呢個禮拜係我地reading week既大星期

唔係話要你睇幾多本書

姐係有一個星期唔洗番學

做咩就自己話事啦

開頭個一兩日都無咩特別

放假總是比到一種奇怪既感覺我

好似係覺得自己唔值得有假期

浪費緊時間咁

---------------------

今日主要目的唔係要交待自己做咩啦

係想講自己另外一個奇怪諗法

今日去左打波(終於打到波)

自問自己都叫識打波啦

但係耐何比一班24-28歲既人黎踩場

我當係切磋下啦

佢地其實真係同我地係另一班波

當你比人虐殺完之後坐左係出面

睇住佢地繼續打既同時

腦袋又好唔爭氣咁思考人生了

咁小弟其實唔太高只有17幾姐

但係對手個個最小都有米八

係打波基本要有既高度黎

個個又快又準

最緊要佢地成場都有trash talk

串得黎你又無佢乎個種

咁我就係到諗自己

其實自己仲淨番咩野呢?

讀書唔叻

無俊俏既樣子

人又肥

又唔夠高

諗諗下好似又真係無一樣野係值得自豪

衰就衰在個一刻正正係比人屈完機黎

籃球呢樣野成日講話有幾精

最後今日比人玩到遍體鱗傷

呢個打擊會否大左小小呢?

一個愛面子既我

都不禁頹頹子左一陣

成日把口就淨識講

做又唔肯做

呀jake仔!

你究竟咩事呢?

-------------------

講講下又講到身型樣貌問題

常言道:人醜多讀書

其實我采佢都有味

但有時諗諗下

正正因為你外表唔出眾

所以你更要讀多d書去豐富自己

做個有學識既人

人地同你傾起計上黎都會覺得你博學多材個種

又岩既~

係我呢個situation好似又幾岩用

唉!

點解自己要諗咁多野呢?

個個都話要做番自己就算

做咩野最開心 

最舒服既自己

我想係到講一句!

我做唔到呀!

我太介意人地既目光之餘

我同時亦都好自大呀

以為自己巴之閉

呢種性格幾時先可以改到呀!!

所以我之前有諗過搵好多野黎打擊自己

傷害自己黎比自己反省

結果我原校repeat左年

一個咁要面既我竟然可以做出咁既決定

最後個打擊的確唔小

但而家諗番好似又無咩特別

究竟我個腦又係裝緊d咩呢?

唉!

wtf!

我真係唔知自己想點呀~

我可唔可以有番個好既目標

而家year one既我

好想有番個目標

以前asso衝大學又咁鬼勤力

而家成功左又放"pair"(粵語第四聲'哂自己

唔通呢個都係成長既一部分?

我唔要做廢青呀

死肥仔都唔想做了

另一個一直提點自己既我呀!

你幾時可以dominate 呀jake呀!

樣貌其實唔係問題

--------------------------

但身型係可以後天改造架ching!

你英文唔好

你而家讀書既地方其實有好多地方可以學得好

可否比多點心機去做實事呢?

係呀!

你係a0

但可否寧缺勿濫呢?

停啦你!

點解要咁作賤自己

比更多時間改進下自己啦

人地講唔出口

我可以同你講!

你個本心好好架

你比同年既人都好識諗!

keep住呢顆最天真零污染既心啦

你會感染到更多真誠不膚淺既人

加油!