今日照常都係8點半起身,跟住10點幾就訓覺覺豬,一訓就訓到2點老公打黎問我食飯未??我話佢知我訓到e+ 呀~

跟住老公同我講佢今日要爬出18樓呀,仲要無棚tim呀,擔心死我啦~so我出街都無打俾佢話佢知~

跟住3點度就出街街去大班度拎月餅,拎月餅前去左大家樂食瀨粉,食完瀨粉都係4點lu~

之後先去大馬路果間大班拎月餅,去拎月餅途中行過一間花店突然有隻狗跑出黎,真係驚一驚呀,

拎完就返屋企等老公打俾我~老公係7點半度打俾我話我知佢收左工,果一刻個電話響又驚一驚呀~

但係係紅隧塞緊車車,唔知幾點先返到黎~

好彩老公係9點度返到黎屋企食mum mum,老公食完mum mum返到上房~

唉,岩岩果條某某又打黎搵我老公啦~又唔知佢又會同我老公傾幾耐ga 啦,我諗最快都會傾到12點~

不過佢傾電話唔係問題,但係佢俾我既感覺係某某先係佢老婆~

而我只係一個同佢一齊訓,會為佢生bb 一齊住既普通人~

仲有我好唔明我先係佢老婆,但係點解某某講到好似我先係第三者拆散佢地果個咁~

但係唔該你講我之前諗清楚邊一個先係第三者,講真唔係你既出現,可能我同老公唔會有咁多爭執~

其實我唔知我當初決定要bb既決定係咪唔岩,但係呢條路係我自己選擇既,將來係點,我都唔會怨,

但係好驚bb 大過左會怨我點解當初爸爸係咁都要決定生佢~

聽日就係bb 12週啦~話咁快bb 就3個月lu~

e+ 真係好想快d俾bb 踢一腳,起碼俾我知果一刻佢開始識聽我講野,以後就多一個人聽我講野lu~hee~

頭先諗住鎖埋門打晒個日記先俾老公睇,點知俾老公鬧鬧呀~