|
|
<流行經典50年 唱爆周末> 23.9.2017  |
推介節目: <流行經典50年 唱爆周末> 23.9.2017
這一集以<原唱歌手唱兒歌>做主題, 值得一看:
重溫: http://programme.tvb.com/music/cantopopat500001/
(youtube亦有大部份的演唱片段, 我不逐首轉載.)
若果這個主題可以推前一些, 在8月最後一個星期播出, 必定更會勾起大家對無線"兒禮"的懷念.
而我一邊打著這篇網誌, 也喚起我當年看兒禮後, 寫視評和感想的記憶.
以下說不上是視評, 似雜談多些.
第一節:
1. 薛家燕 - 家燕媽媽
說到薛家燕的兒歌, 我最愛的是"一秒感動" (和她女兒石祐珊合唱)
https://www.youtube.com/watch?v=sc4rHelr4ZY
另外我會想起"媽咪Bolo手記"的菠蘿頭和舞步.
至於"家燕媽媽"這首是她的兒歌代表作嗎? 我也不清楚, 不過這首是動畫主題曲, 可能會較多人認識.
2. 張崇基, 張崇德 - 龍珠二世
我想聽兒歌節目"兒歌新天地"的主題曲"想你聽我唱"多些.
3. 唐韋琪 - 夢中天使 (長腿叔叔 主題曲)
唐韋琪唱過很多兒歌, "夢中天使"是最經典, 只能唱一首的話, 自然是這首.
我自己最想聽"問你心中想甚麼", 而動畫歌, 我也想聽"天才小魚郎"和"非一般格鬥"(超時空金牌小女將)
第二節:
4. 王馨平 - 生命有價
5. 袁鳳瑛 - 阿花的故事
第一段還是由小朋友唱, 會使人易投入些.
6. 陳浩民 - 寵物小精靈
驚喜反而是唱歌前, 陳同薛的對答, 與兒歌有關又非陳腔濫調.
(王馨平唱歌前, 薛和湯的對答就是陳腔濫調的最佳例子, 哈)
第三節:
7. 黎芷珊 - 風裡的故事(淘氣小雪兒 主題曲)
黎芷珊說"幾廿年無唱過"首歌, 只是說笑, 在近年的一些兒歌表演/節目, 佢都有唱過,
不過在電視節目中現場演唱就真的可能未試過
當中亦提及動畫"淘氣小雪兒", 據說當年無線播動畫時, 收到不少投訴,
又腰斬, 又禁重播,
難道日子久了, 已經不再是禁忌話題?
8. 戴蘊慧 - 我係小忌廉
這首歌是我最喜愛的兒歌之一, 想不到有生之年, 可以聽到戴蘊慧現場演唱.
昨晚在youtube第一次聽, 真的感動到"起雞皮".
請留意戴蘊慧唱完後那些動作其實是變身動作, (即是小桃用神仙棒畫音符呢),
她更認真到穿著高跟鞋跳起, 感動度再大幅提升.
不過中間轉了鏡頭, 不能一氣呵成, 真是大煞風景,
若果我在現場聽, 應該會眼有淚光.
然後, 主持話戴蘊慧是第一次公開主唱,
但在youtube 搵到: 戴蘊慧 “我係小忌廉” Rock 版
https://www.youtube.com/watch?v=u_F_HUjElFg
我不知是甚麼場合, 但估計都是公開?
Rock 版真係變化太大, 聽這個版本沒有回味的感覺.
9. 戴蘊慧, 戴辛尉 - 西飛客機 (流行曲)
不明白為何要加一首流行曲在中間, 錄了也可以放在下一集才播嘛,
正如王馨平, 袁鳳瑛那兩段, 都不是同一日錄啦.
第四節
10. 譚偉權 - 白石嶺公園
想起前幾日在youtube 找到這段片:
燦爛的外母． 12隻恐龍去野餐（獨家MV）
https://www.youtube.com/watch?v=u_F_HUjElFg
這段片是tvb官方的, 但不知為何又改一個新歌名,
我沒有看這劇, 也不明白這個mv 的來歷.
另外, 順道介紹白石嶺公園的續集:
十二隻恐龍去上班 譚偉權
https://www.youtube.com/watch?v=s3PhAY9qaIo
11+12. 露雲娜 - 傳說(插曲), 千年女王
演唱前, 湯問黎動畫改編歌不及原版好聽的問題,
黎說不覺得, 我就著聽佢怎樣點解釋這種主觀又敏感的問題,
結果佢只是介紹了制作過程, 完全不是答"好聽"的問題, 好奇怪, 不知是否部份對話被刪除.
然後, 又提到露雲娜定梅豔芳誰先唱, 我想這個大部份人也知道.
反而希望下次有機會找威利唱"宇宙大帝", 林子祥唱"430穿梭機", 抖正返很多人的錯誤印象.
"傳說"這次編曲好怪, 中間過場音樂完左, 就跳左一大段歌詞, 去到最後那段, 不知是否後期制作刪去部份.
若果不夠時間, 縮過場音樂不是較好嗎?
13 黎小田 + 其他人大合唱 - 銀河鐵路九九九
很意外, 因為是亞視的兒歌; 若亞視仍健在, 會發生這個情況嗎?
另外, 黎小田獨唱不好嗎? 我猜其他主持/歌手都沒人認識這首歌,
個個都是攪著歌詞提示器黎唱, 給人的感覺差了很多.
後話:
1 薛家燕同黎小田都唱了自己的兒歌, 但湯寶如就沒機會, 真是不公平!!
除了合唱兒歌外, 湯寶如都有"寶貝甜心"(媽媽是小學四年生), 給世界多一個微笑, 坐在飛氈上
2. 除了露雲娜唱了兩首外, 其餘歌手都只唱了一首, 但大部份都不只有一首兒歌,
若果能減少重唱部份, 把時間用來唱多一首歌, 節目必定會更精彩!!
不過製作費和準備功夫都會大幅增加, 不符合電視台的經濟原則, 哈
3 很好奇, 當天去現場的觀眾, 會否有人不知當日是兒歌之夜, 又悶了一整晚呢?
以為去聽流行金曲, 卻變兒歌金曲.
|
| 刊登時間︰2017-09-25 01:15 AM [ 訪客留言(0) ] [ 編輯日誌 ] [ 分享至FACEBOOK ] |
| 又是九月一日 |
1. 報平安.
2. 半年前曾寫了幾篇網誌, 有些動力重建網站, 但很快又放下了.
3. 希望九月一日這日子能給我動力. 我說過今年內會重建, 還有4個月...
|
| 刊登時間︰2016-09-02 12:01 AM [ 訪客留言(1) ] [ 編輯日誌 ] [ 分享至FACEBOOK ] |
| 鄭國江 電台訪問 - 《我們的穿梭機》- 林柏希 |
新城電台節目《原來生活好快樂》的環節《我們的穿梭機》, 前排主持人林柏希訪問左鄭國江, 分三集播出.
好難得呢個節目有放上youtube, 鐘意兒歌的不容錯過,
節目除左播左唔少兒歌之外, 鄭國江同林柏希都分享左唔少有關兒歌的故事.
第一集:
https://www.youtube.com/watch?v=N-A_q8ATS1I
第二集:
https://www.youtube.com/watch?v=tHzlzLCHRTg
第三集:
https://www.youtube.com/watch?v=CkSKLq87qLM
跟住講下各集.
第一集
歌曲: 430穿梭機(張國榮版), 小時候(路家敏版), 叮噹, 畫叮噹
1. 前半段講到保育兒歌, 聽完我真係好慚愧, 因為我個網無左咁耐都未整返, 更加唔好提諗左n個大計, 但最終都無做到.....
2. 其實《畫叮噹》係日本原曲, 作曲係菊池俊輔
https://www.youtube.com/watch?v=gn2DpKNXkrc
第二集
歌曲: 傳說(露雲娜版), 千年女王(露雲娜版), IQ博士, 一股歪風(電子神童插曲)
1. 呢集精彩於講多左兒歌背後的故事, 例如搵林子祥唱430, 新秀唱兒歌等.
2. 當中提及的《靚聲王》, 我搵返黎睇, 其實唔係林子祥現場唱, 只係播左半首當年的mv. 至於鄭國江話演唱會有唱, 我就未搵到.
3. 《電子神童》嗰部份, 好佩服主持人留意到兩首歌一正一反, 我就一直無為意.
4. 講二次創作嗰部份都好特別, 若果我有機會訪問兒歌創作人, 都一定會提呢樣野.
第三集
歌曲: 世界是個大懷抱, 烏卒卒, 跳飛機, 讓我閃耀, 藍精靈
1. 最尾忍者 / 藍精靈 有少少亂, 同埋個youtube file 唔知點解cut 少少尾.
2. 講到兒歌上唔到大場面呢部份, 我好係同樣咁感慨, 好有共鳴.
3. 《世界是個大懷抱》呢個歌hit 得黎但又唔係最hit 嗰堆, 節目會播真係有驚喜. 呢首歌係當年430 入面套兒童劇(我都唔記得叫乜名) 的主題曲. 可惜播完全無提及套兒童劇, 連主題曲都無講, 有啲失望.
留意歌名係《世界是個大懷抱》, 好多人都叫錯, 因為歌詞最後一句多左個「像」字, 好易令人混餚, 連林柏希第一次提個歌名時都講錯, 不過之後就講返正名.
其實我都無乜資格話人... 因為原來Pazu 兒歌網度都係錯的. 作為Pazu 的兒歌顧問 (自己夾硬自稱), 我都係啱啱先發現. 諗起可能又誤導左唔知幾多網友, 真係羞愧.
http://www.pazu.com/kidsong/songs/bigworld.html |
| 刊登時間︰2016-03-26 12:37 AM [ 訪客留言(4) ] [ 編輯日誌 ] [ 分享至FACEBOOK ] |
| 農夫 - 前進啊! Gulliver Boy; 香港故事-璀璨之後 - 伍文生 |
復活節假, 介紹一些網上重溫節目:
1. 農夫 - 前進啊! Gulliver Boy
由14分40秒開始, (供應期有限).
http://mytv.tvb.com/tc/cat_variety/ed_dailytvbvariety/j2songbirds/239493
唱歌之後的訪問比唱歌部份更有睇頭.
訪問中提到的《寵物小精靈》
https://www.youtube.com/watch?v=Okj3W3CLx34
2. 香港故事-璀璨之後 - 伍文生
http://programme.rthk.hk/rthk/tv/programme.php?name=tv%2Fhkstories31&d=2016-02-29&p=7141&e=345885&m=episode
香港故事-璀璨之後 - 黃澤鋒
http://programme.rthk.hk/rthk/tv/programme.php?name=tv/hkstories31&d=2016-03-14&p=7141&e=348194&m=episode
話說咁啱睇電視睇到黃澤鋒嗰集.
我諗都無乜人記得佢主持過《兒歌兒歌》呢個兒童節目, 係同吳晶晶, 黃寶君(Polly) 同一代, 港台的節目內亦無提及.
反而在18分55秒提到佢同李家聲兩個人一齊做過《醒目仔時間》的主持.
至於伍文生嗰集係因為想介紹某網友睇黃澤鋒嗰集而發現, 咁當然我都有睇啦.
講伍文生自然有講到兒童節目主持, 估唔到原來新一代會鐘意同佢一齊做老鼠動作,
可能因為《老鼠學堂》嗰期我無乜睇兒童節目, 所以無乜印象, 唔知係咁 hit.
反而我最記得《文仔偵輯檔案》(其實我都唔確定個環節名).
|
| 刊登時間︰2016-03-24 11:35 PM [ 訪客留言(0) ] [ 編輯日誌 ] [ 分享至FACEBOOK ] |
| 陳奕 | 從眉出發 |
間唔中都有人問我陳奕去咗邊, 我就只係知佢去左做化妝師. 呢個節目就講佢唔唱兒歌後的生活.
我係同屋企人食飯時, 電視咁啱播呢個節目(有緣?) .
一開始屋企人睇左頭半分鐘, 都講唔出陳奕個名, 問我認唔認得. 我就扮晒諗好耐先記得, 哈哈.
節目入面播左好多陳奕的兒歌片段, 我好想跟住唱, 可惜同屋企人食緊飯, 只可以心中默默唱.
最後播放 《Goodbye 再會了》, 歌詞有句「離去我不哭」, 但嗰陳我反而唔知點解想喊
港台網站, 節目重溫:
http://programme.rthk.hk/rthk/tv/programme.php?name=tv%2Fhkstories31&d=2016-02-22&p=7141&e=344020&m=episode |
| 刊登時間︰2016-02-22 11:13 PM [ 訪客留言(0) ] [ 編輯日誌 ] [ 分享至FACEBOOK ] |
| 猴年賀詞 |
大家好, 祝新年進步, 身體健康.
記得往年農曆或新曆年也愛寫一篇blog, 有時是當滙報或預告, 有時只是當給大家報個平安(這次也是)
其實本來沒打算今天發文, 但今晚剛看過一個有關陳奕的節目, 就開面書分享, 又和朋友談了一會兒歌, 就心血來潮也發篇blog,
剛巧趕得及正月十五拜年.
今年內會重建網站, 大家放心.
|
| 刊登時間︰2016-02-22 11:10 PM [ 訪客留言(0) ] [ 編輯日誌 ] [ 分享至FACEBOOK ] |
老孩子兒歌網的動向  |
大家好,
對上一篇網誌已經是去年的4月中, 我真懶.
網站在今年5月中突然消失了, 因為網站原本放在一間提供免費空間的公司 - jabry.com.
這間公司突然在5月停止了相關服務, 所以我的網就消失了.
想過再找地方重建, 但沒有動力. 遲些較空閒應該會找地方重建吧.
我間中也開開面書, 檢查一下電郵, 有事可以用這兩個方法找我.
我也懷疑有多少仍會到這裡.
今天突然想打篇網誌, 是因為網站是在99年9月1日開的. 16年了....
老孩子
|
| 刊登時間︰2015-09-02 12:39 AM [ 訪客留言(4) ] [ 編輯日誌 ] [ 分享至FACEBOOK ] |
譚玉瑛主持的最後一集《放學icu》  |
2014.04.18 譚玉瑛告別兒童節目
http://mytv.tvb.com/kids/afterschool/176211
由 16分開始至20分, 係譚玉瑛對其他主持的意見, 無乜睇頭.
譚玉瑛自白由20分開始, 一分鐘都無, 感覺真係灰同感慨.
做左三十幾年兒童節目, 最後一集, 俾譚玉璊做主角唔算過份卦?
cut 晒其他環節, 播下譚玉瑛的舊片, 俾佢講下兒童節目的變化等等, 好難咩?
就算得五分鐘, 都仲要「用盡」譚玉瑛, 搵佢黎讚其他主持, 有乜意思?
我諗大家對其他主持點睇譚玉瑛, 或者佢地相處相識的趣事等興趣多啲,
再唔係, 播返兩年前三十週年記招片段都好有意思.
本身已經灰, 睇完感覺仲灰
|
| 刊登時間︰2014-04-19 10:45 AM [ 訪客留言(4) ] [ 編輯日誌 ] [ 分享至FACEBOOK ] |
| 2014年及馬年 - 新年進步 |
大家好, 今日初二, 祝大家生活愉快, 身體健康, 事事順利.
超過半年無寫網誌, 電郵同面書亦好少出現, 連大事回顧同展望都無寫,
令到部份網友擔心我有事, 真係抱歉.
呢半年無乜心機同時間處理兒歌兒童節目事宜, 電腦又壞過, 所以大事回顧同展望都無乜想寫.
送下禮物俾大家當賠罪啦:
1. TVB 上載左黑白殭屍:
一
http://gotv.tvb.com/programme/103280
二
http://gotv.tvb.com/programme/103272
2. 張敬軒 "龍珠'09" 粵語版主題曲 KTV
http://www.youtube.com/watch?v=oFVFh-lQBCM
唔知係咪J2台的版本?
3. 網友自已整的頒獎禮:
[幫主台SP]十大最佳兒歌頒獎典禮(1999-2009年) PART 1
http://www.youtube.com/watch?v=BUIeeM9hD1c
總共有9集, 我唔識佢的, 只係咁啱搵到的.
4. 1992 兒禮:
http://www.youtube.com/user/hohoyun/videos
呢個網友的頻道之前已經推介過, 前排佢上載左92的頒獎禮
5. 健康起動 TMHealth (足本版)
https://www.youtube.com/watch?v=1ozl2wPOl4g
有譚玉瑛演出, 多謝網友報料. |
| 刊登時間︰2014-02-01 11:31 PM [ 訪客留言(2) ] [ 編輯日誌 ] [ 分享至FACEBOOK ] |
1 | 2 | 3 | 4 | 5 | 6 | 7 | 8 | 9 | 10 | ... | 20 | »
|
