又要繼續追番D BLOG先得!繼尋日講番之前尖沙咀既減肥比賽,依家又要講番大埔既減肥比賽!

其實大埔既減肥比賽已經去到中段啦...不過唔知係咪參加呢個減肥比賽既,多數都係D GEN.X(即係大過30歲既朋友仔!-V-")所以大家減肥既熱誠好似都冇尖沙咀果屆咁強...總係好似謝左少少咁...=V=""(唔通大家覺得...自己年紀大左就減得冇咁快?!)

但係我唔覺得年紀係一個影響減肥既原因呀!因為後生有後生既減,大個仔大個女既,又有佢地自己一套既減肥方法!所以基本上只有有恆心,會係係人都減到!!

點解我會咁講??因為我既減肥朋友仔黃太同IVY,雖然已經係GEN.X(PS:我估IVY睇到實會堅持話:「我心境仲係好後生架JA!!)不過佢地幾乎每一次都有瘦到呀!!^0^

尤其係黃太呀~~夾夾埋埋係呢個幾月入面,就已經減左成16磅!!仲要拎到減肥比賽既獎品呀!

今次減肥比賽,黃太又再拎到獎呀!所以...我真係好睇好佢會係呢期減肥比賽既冠軍!!

我成日都同我男朋友講:「如果黃太同你一齊參加同一屆既減肥比賽,你實冇獎攞呀!」所以...年紀真係唔會影響一個人既減肥進度...真係睇你有冇咁既決心去減肥!!

至於IVY...我諗佢依家既目標就係....一路食住都唔會肥,兼且最好會「唔覺意」瘦番少少啦~~~(哈哈~阿囡~~唔該比D成績黎睇下先啦~~)

如果你地覺得仲未減完既..好歡迎你地繼續參加減肥比賽呀!我唔介意又再每個星期抽一日黎陪你地架!(我又可以順便學下野~~~)

PS:講講下...聽日又到尖沙咀既減肥比賽啦...=V=""希望大家連續睇幾日既減肥比賽BLOG唔會厭啦...(我會努力D出BLOG架啦~~)

唔知聽日...又到邊個攞獎呢~~^0^