今日赤口 , 唔洗去拜年

咪去左李奇峰屋企玩囉

去到佢隻狗成日叫我

搞到我鬼死咁煩

跟住淨係玩啤牌(悶到死)

突然記得智蕊話過會黎

咁咪call佢

佢黎到之後再玩左一陣就走左啦 !!!

今日要去大婕丈度拜年

我地同埋亮兒佢地啲屋企人

約埋十二點幾一齊去西貢

去到西貢首先食左野

填飽左個肚之後 , 再行多左陣街

跟住就去左大婕丈屋企啦!!!

去到大婕丈屋企 (好大啊!!!)

就同大表姐佢地玩大話啤

一路玩到食飯(阿哥輸左勁多~~~)

食完左飯之後就返左屋企啦 !!!

今日晨咁早就起左身

刷左牙 , 洗埋頭 , 再打多左陣機

10點鐘就同屋企人一齊出去藍田

同阿爺佢地拜年

尋日先去完佢地度食團年飯

今日又要去拜年

咁煩 !真係想唔去

今日三點幾個時就去左阿爺屋企食團年飯

一食就食到七點幾

食完之後翻左屋企休左個幾鐘

之後就同亮兒一齊去年宵

本來我地真係諗住去年宵架(仲諗住買水仙)

但係唔知點解我地會去左睇戲

睇完之後都一點幾(年宵都冇左啦)

咁咪直接翻屋企囉

點知86k都停駛埋

要塔地鐵去大學落車再塔87k至返到屋企

ｐ．ｓ今日係嘉欣生日啊！！！

雖然佢唔係香港返左大陸

但係我都係度同佢講聲：

生日快樂！！！

今日亮兒本來話要去李奇峰屋企架

但係雪玉臨時話唔去

亮兒就又話唔去(佢話唔想得佢一個女仔去喎)

咁咪去唔成囉~~~~(最衰都係雪玉)

跟住四點幾就去左小組

鳳岐仲玩到整到隻腳(玩唔黎就唔好玩得咁激啦 !)

今日仲玩左捉迷藏啊 !!!(仲見到吳威鴻)

加埋今日係一個叫apple既人生日

咁咪搞次個野餐囉

不過好似得生果食咁

野餐完之後就同智蕊佢地走啦

等智蕊佢地返左屋企之後咪同亮兒去食晚餐

食完之後就返屋企啦 !!!

the end