尋日又鬧交啦

我唔想再鬧交...種感覺好辛苦呀

雖然而家我同佢無事

但我唔想再有下一次啦

大家一齊最緊要係溝通

唔好將所有野收埋係個心度

這段感情咁先可以長久

希望你諗下我尋日同你講D野

尋日我對你發脾氣...對唔住

憎死你呀

psp你又已經拎走

我想搭車聽下歌姐

咁都唔得

你都識搭車會悶啦

我以後唔會用你電話

以後D歌你自己放入電話到

我唔會再幫你入野落電話到呀

憎死你

憎死你

憎死你

憎死你

唔想同你講野呀

感覺到自己開始有D疲倦?

點解咁耐都搵唔到工架
我真係好無用呀
成個廢人
馮思穎你好廢呀!!!!

尋晚佢話星期五唔去曬太陽
佢話約左果度D人
做完野返黎
你問心果句呀
你係唔係真係做完野返黎呀
你比我既感覺好似呃緊我
雖然我唔知你係唔係呃緊我
但我都相信你唔會呃我
我希望你認成我做完野返黎
唔好到時話要做E樣做果樣呀

我今日有好多野想講呀

第一:我係自己個日記網貼我同佢既相姐，我覺得無問題呀，但我唔知你驚咩囉，你D朋友都見過你真人，
       都知道你個樣係點架啦，我唔明白點解唔放得相係度囉，你驚邊個見到D相呀，點解你咁介意呀，
       算啦，我聽你話，你話唔好放你D相，好！我以後永遠都唔會放你D相，你放心啦老公！！！

第二:我好唔開心，我係情人節送比你既禮物，咁重要既一份禮禮，咁有意思，咁有紀念，你都可以唔見左，
       咁係唔係代表份禮物唔重要呢！而人地送比你既禮物，你就放得好好，重同人講好貴架，唔好(靜)唔見呀，
       如果你份禮物唔見左，你都會好嬲啦，你都會好唔開心啦，你掉轉諗下，我既心情係點，你唔見左都算啦，
       你最重要係唔會去搵返出黎，你一D唔開心都無，你一D都唔驚份禮物唔見左，你都知我無錢架啦，
       我係用成份利士錢買比你架，就算我唔夠錢，我都將我有儲低既錢拎出黎，雖然唔係好多，但可以夠買，
       我真係唔明白，我同送你比野果個人係唔係佢份禮物重要D？
       我真係有D嬲，咁有紀念性既禮物，你都唔珍惜我送比你既禮物，我以後都唔會送禮物比你啦！！！

第三:我想同你講女仔真覺好準，我好相信佢未離開香港，我亦都相信你有打過電話比佢，
       我唔知你係唔係真係唔知，但尋晚我同你對話，我覺得、我感覺到你講緊大話，你有打比佢未有打囉，
       佢無走到未無走到囉，唔洗呃我架，但我唔知你真係唔知，定係假唔知？？
       不過算啦，你呃我又好，唔呃我又好，我都唔會嬲，我已經唔想去知，就算証實左你呃我咁又點！
       我唔想我自己唔開心！！！

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

我講左好多次啦....我講咁多野出黎..

只係想你知我個心點諗..我只係講出心入面既說話

我唔係嬲你先咁講...我無嬲

就算我真係有嬲你

都係嬲一陣...我打完日記就無嬲啦

你知唔知點解..因為我將心入面唔開心既野打晒出黎

我個心唔會再有唔開心既事...舒服晒

除非好大件事啦

……………………………………………………

我想快D到星期五
可以同老公一齊同陽光玩遊戲
好其待呀.....^^

我咁耐以黎我有無開過msn呀

今日開一開姐...你就發脾氣立刻收我線

我表姪女唔開心...同佢傾下姐

我個心唔係想玩msn先開呀..係我表姪女唔開心叫我同佢傾計呀

電話唔方便傾，佢話驚有人聽到呀

你以為我同邊個傾呀

我對你點你唔係唔知呀

咁你開msn咁又點呀...你未同你D朋友傾計

你msn女仔多過男仔啦..重有呀..你夠同你之前女朋友傾計

你唔好話無呀..

我話比你聽呀

我msn係自己d朋友黎架..無其他不明來歷既人呀

你唔信我可以開比你睇呀

我自己咁耐以黎無做過對唔住你既事

我唔會嬲你

因為你之前開msn我都係咁樣發脾氣

所以我無資格嬲你

我只係想打出我心裡面既事出黎

打完舒服晒

我真係唔會嬲你架...我無野啦^^