又拖左幾日冇打BLOG TIM...=V="(PS:其實仲有起碼2,3篇野要出架....聽日得閒一次過打哂佢先得~)

好啦~講左最新鮮熱辣既野先!就係~~~又係減肥比賽既日子啦~~

其實仲有2堂就完架啦...好似同大家熟絡左冇幾耐,咁快又完啦....真係希望未減完既朋友仔,可以參加下一屆既比賽,繼續為自己既身型同健康事業努力!!

講下今堂大家既戰況先!今次大家都好勁wo!!因為....今次冇人肥左wo!真係破哂紀錄呀!!

同埋唔好話我提早爆料....暫時睇個勢...我男朋友係減磅減得最多既一個!佢係比賽入面減左成15磅呀!而計埋未開始參加比賽既時間,佢已經一共減左33磅!!

不過...因為我地呢個比賽係好公平架...係計埋脂肪比例,如果用番大家既體重乘番比例既話,咁就算係瘦過我男朋友既參賽者,都有機會贏佢架!

例如好似我另外既參賽者oli同阿sa,雖然佢地唔係要減好多...(oli本身唔係太肥既~佢都係想修下身型!至於阿sa...佢已經減左成20幾磅先黎參賽呀!!!@@)不過如果佢地既比例上落得多既,都有機會贏到我男朋友架!!!=v="""

所以....佢真係要努力啦~~如果唔係臨尾先比人追番,就真係打心口啦~~~

同埋我覺得,呢個減肥比賽真係可以好開心咁幫人減到肥!^_^

點解咁講??因為我地有位參賽者既姨甥女話:「我未見過我姑姐咁開心架~佢平時都唔係好講野既!」

因為姨甥女係暑假期間,同左屋企人出左埠,所以冇陪到姑姐玩減肥比賽!直到依家番到黎,佢見到姑姐同我地玩得好埋,真係完全係兩個人黎呀!

我地其實最想就係做到呢個效果呀!真係好開心佢地當呢度係屋企,每一次黎學野,又會分享下大家減既進度係點!!^_^

黎緊係中秋節,希望大家唔好食肥左番黎啦~-v-""""