自從由韓國番左黎香港之後...真係勁多野做呀...><""""搞到真係連上網都冇咩時間TIM...

趁依家有時間就打番之前減肥比賽既野先!岩岩果個星期既減肥比賽,又係好開心既時刻呀!!因為...今次都係一樣,個個都瘦左,冇人肥到呀!!

其實大家減左咁耐,已經覺得佢地好叻呀!因為堅持3個月都咁乖,其實真係唔容易!

好似我男朋友咁...如果冇參加到減肥比賽...我諗佢應該唔會咁快就減左33磅咁多!!

點解咁講??因為以我地個個肥仔肥妹既性格黎講,如果要繼續食得又SMART又健康既,其實真係唔係個個都做到呀!

不過就係因為有左呢個比賽,一來佢地每一堂都學到D減肥同KEEP健康既資訊,可以幫到自己平時揀野食,又可以提醒屋企人煮得SMART D健康D!二來咁多同學仔一齊減,大家又可以分享下D健康心得,真係令到佢地減得快左好多呀!!

同埋...原來阿sa都已經減左30磅啦~~可以追得到我男朋友啦!!!

不過阿sa同阿sean一樣,都係減左10幾磅先參加減肥比賽...(唔係wo...阿sa好似係減左差唔多20磅先參加呀...@@)

不過唔緊要啦~~呢個比賽係計百份比,阿sa都有機會贏呀!加油!^_^

仲有oli....要比心機呀....雖然你要減既磅數唔多...不過我相信你既百份比應該有機會贏到公司個比賽呀!

聽日就係最後一堂啦~大家要加油!!!^_^

後記:今日我既減肥朋友仔carmen同berry黎左搵我磅重~carmen雖然唔係用左好耐...但係已經減左d磅數,身體機能年齡又後生左!連內臟脂肪都少左呀!真係好叻女!!

至於berry....其實真係好耐冇見佢啦~其實佢係我識左成年幾既網友仔!不過覺得佢都比一開始減果陣真係瘦左,個形同條腰都出番好多呀!

不過最近佢老闆成日請佢夜晚去食扒....佢覺得自己呢排肥左少少呀...所以又要繼續努力啦~><"""

大家都比心機啦~^_^