呢幾日忙到爆呀...勁多野要做...又勁多人要搵我幫手減肥同健康....又有2個會要我講...(ps:呢堂既減肥比賽,同埋第二日一個talk我都要負責講野呀...所以真係忙到呢幾日都冇時間打blog!!)搞到堆積左好多野未打呀...要快d清哂佢先得...><

好啦~講左早兩日既減肥比賽先!依家仲有幾堂就完啦...大家都進入左大直路!我見呢兩個星期,個個都好搏咁...因為....呢排差唔多個個都有瘦到!!

講番我果幾位參賽者....其實真係要讚下佢地呀~因為都見佢地好比心機減!雖然有時有飯局,令到佢地其中一d時間都肥左少少(ps:其實咁先正常既~畢竟係人黎架嘛~總有d時間係會食多左既!),不過大致上佢地都減得唔錯呀~^_^

講左我男朋友先!佢都真係好叻呀!雖然佢係我男朋友,不過真係值得讚下佢呀~因為...由佢開始用產品,到依家參加左減肥比賽,佢一共減左33磅呀!

尤其係參加左減肥比賽之後,佢仲更加落力呀!為左拎冠軍,同埋完成佢六舊腹肌既目標,佢真係好清咁食一個正餐,再加幾杯shake呀!(依家開始見到少少腹肌啦...黎緊真係要開一篇blog講佢減左33磅既心得!!!)

至於阿sa同oli,佢地兩個都好乖女呀!雖然我都知佢地兩個好忙,一方面又忙住準備番學既野,一方面又番暑期工,佢地都好乖咁,堂堂番黎上減肥比賽,所以佢地都已經減左一定既磅數啦~

ps:岩岩係fb見阿sa post左相...原來佢都已經減左30磅架啦~~真係又要開多篇blog打關於佢先得!!

oli其實本身唔係好肥架ja!不過佢差唔多每次番黎減肥賽都有落磅!同埋最開心既,係見到佢d皮膚有改善呀!

之前oli因為a-level既壓力關係,所以塊面好多豆豆架...不過....依家就真係好番好多呀!真係好開心佢白淨左又靚左!

佢地三個都咁好效果...真係一人一篇都要打足三日啦~

講番少少今堂既減肥比賽先!今堂係由我講纖維素!^0^

其實做過一次講者,就會對呢個題目熟悉好多呀!同埋又知多左,纖維同我呢個為食既情況係有關係架wo!

同埋今次大家都減得好好呀~我男朋友今次係第二位減得最好既朋友!不過...佢已經完成左公司既目標,有機會去到黎緊減肥比賽既嘉許晚會!!

各位都要繼續努力呀!希望你地黎緊減得更好!^_^

ps:阿sa話下次要帶佢既朋友仔黎參加呀~希望黎緊個比賽更加熱鬧!^0^