今朝7點幾突然穿左羊水,到8點就推左入產房,一路都嘗試順產......
直到1點幾,醫生黎同我講,我子宮一直都只係開2度,而我盆骨又細,+上子宮收縮令bb係咁頂出黎,
醫生就話要開刀生bb...如果唔係bb會有危險,果一刻真係好驚bb有事,所以唔等老公就自己簽名開刀,
1點45左右就推左入手術室啦,到2點終於打左痳醉藥等待bb出世既一刻啦,
但係早幾日一直都訓唔到,點知一打左痳醉藥就即刻訓著左lu,其實一直都好驚自己會醒唔返,見唔到bb同老公,
到左2點13分,bb終於出世啦,連我落左痳醉藥都聽到佢d喊聲好大聲,哈哈哈,唔知呢樣似我定老公呢??hee
隔左一陣,姑娘就抱bb過黎拍醒我,叫我睇下囡囡啦~但係當時仲有痳醉藥都睇唔清楚bb似邊個~
到2點45分,我推出手術室啦,
突然有個姑娘走黎同我講,佢話我老公一直係產房出面行黎行去,好擔心,仲成日問d姑娘佢老婆點喎~
到3點20分左右,我同囡囡正式推出產房lu~我到4點半度d痳醉藥開始散就即刻打俾老公話佢知bb係女仔lu~
5點半探病時間
老公第一時間入黎睇我,仲有老爺奶奶,老豆媽咪,啊妹,2個細佬,仲有孔太tim......
老爺奶奶,老豆媽咪佢地出晒去睇囡囡之後,剩返老公陪我果陣,老公睇到我插晒喉+上又要開刀心痛到喊呀~
跟住媽咪佢地入黎睇我果陣係度講,囡囡好似我呀,囡囡仲好重磅tim,一出世已經有6磅8啦~唔怪得知要開刀啦,哈哈哈~ | 
