唔知點解,好似咁快又一年咁既...(ps:通常呢d說話都會出現係d年紀大既人口中架wo....唔通...我咁快就老左....)

哈哈~可能今年既變動太多,悲喜交集,所以真係覺得呢一年好快就過左呀!

一年既時間...發生既事太多啦~最難忘既,係身邊多左個錫自己既人,自己又多左間鋪,身份變左做老闆...跟住係公司入面既角色多左..要負責做既事都多左...(升左職?!)所以真係一個好忙碌又好充實既一年!^_^

感情方面,真係多謝我既dear好錫同好包容我..(因為...對住佢我d小姐脾氣會走出黎架...=v=""")同埋好開心成日食到佢整既好野食!(遲d再post埋早半個月d相比大家睇!)真係好感恩上天錫左個咁錫自己既人比我,陪我走過左呢一年!

工作方面,因為多左間鋪,所以要花多好多時間去經營...不過忙得黎真係好開心呀!因為見住一個個係我地營養店度食野既朋友仔,一個個咁健康左,一個個咁fit左靚左,真係好替佢地開心!^_^

好希望黎緊我既鋪頭可以幫到更加多既朋友仔改善身型同健康呀!^^

仲有...黎緊新一年我係Gen H既成員(詳情睇番「我做左leader?!」 ),再加上好多謝各位拍檔既信任,我黎緊係尖沙咀同大埔既減肥比賽都會做主hold,會決定好多減肥比賽既事,而為左令大家減完肥之後又fit又靚,黎緊我要做既事就更加多呀!

好多好多既事要做..不過最遺憾既..係呢一年少左時間同我既朋友仔聚會...希望新一年可以多d時間同佢地出黎食下飯傾下計!

最最最開心既...係keep左5年都係減左20幾磅既身型,大家仲話我越來越fit呀!!真係勁開心!!希望大家新一年都可以keep住係最fit既狀態(去拜年?!XDDDD),要keep到夏天可以好自信咁著貼身衫!!^0^

除夕既今日,我會好平安咁同我既屋企人靜靜度過...希望新一年有新開始,我要盡力做好既我既事業,新一年要繼續向前衝!!^^