呢幾日走左去偷懶冇打BLOG...係因為岩岩既星期日,係我男朋友既生日呀!(其實...佢生唔生日我都係會偷懶架啦~)

哈哈~講番呢兩日既行程先!其實....都真係冇咩行程呀...都係好簡單就過左呀!

因為我地兩個都係唔係特別中意熱鬧既人,又冇話到一定要去邊度玩,所以就算佢特登放埋星期一,我地都係冇咩特別野做過呀~

講左星期日先~星期日既然係正日,就梗係佢同屋企人慶祝既時間啦~

仲要佢媽咪一早就話約佢食飯,仲有佢舅父約哂所有屋企人番黎陪佢食飯,咁樣...我想唔放人都唔得啦~(哈哈~其實我地都冇咩特別節目,所以都冇咩所謂啦~)

呢日簡簡單單,一家人食餐飯,之後仲有蛋糕做甜品(PS:最衰我冇影相啦....冇得比大家睇啦~~~),真係好開心呀~~我諗最開心既就係我男朋友啦~成家人陪佢食飯慶祝,仲要一齊打下麻雀(佢就LUCKY啦....都唔知係咪大家知佢係壽星仔,係咁送錢比佢洗...佢呢次都贏埋贏埋唔少啦~)

至於係星期一....其實都冇咩特別野做呀~只係做D平時冇咩時間做既活動,好似行下街呀~又順便睇下電話(我地諗緊換唔換同一部機呀....><),行行下我又買左對BOOT WO!

哈哈~咁樣聽法,係咪覺得我地兩個好鬼悶呢?其實...我覺得我地兩個都有樣野好,就係凡事簡單心足,唔會要求多多,一定要搞場大龍鳳先叫好...總之..簡單開心就係最緊要呀!

不過...有樣野真係好SORRY呀..就係我原本想送既禮物仲未送到比佢呀...(希望之後補番比佢啦~><)

ANYWAY~係度要祝佢生日快樂,要以後都咁幸福快樂!