今日派carnation，好多同學都買左。以表對媽媽的愛，作為mother day的禮物。見住佢地拿住D花好開心，臉上掛著甜絲絲的樣子，仲好細心咁去裝飾。大家都好有孝心，做個乖乖女同乖乖仔。到正日個時，大家又會點同你地的mama慶祝啊？！

                   除左係派carnation，今日放學大家都好似好趕咁。上完中史堂，不夠一分鐘三十幾個同學全部走晒，整個課室只剩下5個同學。大家仲好有手尾咁熄燈、熄冷氣，但不過好似當那5個同學無到咁。一轉眼發現差不多全部走晒，好恐怖！

                   昨天校方宣佈，叫全校女同學小心車上的不法色徒。特別係45號線巴士的同學，搞到D女同學心驚擔戰咁回家，大家真係要小心D吸！！！係適當的時候記得大叫：唔好！！和搵人求救啊！知嗎？

                  雖然下星期一係PUBLIC HOLIDAY，但大家都應該會趕起中史份project，要加油啊！齊齊趕工！！！

                  今日同精精去睇六樓後座-家屬謝禮。呢部戲都幾好睇，都幾搞笑！係有時無端端彈D粗俗說話。今日勁多人都係睇呢部戲，全場滿坐。離場時，我發現原來精精係全場最細個的。haha~

                  睇完戲，又去書局搵書，cause要做中史projrct。搵左勁耐先搵到，唉！返到屋企都已經差不多八點，好夜啊！史上最夜回家（獨自去街）。係咁短時間睇書，真係好有難度！

                  返到屋企真係好累。好想訓覺啊！

                 今日返到屋企，就見到媽咪拿晒D相簿出來睇。睇番我以前細個，我都有陪佢睇，我地都發現細個那時，笑容好天真，好得意。無憂無慮咁。我都好想變番以前，唔駛唸咁多野。我同媽咪講：以前我真係好鐘意笑，對嗎？她說：係lor，宜嫁你都唔笑的。其實，我都好想笑，不過有時真係笑唔出。希望我的臉上可以重現我最真實的笑容。好期待！

               人大了，係咪煩惱就愈來愈多呢？時間都好似過得特別的快，回想以前真係好開心！媽咪仲話：宜嫁你都唔同以前咁（個樣）。 咁人大了，個樣自然會變，女大十八變ma。說真的，我喜歡以前個樣多D（純D，每個人慢慢地大，個樣自然會變得冇咁純）。我陪佢睇左個幾鐘，但佢就係咁重覆睇。麥真係好好睇咩？有真人都唔睇？！

                 大家的童年又係點的呢？係咪好多趣事呢？有時間，分享下啊！（洗耳恭聽）