點:大埔翠屏商場２樓２８－２４號(其實同我地原本個鋪差唔多位置架ja!好易搵!!)

特別留意:果日大家唔洗買野黎賀我地架啦~你地只要黎幫襯我地食一餐,就當係送左禮物比我架啦~^^

歡迎大家果日黎湊熱鬧呀!^0^