(吾特於此日誌向好友吳莉平,周康晴至以敬意,向汝給吾之慰問示以感激  ^^ )

我今日諗通左啦 !!! ^^

joyce 我以後都唔會煩妳架 la!!!

願我地之後既日子可以繼續成為朋友(wish friendship forever!!!)

希望妳唔好介意我之前所講既野(當冇事發生過啦!!!)

我亦都準備將我對妳既愛奉獻比我既朋友和我的神耶和華 ^^

今日本來諗住去教會

點知比豆豆拉左去沙田

四點幾佢去左補習之後咪一個人行翻屋企囉(好傻 ! 由沙田行翻馬鞍山)

行行下又比啲差佬兜喎 ~~~~~~~~~~~~~

佢地話我唔似14歲啊(咁人地明明係得咁大之ma)

好無奈~之後就返左屋企啦 !!!

今日一返到學校

石熙衝就同我講 , 知道曬我尋日向 joyce示愛啲野 ~~

佢仲係度笑我啊!!!!!!!!!!!!!!!!!!!!!(好無奈)

上到 class room又比周雅春同嗲D問黎問去

超煩啊!!!!!!!!!!!!!!!!!!!!!!!!

都唔知係邊個走漏風聲既

唔通係 joyce自己講比石熙衝聽???(九成九啦)

不過我覺得 joyce好似鐘意石熙衝囉

咩都同佢講(好妒忌啊!!!!!)

會唔會係因為 joyce鐘意石熙衝所以唔簡我呢???

算啦 ! 佢唔簡我都冇辦法 ~~(不過我都係會咁愛妳架)

諗下諗下，就要收拾心情去小組啦！！！

去到ＫＦＣ見到吳啟章（佢好似肥左啊！）

跟住再等多左一陣之後就見到清芬，潘潘佢地

雖然人黎齊曬都係得個七個人（兩男五女）

但係都好開心（唔知ｗｈｙ呢）

今日小組內容係健康啊！！！（講返至知原本自己有幾唔健康）

完左小組之後未同潘潘，吳啟章一齊塔馬鐵返屋企囉

吳啟章同潘潘一路好似講左好多秘密，但係又唔肯講我知（咩人都唔係講啲秘密我知，可惡啊！！！）

吳啟章返到利安之後咪淨返我同潘潘

唔知點解潘潘係都要行係我後面喎！！！（都唔知佢諗咩架？？？）

今日考中史

見到份卷以為好易

點知都係做到死死下  ~~

等到放學之後同 joyce , 余慧文仲有石熙衝一齊去食早餐

但係見到許雪塋之後即刻搞到我冇曬胃口

石熙衝食食下野又無端端拎我啲秘密黎講

我一行開左返黎之後余慧文就係咁望住我

石熙衝定講左我啲秘密出黎

 > < 我以後都唔會再信佢架!!!!!!!!!!!!!!!!!!!!!!!!!!!

跟住咪急急腳咁走左囉

一返到屋企亮兒就即刻打電話黎話要我出去新港城

話係買生日禮物比嘉欣

我地貫左支洗面奶比佢(唔知佢鐘唔鐘意呢???)

p.s我今日夜晚竟然同左 joyce 示愛啊!!!!!!!!  ^^

今日唔洗考試可以放假啊!(好野^^)

但係成日無無聊聊咁坐在屋企

成條傻仔咁

又冇書要溫,又冇野可以玩................................

唯有同人煲外電話粥

但係又冇人得閒(搞到我好似好食懶做咁)

勁悶囉!!!!!!!!!!!!!!!!!!!!!!!

今日考經公卷個時

以為好易,點知一打開份卷

啲份量多到死咁滯

做到我地死死下(真係好想知道係邊個出卷架)

考中文耹聽個時

一聽到卷錄音帶啲聲我同余慧文即刻係度狂笑

笑到連份卷都唔記得做(今次實肥佬啦~~)

放學我同石熙衝,李志成一齊去食野

石熙衝比我同李志成串到冇聲出

李志成走左之後

石熙衝問我鐘意邊個

我唔講要佢講先

佢講比我知佢鐘意朱麗娜!

咁我咪話翻比佢知我鐘意ｊｏｙｃｅ囉!!!!!!!!!!!!!

跟住我叫佢唔好講

不過唔知佢係唔係真係冇講呢