今日係LWW，我地級去左天水圍濕地公園和林村許願樹。早上我地搭旅遊巴出發，途中好吵，想訓下都唔得。落車個時，勁唔舒服，可能我唔太習慣搭旅遊巴。況且我搭旅遊巴大多時間都係睡覺的，訓醒都到達目的地了。
今次係我第二次去，都覺得冇咩新意，仲有係戶外好多蚊之類的野，我出名惹蚊。唉！好似得罪佢地咁，時時都被佢地咬。後來Amy借左塊蚊貼俾我，thx！跟大隊去戶外遊覽時，我地幾個時時都落後其他人一大距離，不時影下D花花草草。haha~到左自由活動時間，就去左展覽廳，睇下魚，影下相，玩那個什麼飛船。感覺都幾無奈，仲好洗衣機feel。最後臨走時，老師點人數，發現少左個學。後來有個同學去搵佢番來，上到車受到班中同學熱烈歡迎。
中午去左流浮山歡樂海鮮酒家吃野，好多菜，但不過都冇吃晒。好浪費啊！我都吃左好少，因為.........跟住去睇唔知咩西貢橋，話係由香港屯門直達深圳蛇口。去個條橋的街，好窄又好多貓貓狗狗。搞到我勁驚，我唔驚貓，不過我超驚狗。去到橋個度，好臭，好想嘔。Amy仲話：smell pollution。好搞野！出番去個時，就買左包雞蛋餅，好好味啊！上到車，大家吃下吃下，好快就吃完，不過我都唔介意。好野當然要分甘同味啦！
下午就去左林村許願樹，話最新那棵值300萬。我覺得唔值！舊那棵真係好多竹撐住，真慘！我們要愛惜樹木，保護地球！！不久，我地就回程返學校解散啦！
今天好累，回到家便睡著了！
       
p.s 以上相片由Amy提供。謝謝你！
|
