今日考中化     考得極差   唔想再講

放學就返屋企

其實之前已經想叫平返黎大家到

但我始終唔知應該點開口

今日見倒平online

我好唐突咁問佢   朱sir有冇搵你

之後再問  點解唔同大家一齊食飯

佢答: 唔la .  等謝師宴先

我見倒佢依句    我反而覺得幾開心

我感受倒佢個份善意     平根本就唔係大家所諗咁恐怖

佢只係孤僻咋ma        雖然我對平既了解唔多

但平真係需要我地去接納      算la    冇人會明

今日又係人生既另一個階段轉捩點

中學生的生涯就隨住今日ge過去而結束

係班上嬉嬉哈哈既歡笑聲將成為歷史

只可以係各人既心裡面得閒回味

在往後    回想下自己當然的傻事

拍下的照片就是我們曾經一齊相處ge證明

我地一齊傻笑過 , 努力過

無私咁表達出自己對班ge歸屬感

雖然我地班唔係十分團結

都係有幾個小群體   

但人就係咁    要將一個個唔同性格ge人聚埋一齊係好困難

我地班ge小群體都唔算不和     係一d特別時候    我地都一樣可以變得好融洽

團體既生活就係咁樣你串下我    我串下你

傻更更咁打成一片     我覺得依d先係真正ge友情

以後既日子     我地見面既次數就真係變得好有限

各有各既目標    有自己要行既路     離離合合就係人成長必經階段

見唔倒面唔等於此情不再     只係個份情會留係各人心裡面

希望日後再見返d同學既時候     仍可以笑容滿面咁打個招呼

再搵個地方閒聊幾句     互相傾下自己及其他人ge近況

咁樣我已經覺得好滿足

日子一日一日過去

壓迫感亦與日俱增.. . . 好煩