Happy New Year！！

    話咁快就過左08啦，好唔捨得啊！最掛住都係08的1A，特別係我的仔仔女女，你地要聽聽話話啊！！09要努力前進！加油啊！

       個假期好快又過完，又要exam（超級勁唔鐘意）。昨天正式進入溫書狀態，日日都同carmen回校溫書。學校風涼水冷，好凍！凍到傻！（就係因為要凍醒自己，haha~）其實，溫溫下都幾enjoy，只可惜time is limted。唉！！要爭取一分一秒，不可hea啊！！加油啊！！！！！

        今日陳sir問新年（唔係農曆）有咩大計，唔使一秒就話溫書。D書已經塞晒入個腦度，冇位置去擺其他野。開口咩都話溫書，唔識講其他野了。溫書，溫書，再溫書。

        走個時，已經很夜了。學校也剩下寥寥幾人。去熄新翼個邊D燈時，好驚。再去office拿野個陣，發現教員室走廊個度，冇晒燈，全層黑暗。hall個邊仲驚，就係見到出口那個紅色字亮著，好有陰森的感覺。嗚嗚……仲要個陣唱緊搖船曲中的「它好像對我說久違喲，問我們可安好。」超得人驚。同學們，切記不要夜晚在校園亂走啊！！

        Exam，大家要加油啊！奮鬥！！！考取好成績，支持你地啊！！

              UT完都一個禮星期啦，派左卷，都還算ok啊！感謝主！！不過，仍然有好大的進步的空間，我要加油啊！！考得唔好的同學，記得唔使傷心氣餒的，「人生滿希望，前路由我創。」

             派完卷，我的「定律」又黎啦，就係病啦！好辛苦啊，日日都咳，唱唔歌，嗚嗚……又狂流鼻水，搞到好似流鼻血咁。突然覺得自己好唔環保啊！唉……點算？！直至今日先有時間去睇醫生，再唔睇我會死啦。

              星期五去左body check，好開心啊！我有高左啊（冇再話我矮左啦！！）不過，重左啊！個姑娘仲話我係細碼，過輕，叫我加重！唉，再加重的話，肥死我啦！冇啦……24/11要返去抽血做化驗，唔知會點呢？！好驚啊！！

               近期，好多人都病啊。願主能保守佢地的身體，早日康復，身體健康啊！！

             UT終於考完lu，好開心啊！！haha~~~~但係好驚啊，特別係history，都唔知點算。一定考得好差啦，嗚嗚……其他科又錯埋D stupid things，我都唔明點解明明係mc題，都可以見唔到有答案選，搞到自己寫個ans上去。（其實眼大都唔係咁好ga……）

              大家又點睇今次UT啊，係咪覺得舊年好幸福呢？功課又少D，D野又冇咁難。不過，我地要向前望，接受新挑戰，迎接未來。（縱然史科好難，但唔使讀中史，我就心滿意足啦！西史好玩個中史啊！haha~）

             所以大家真係考得唔好，都唔使唔開心ga。下次再努力D啦！冇灰心啊！！我支持你ga！！We are the best！！星期一派卷，好驚啊。may  God bless us！！

              加油！努力！！

 Life is a ride,

   no need to hide,

       no need to cry！！