今日去左獅子會個度打針啊！都唔知點解細個打漏左枝針，搞到宜嫁要補打！鳴鳴……姑娘話打完針有機會有反應，發燒、紅疹等。打枝針都要搞咁多野。去到個時，勁多人，等左勁耐。好彩我早有準備，帶左本書去睇姐。如果唔係，一定悶死我啦。係個度，仲見到一個藝員，媽咪話佢叫陳秀珠（做銀樓金粉二太太那個），佢同佢個仔一起。真人同上鏡冇咩唔同。

                  打完針去左吃野，姑娘話我要戒口。唔準吃朱古力、煎炸燥熱野……連朱古力奶都唔俾飲！！又要最遲十點鐘訓覺，好難嫁wor。而且我會訓唔著的。否則就會生更多的粒粒。激死我啦！！樣樣都唔俾！吃咩啊？所以今日lunch個餐清淡到唔清淡，吃粥同蝦米腸粉。唉！！唔通以後都要咁樣？！唔制啊！！

                    返到屋企勁想訓覺，訓左三個幾鐘。都唔知咩針，令人想訓覺都有。（迷魂針，haha~）聽日又要返急救啦！阿sir話要考大、小手掛。放左假都仲要人考試？！鳴鳴……不過，上急救都幾好玩！