各位~~我終於係韓國番左黎啦~~~大家有冇掛住我呢??

其實我番左黎都2,3日架啦~不過因為呢幾日都好忙....一番到黎就要忙住鋪頭既野、減肥比賽、打電話比我所有減肥既朋友仔等等....所以連續幾日都唔得閒打BLOG!!

不過呢個TRIP真係好好玩呀~一來可以學到好多野,令到我決定左要升職啦~~><(PS:大家會唔會撐我架~?)二來就係....又買到幾樣好靚既韓國衣物+化妝品!!!今次真係大豐收呀~

我已經預備左手信比大家架啦~~到時見到面再比大家~^0^

呢幾日做左好多野...依家好攰啦...黎緊幾日先再同大家報告我個旅程,同埋減肥比賽既最終成果比大家知~~

小記:可以話比大家知既係...今次我去完旅行之後,仲瘦過我未去旅行之前~@@"

點解會咁??因為我地呢個5日TRIP,其中兩日係去左開個13000人既大會,希望從中可以學下,點解人地韓國可以開到成3000幾間我地既營養店!!

因為呢個會太多人既緣故,我就冇走去排隊買野食....(因為連比錢都要排隊...=V="")我就係香港帶左成罐SHAKE去飲!!

經過呢兩日飲左成7-8杯SHAKE(仲要我果D唔係基本份量....-V-""不過要聲明,開完會之後我地一班人係去狂食韓國野架~~)

最後既結果係....我個肚腩仔即刻細番好多...仲要番左HK之後...大家都話我塊面尖左WO~~

哈哈~平時食埋食埋咁多野,終於都有機會清咁D出黎啦~~不過呢段時間都仲係食左好多野呀....我黎緊要努力KEEP好個身型先!!(因為我決定左...我要轉新形象呀~~所以我要再KEEP FIT D!!!)

好啦~講住咁多先!聽日再同大家分享啦~^0^