好開心啊！等左呢日好耐啦！終於可以見到大家啦（小學同學），真係好難忘啊！今次一聚，都唔知幾時先可以再聚。雖然只係得14個人（不計老師），但係都好開心啊！有D同學都冇點變樣，有D就變左好多（我覺得），變靚左！！變高左！

              去到個時，初初只得幾個人，D男仔又掛住玩「扭計色」，唉！入到去，我被逼坐左張table最入個位，搞到我勁孤單。隔離棵假草又時時整住我。唉！Queenie, Amy又未到，所以只係同Sophy, Eilleen傾計。後來，Q,A同D男仔調位，坐係我前面。好開心啊！我D好朋友終於番黎啦！！有人陪，如果唔係，我今日一定變自閉啦！所以好多謝佢地啊！！（特別鳴謝）其實今日都好多悶場，搞到好奇怪。到左叫野食先緩和番，大家變番精靈可愛活潑！！吃完野，玩下，傾下計，時間就咁過得好快。有人開始要走。埋單個時，老師想俾晒錢，請我地食。我地真係覺得十分不好意思，第一冇咁的必要要老師破費，第二我地吃左咁多個餐，埋單都有番咁上下啦！所以我地湊番錢俾老師，場面好混亂，都好搞笑！老師真係好好人！！！！！

                臨走時，影左幾幅相。Chris影相的姿勢超搞笑，都唔知佢搞咩？！！最後，Queenie出馬，終於D相似番樣。都係媽媽好D！好多謝大家都有出席今次的聚會，下次也要到啊！（我都唔知幾時）亦好開心可以再次見番大家，真係好難得的！

p.s  近期好多人都相繼患病，考試過後，輕鬆D！年青人！在此祝願大家早日康復，身體健康！！

Thank you for you kids have given me a wonderful memory this summer！

                  今日去左獅子會個度打針啊！都唔知點解細個打漏左枝針，搞到宜嫁要補打！鳴鳴……姑娘話打完針有機會有反應，發燒、紅疹等。打枝針都要搞咁多野。去到個時，勁多人，等左勁耐。好彩我早有準備，帶左本書去睇姐。如果唔係，一定悶死我啦。係個度，仲見到一個藝員，媽咪話佢叫陳秀珠（做銀樓金粉二太太那個），佢同佢個仔一起。真人同上鏡冇咩唔同。

                  打完針去左吃野，姑娘話我要戒口。唔準吃朱古力、煎炸燥熱野……連朱古力奶都唔俾飲！！又要最遲十點鐘訓覺，好難嫁wor。而且我會訓唔著的。否則就會生更多的粒粒。激死我啦！！樣樣都唔俾！吃咩啊？所以今日lunch個餐清淡到唔清淡，吃粥同蝦米腸粉。唉！！唔通以後都要咁樣？！唔制啊！！

                    返到屋企勁想訓覺，訓左三個幾鐘。都唔知咩針，令人想訓覺都有。（迷魂針，haha~）聽日又要返急救啦！阿sir話要考大、小手掛。放左假都仲要人考試？！鳴鳴……不過，上急救都幾好玩！

        話咁快就咁過完一年啦，聽日就係結業禮啦。好唔捨得呢班同學仔啊，特別係我班仔仔女女啊。嗚嗚……大家以後要生生性性，聽教聽話啊！但不過我地仲有好多日子，時時都可以見面啦！唔同班都唔好唔記得大家，知道嗎？

       宜嫁唸返之前，覺得呢個班俾左好多回憶俾我，令我的中學生活更加開心愉快、多姿多彩。老師時時話我地班好乖、可愛……其實我都覺的，而且我覺得我地班每個同學都好聰明，只不過可能大家差減D溫書的決心。（溫書其實真係好辛苦，所以我都唔鐘意溫書，不過點都要望下。）總而之，每個同學都應發揮他/她自己的長處，為班出一分力。

        還有我們班咁鐘意搞gag，其實都唔錯啊！在悶促的環境下，大家開懷大笑，輕鬆一下，真係好開心！1A的精神永存不朽，每個同學來年都能考取好成績！

p.s我們能相識，是神的安排，我們該要感恩。大家也要珍惜這份友誼，有人說過，中學的友誼才是最真，最長久呢！

1A is the best

we have a memory toward

1A would never perish！