今日訓到10點幾,又再訓,訓到11點幾,

起左身等睇電視,睇通靈王,睇5集睇左2個半鐘,

睇左一陣,我小學同學打黎叫我出街玩,我話睇埋通靈王先.

睇完我就出左街同佢地玩,玩左一陣去左食野,食完野就返左屋企,

我牙媽就同我講去婆婆屋企.我地去左紅磡之後,去左7-11,買左好多野,

攞左8個大口仔匙套,個個重覆,吹脹.

之後就上左婆婆屋企,上左去睇左一陣電視就出街食飯,

食飯個陣,牙媽話附近有7-11,叫我去買野飲,

我買左4枝汽水,岩岩好20蚊,有一個大口仔匙套,

我覺得抽1個靠運氣反而更有用,比買得多好,

點知...真係比我抽中左特別版.

係阿根廷特別版呀!^o^

開心到我差d想死.

跟住食完飯就返屋企啦!

今日去左旅行呀~!

d野成日都講唔完,我地6點幾起身,梳洗完,

就換衫汁野走人.

到左尖沙咀碼頭集合,食完野就搭船出發,

搭左個幾鐘,到左一個無人島,係咁行,係咁行,行黎行去,等d人到齊,就一齊行去睇石頭.

睇左好多石,有大炮石,西式棺材石,龍頭石.

睇完就搭船去食野,搭緊船個陣,我飲左杯涼茶,之後搖下搖下咁去食野個到,

去到個到,我即刻去左嘔,嘔左成兩次,搞到冇哂胃口,

食唔落野,食左小小就上返船.

上船之前,無啦啦落大兩,落左幾分鐘,

之後就冇事.

最後,我地上船去某一個地方,個到有個大洞,我地分幾組人上小船穿過個洞,

穿緊個陣,我地全部人大叫,因為領隊話個洞會有回音,所以叫我地試下大叫.

穿完洞,我地就搭船返尖沙咀,返緊去個陣,領隊問左好多iq題,

好多我都未聽過,所以我答左4,5題,攞左好多禮物.之後就返左尖沙咀,

跟住我地全家去左樂富食飯,食完就返屋企睇電車男.^.^

好耐冇打日記啦!

今日本來想去踢波,點知又落雨,訓到12點幾.

起左身,我牙媽叫我去睇中醫,睇完去左食野,

我食完走先,去左7-11買野,加埋買左20蚊,

有5個大口仔送,有1個係德國特別版,

開心到我死死下.

返左屋企,睇左陣電視,玩左陣電腦,就黎打日記啦!

今日本來想睇電視睇到2點半,

點知又要出街,之後同d親戚一齊去飲茶,

因為我表哥都有儲大口仔波衫,所以我d親戚攞比佢,

我地未到表哥到,我攞左d波衫睇,點知見到有法國特別版,

我好想要,但係佢係比表哥既,所以我比左表哥,

其他普通版佢儲齊哂,所以多左既比哂我,

搞到我多左好多個我本來未有既.

宜家有18個,差15個.

加油呀!

之後我地飲完茶就去左表哥屋企,個到唔算係間新屋,

不過一入到表哥個單位,就有部大電視,

我地係到睇電視睇自選電影:新精武門1991.

睇到最後,我地就去食晚飯.

食食下,我見到有個明星呀!!>.<

佢就係李燦森啦!!^o^

好鬼靚仔呀!@o@

之後就返左屋企.

今日唔知痴乜線,凌晨1點幾訓,中午2點幾起身.

之後係到玩電腦,睇電視,5點就去游水.

一游水個陣,個太陽對我地,曬到差d想死.

好彩時間過得快,好快就游完2粒鐘.

跟住我同班fd就去左7-11食野,岩岩好我買夠20蚊野,無啦啦抽中左大口仔既...

巴西特別版波衫呀!!!!^w^

真係好鬼開心,之後就打尼個日記.@.@