今日係搭k66返屋企既途中發生左件事,

            事由係千色有好多人上車,咁其中有一個媽媽,一個工人 &3個仔仔,咁係呢個媽媽上車果陣,個司機就叫呢個媽媽摺好架bb車,咁果位媽媽好明白上巴士摺車呢個道理,

             咁佢就一個人抱起2個仔仔,拖住一個仔仔行,點知架巴士一開果陣個工人收唔切架bb車,個司機就鬧個工人啦,話佢再唔摺起架車就會叫佢落車,唔俾佢搭~

             呢個時間,果位媽媽就行出黎鬧個司機啦........

                    內容因有粗口成份故此唔公開啦~

             我自己都係個媽媽,好明白上車要摺車,但係唔明點解d司機少少人情唔講,你話要摺車,人地都摺啦,咁你又唔諗下你架車一路郁,個工人點摺呀??
             仲有個媽媽都已經1個人抱2個仔仔,叫左個工人摺車,而其他乘客都無意見,點解要鬧個工人呢??

          我真係好多謝呢位媽媽伸張正義,如果唔係呢位媽媽,我地呢d住村屋,又有bb車,仲要得一個人出街既媽媽,真係好辛酸~