呢幾日都係４－５點訓，１２點左右起身，２點出門口去ＭＡＮＤＹ度．．．．．．都無咩特別，只係晴晴果ｄ唔知應該叫ｂｂ話？太空話定客家話？真係日日笑料，哈哈哈∼最衰既係成家都陪佢一齊傻，老公仲返親黎都講”麥雞，麥雞”，真係俾佢激死＞．＜

呢幾日夜晚又訓唔著，到朝早５點左右先走去訓，一訓就訓到點幾老公打黎話佢食飯，點知收線之後，我又訓過，哈哈哈∼再起身既時候已經係３點＞．＜又咩都做唔到∼

　　　琴晚同老公２公婆一齊執房，執到成３點先訓，今日起身自己又執多少少，一日執少少，最遲到８月中就可以見到間房既新擺位ｌｕ，老公仲話會換部掛牆ｔｖ，不過我最想係房裝條電話線，起碼唔駛成日煲爆手提ｍａ＾＾呵∼

　　　早幾晚，晴晴係老公返黎果陣講左句”麥雞”，我一直都唔係好明晴晴講ｄ咩，仲以為”麥雞”係爸爸　ｏｒ　佢想食麥樂雞但係講少左個字（哈∼傻左）但係今日問老公”麥雞”係咩，原來係佢地客家話既”咩野”，果刻真係一頭霧水∼最好笑既係，晴晴無聽過老公講，但係佢自己突然識講，呵∼唔通呢ｄ真係有遺傳？？

今日係度計緊今個月ｄ家用數，數數下發覺點解今個月會少左錢駛，原來係因為之前幫人係吉之島簽左幾條＋埋成＄５００既數，人地係借果陣話月頭還唔到就月中，點知係月頭既時候，用一ｄ好芝麻綠豆既事黎同我嘈，到今日我終於明佢既用意啦，原來嘈完可以當無事，唔駛還錢＞．＜真係唔知佢將來點教小朋友？唔通教個小朋友借左錢轉頭嘈交就唔駛還？？

　　　今朝一起身落樓，一心諗住老公已經返左工，點知原來老公仲係屋企，無啦啦見到個老公仲係屋企緊係問下佢係咪唔駛開工啦，一問之下原來老公再一次做野做得唔開心＞．＜

　　　　＜老公做得唔開心就唔好做啦，我地唔係等果一千幾百黎開飯，只要你開心就得，我同晴晴都會支持你＾＾＞

係我打呢句野既時候，老公突然開門，哈哈∼跟住老公仲話今晚帶晴晴去公園玩，我諗老公都係想同晴晴去公園玩，開心下，唔想記得做野ｄ唔開心，其實去唔去公園玩都無咩所謂，只要一家三口開心，就算係屋企悶，發毛都會好開心＾＾

　　　今日起身已經係２點＞．＜呢排都係咁樣，朝朝４點幾５點先黎訓，但係就訓到８點幾老公出門口醒一醒，跟住就再訓到點幾２點，日日如是，連晴晴都係一樣＞．＜呢排咁晏先起身真係唔知可以做ｄ咩，出街又熱，＋上出得街黎又夠中返屋企，都唔知出定唔出好＞．＜不過呢排既訓覺起身時間，好似果陣馱晴晴咁樣，又係夜晚唔願訓，哈∼

　　　以前用舊電話果陣每次放親ｄ婚紗相都用唔到，連睇都睇唔到，ｅ＋用左老公新買既電話之後，唔單止睇到，仲可以用ｔｉｍ＾＾我仲拎左一張老公攬住我既相黎做背景＾＾以前剩係識用晴晴，ｅ＋唔係ｌｕ＾＾

　　　　仲未想ｕｐ相住＞．＜