連續幾篇都係回顧08兒禮, 今日寫下其他兒歌野先, 就係《彩雲國物語》.
點解特別要講呢首? 當然唔係跟紅頂白, 佢欏左金曲金獎先講啦.

若網友有睇過我o係領獎禮前, o係網站已經寫的簡介簡評:
失效舊連結: http://www.freewebtown.com/election/08/0814-colorcloud.html
就會知我一早已經特別鐘意同留意呢首歌.

(2010 年補充 - 新網址:
http://users1.jabry.com/election/08/0814-colorcloud.html )

<二胡音樂>

之前提過幾次想搵呢首歌的純二胡音樂, 咁得閒試下上網搵, 都係搵唔到成首,
但搵到節錄部份, 都同大家分享下, 欏黎做電話鈴聲都幾特別丫.

頭段 http://www.im.tv/vlog/Personal.asp?Memid=1182213&FID=2215172
中間 http://www.im.tv/vlog/personal/1899710/4801975
 

<唱片>

呢首歌最近收錄左o係鍾嘉欣的個人專輯《一人晚餐，二人世界 Reloaded》.
其實呢隻碟係第二版, 但第一版就無收錄《彩雲國物語》同另一首歌, 同一堆mtv.
唔知買左第一版的, 會唔會好揼心呢?
其實唱片公司咁樣做, 雖然今次可以賺多次錢, 但其實會唔會第日出碟時d 人唔敢買碟, 等第二版, 做壞個市?

都係唔好講咁遠, 講返首歌, 唱片版歌曲的頭係跟返動畫片mtv咁, 一黎就開始唱.
正確黎講, 應該話動畫版mtv係跟唱片版,即原裝版本, 而兒歌版mtv 就加左"叮叮"聲.
我自己就唔鐘意無線加"音效"o係兒歌mtv度, 今年的《哦》都係.
而《彩雲國物語》頭的叮叮聲都同首歌唔夾.

鍾嘉欣隻碟出第一版時, 我都有留意隻碟會唔會收錄《彩雲國物語》同《動物橫町》,
結果係兩首都無. 其實我都打定輸數, 因為近年d藝員出碟都唔留收錄兒歌, 例如早兩年的鄭嘉穎同埋較早前的林峰.
我估可能係d歌留返兒歌碟, 一次過先出. 但咁耐又唔見無線出兒歌碟,真慘.

今次reloaded版收錄左《彩雲國物語》, 可惜無mtv, 更可惜係唔順手收錄埋《動物橫町》,
反正都收錄左一首兒歌, 唔差在多一首啦, 唔通又出第三版, 然後先收錄《動物橫町》, 外加兩首兒歌的mtv?