襯有時間,講番我地早幾日既活動先得!

係岩岩果個星期日,我地鋪頭搞左第一次既一人一菜+生日會呀!

呢個活動係我地新鋪之後既第一個活動,所以我地幾個店主都傾左點做,會令到我地既第一個活動又開心又好玩!

好榮幸大家邀請左我做MC,等我可以HOLD今次既活動!^_^

今次所有野食都係我地自己整架~所以樣樣野都好健康!^^

至於我...係請槍叫左我男朋友整野食黎呀!!(哈哈~係咪好估唔到呢?其實...我真係唔係好識整野食...反而我男朋友整西餐係好叻呀!所以為左大家個腸胃著想,我都係決定將呢個「一家之煮」既責任交比佢啦~~)

呢個係我男朋友整既香草茄汁意粉呀!大家都話好好味!^_^

其實今次大家都整左好多野食呀...自己整既雞又有,炒飯又有,菜同肉又有,連甜品都有呀!真係超正!!!>0<"""

今次真係好熱鬧呀~真係有好多人黎捧場!^_^

同埋我地講得係一人一菜+生日會,就梗係唔少得生日既朋友仔啦~~

我地特登為佢地準備左生日蛋糕呀!!^_^

最後就梗係唔少得有抽獎時間啦~~每一位有帶自家制野食黎既朋友仔都有得抽獎呀!!^^

阿婧抽中左可以提神既能量飲品、可以吸油既健康片,仲有幫到皮膚靚靚既FACIAL一次呀!^0^

今次真係玩得好開心呀~連我地一班店主都覺得,好似RELAX左好多!真係好想下次再玩呢個活動呀!

PS:今次因為我係MC既關係,所以我都冇咩機會影相呀...所以如果大家想睇下相既,可以去番我既FB,又或者去我另一個減肥朋友仔阿婧既BLOG度睇呀!

FB:[email protected]

CHING 's Blog: http://blog.qooza.hk/healthy_ching?page=1#e24475740