今日終於第一日返工啦
好累呀
唔知係唔係好耐無返工
所以唔習慣啦
而家返工果度d同事好好人
個個都好nice呀
我好鐘意係度返工呀
我係度做得好開心呀
哈哈
佢今日有接我放工呀
跟住去吉野家食野
好飽呀
之後返屋企啦

尋晚我問佢一個好白癡既問題
我話你有無諗過同我結婚
佢諗都唔諗好快咁答我無諗過
果一刻
我呆左一陣
個腦一片空白
個心好似有酸酸地感覺
我覺得自己好傻呀
真係好傻
問埋D咁白癡既問題
我重要同佢講我有諗過
咁又係
我同佢而家都好細個
將來好多野大家都唔知
我可能同佢.......
總之我尋晚好傻好傻

我聽日返工啦
好開心呀
我一定會好努力，好比心機架
會儲好多錢買野比自己哄自己開心

TO:佢

我想係度講我心入面既野
係差唔多一年入面
你真係對我好好
好緊張我好錫我
我識到你真係我既福氣
我真係好開心
亦都估唔到會同你一齊咁耐
因為一齊入面既日子
我地成日鬧交，大家脾氣又臭......
雖然咁唔開心既事終於過去
但我覺得我地重有問題
就係大家脾氣和態度
有陣時你說話既態度真係好有問題
可能你唔覺得自己咁樣同人講野
但你有無諗過你真係咁啦
講真呀
真係好難受
我真係好唔開心
你訓著左既時候
我會偷偷地咁喊
都唔知喊左幾多次
有陣時我係度諗點解重要同你一齊
點解要受你氣
點解唔一走了之
雖然你既脾氣同態度唔好
但我覺得你係一個好男人
可以照顧老婆既老公
我真係有諗過同你結婚
但跟住之後既事無人會知
無所謂呀
我諗下已經好開心啦
我亦都有唔好既時候
就係同你一樣
脾氣和態度唔好
成日都你發脾氣
用D唔好既態度同你講野
對唔住呀
我已經慢慢去改我既壞習慣
好多謝你肯用心包容我既臭脾氣和唔好既態度
我知你同我一齊好有壓力
但你有無諗過點解會咁樣
就係你將好多事情放係心入面唔肯講比我聽
我真係唔明白點解你唔係同我講同我傾
我係你女朋友黎架
我都講過好多次
大家一齊最緊要係溝通
我咩都同你講
就算唔同你講
我都會打係日記入面比你知我個心諗咩
但你乜都唔肯講
當你心入面愈放愈多野
你既壓力就會愈黎愈多
我真係好希望你同我講
我真係好想你同我講
我唔明白你點解唔肯同我講
你唔好睇我好似咩都唔知
其實我好多野都知
只不過唔講出黎
你講大話既時候係睇得出架
兩個人一齊係要講信字
但我真係唔係好相信
因為自從果次之後
我唔係再好相信你講既說話
我真係好驚你會呃我
人地話一有第一次呃你
就會有第二次
我都相信會咁
因為我以前經歷過
所以我真係好驚好驚
雖然你果次真係呃過我
我亦都唔理你之前有無再呃過我都好
以前既事我都唔想理會
因為已經過去左
我只係相信而家既你同以後既你無呃我就得啦
我認成你會比心機返工
唔會半途而廢
跟住一齊儲錢去旅行

總之識到你真係好開心，好開心
你記唔記得我係日記打過一段說話

(你都知我係一個咩人
我真係好希望我同你可以努力維持段感情
就算大家鬧交又好
為左另一些事而吵又好
甚至分手，我好想我同你都努力去挽救
我真係唔想咁容易就放棄這段感情
我希望你都唔好放棄我同這段感情)
我愛你

                                                          FROM:我

黃凱勤先生

你係認成左我話唔會一個人去架

無口齒....講大話

係你自己認成先架

好憎你呀

你咁鐘意去去飽佢

唔好返黎呀

黃凱勤先生

唔該你睇清楚先好同我講呀

唔好咬定我話你同人出街呀

唔該

我有打到我可能諗多左呀

我重有打到

你如果真係出街的話

我好希望你同我講同邊個去

同埋要講幾點返

我係好唔想你同女仔出街

極之唔想

但我知道你都要有私人空間

我有無話唔比你去呀

我同你一齊咁耐我有無約過男仔and前男朋友出街呀

我可以好肯定答你無

因為我尊重你

我知你唔鐘意

所以我唔會同佢地出街

但你今日講D說話令到我好嬲

重有尋晚

我塗指甲油你話我發姣

我真係好嬲好嬲

你有無尊重過我呀

咁我唔著衫係唔係淫娃蕩婦

你有陣時講D說話真係好過份

雖然我都唔好得去邊

但我都唔會咁過份

我而家都會慢慢去改我D壞習慣

我知唔係一時三刻就改到

我都知要時間

所以我好希望你同我一齊去改