成日都有人同我講...話減肥好難...

成日都有人同我講...話減肥好難忍口....

成日都有人同我講...話減肥好難堅持...

我想講既係....如果你減肥背後既原因夠強既話,呢d困難都只會係你成功既考驗!

但係...如果你冇咩原因,只係「人減我又減lo~」、「想瘦lo~(又唔知點解...」等等...咁你好快就會有以上既藉口走出黎,失敗左,就搵呢d黎做藉口!

當初我減肥既時候,都有好多好多問題...唔單止咁,我阿媽仲反對我用產品呀...

但係...就係因為我想瘦既原因好強..所以就算阿媽話我,我都要堅持落去...就算要自己帶飯,冇得成日同d fd出去食飯,我都覺得唔緊要...因為....依家我keep左5年都冇再肥番...個個朋友都話我好靚好成功!

我聽過一個人講:「成功就係做一d人地唔願意做既事」,而我就係做左一d人地唔想做既野,好似忍下口,食得乖d,只係堅持幾個月je~又唔洗做一世,唔通真係咁難??

依家我減完之後...已經唔洗話唔食d咩...(ps:我食野既量...真係唔會少過我男朋友架...連我男朋友媽咪都話...我食得都幾勁下架....)

同埋最緊要係...已經可以著到自己中意既衫啦~真係好慶幸當初自己既堅持同努力,所以先有今日既成果呀!^_^

同埋好彩自己既緊持...唔單止幫左自己...仲幫左我既男朋友減左35磅,仲有其他既朋友都瘦得到呀!我諗....如果當初我自己冇成功減到...都唔可以用到自己少少既力量去幫到其他人呀!(ps:突然覺得自己既存在好有意義tim!)

講番尋日吖~尋日我既網友仔阿sam黎左搵我覆磅,同埋佢都好積極參加左減肥比賽,想比自己減到最好呀!!

最緊要...佢只係用左10日既時間,就已經減左4磅幾,仲要上身同肚腩都減左1吋呀!!!

真係好叻呀!!!佢真係證明左,堅持同認真真係可以令到任何事都成功呀!!!^0^

各位減緊肥既朋友仔,你地都要加油呀!