完啦完啦~~~呢個減肥比賽終於都完左啦~~~~

唔知係咪我日日都會見到我男朋友既關係,好似覺得呢個減肥比賽既時間過得特別長咁....@@"不過....見住大家由第一堂肥肥地,到依家個個都瘦左咁多,真係覺得好好好開心!!

今次係大家最後一次磅重既時間....經過我地既計算之後,有3位朋友仔可以入圍公司既嘉許呀!!!

佢地係邊個??就係.....阿SA,我男朋友,仲有一個參賽者ERIC!!

今次真係好開心呀~~~我有3位參賽者入黎參加,有2位都拎到獎,真係好開心佢地咁盡力去減呀!!

今次個比賽係只要減磅超過15磅,又或者脂肪比例減多過12%,咁就可以去到公司既嘉許晚會,仲有機會拎大獎啦~^0^

阿SA係比賽入面減左超過12%既脂肪比例,所以可以入到圍!^_^佢依家TOTAL減左33磅啦!!!

至於我男朋友,佢係比賽入面減左15磅,TOTAL成個減肥過程減左35磅啦!!

仲有ERIC...佢真係超堅...佢減左既脂肪百份比佔左30%!!!真係完全同佢開頭黎果陣係兩個人黎呀!!!

其實我既另一位減肥朋友仔OLIVIA....如果佢今次有黎磅重既...佢好可能會有機會拎到獎架....不過因為佢大學上堂上到好夜...所以黎唔到磅重呀!!><(PS:睇下有冇機會爭取下,比多一次機會佢磅重先得.....><)

當然,仲有好多參賽者都減得好好,佢地比起我第一次見佢地果陣,成個形都唔同哂呀!^_^

如果未減完既朋友仔,好歡迎你地繼續參加,咁可以係個比賽入面學多D減肥資訊,幫到自己點樣減完唔肥番,可以KEEP住靚一世!

黎緊又要番番去大埔既減肥比賽啦....唔知又會有咩有趣事發生呢~^0^