今日返埋最後一日

下次返工就係九月四號

加加埋埋有八日假期

今日黎左兩個新人

一男一女

個女都叫做OK

個男就……………………

個男代替左我個位

搞到我成日冇野做= =

但聽講佢做野唔夠快

幾次令鋪頭冇珍珠賣

唔怪得我一返到去豪仔就話：「好Yeah~救星返黎啦!!!!」

之後發生左一件好鬼……唔知點講既事

呀Cat 肚餓

買左麵包食

佢咬左兩啖，之後問我要唔要食野

我以為佢有買多個俾我食

咁岩我又忙緊，就好順口咁話左要

跟住佢就過黎喂左我一啖

我當初又冇留意到

咬完吞埋先知

原來個麵包係佢咬完之後又俾我咬

簡單D黎講……即係間接吻= =

…咁猴琴

只係同事關係

點解要做D咁親密既行為= =

豪仔又鍾意佢

好彩佢冇見到

否則我驚佢殺左我