最近我地鋪頭開始左一個叫「客戶日」既日子!

即係咩黎??其實係我地每一個星期都會有一日,係幫D客戶磅重,只要佢地有落磅,就會有獎品呀!!

我地仲會將D成績寫低,等大家睇下各位既落磅好成績!(PS:總之係有落磅數/脂肪%/內臟脂肪都可以有獎~)

依家我地逢星期五都會係客戶日,做左一個月,大家已經開始習慣逢星期五磅重,所以大家都會知要乖D用產品,等自己有效果就拎禮物!

我影低左其中一日既成績比大家睇!

每一次都好多人有減磅呀!^0^

而我地每一次既禮物都唔同呀~~O岩O岩呢次既禮物就好特別!

係D咩??比大家睇下先得~~XDD

哈哈~係烚蛋呀!不過D蛋蛋好特別,我照住每一個落磅既朋友仔個樣,畫左佢地出黎呀!(又或者佢地平時做D咩食D咩,我都會畫上去呀!)

哈哈~有好多唔同既蛋呀~今次我地派左差唔多一底雞蛋出去呀!!(PS:即係話...有好多人都有好成績呀!^0^)

呢隻係我送比其中一個O係鋪頭食野既減肥朋友仔,佢即刻影低放上FB+TAG番我!(我畫得好似佢同好靚架~^0^)

有得送禮物比人,真係好開心呀!有D婆婆仲會話:「咁得意,我唔食住啦~我要拎番屋企先!」

不過我見大家咁中意,同埋又有好成績,其實最開心O個個都係我呀!!希望黎緊大家要減肥既就減肥成功,要身體健康既就身體健康!^^