老孩子 - 不懂音樂的兒歌收集者
兒歌網網主 https://oldkid.freevar.com/oldkid/index.html
兒歌收集者
兒歌和兒童節目的資料搜集及整理員
曾是兒歌谷(已關閉)谷主
oldkid
暱稱: 老孩子
國家: 香港
最新文章
拜年 + 轉移通告
「閃電傳真大檢閱」-...
近況 / 無綫 / 親子劇...
Youtube - 兒童節目片...
430穿梭機 第二輯 @ 兒...
文章分類
全部 (203)
06 TVB兒童節及兒禮 (6)
07 TVB兒童節及兒禮 (4)
08 TVB兒童節及兒禮 (19)
08 新城勁爆兒歌頒獎禮 (11)
09 TVB兒童節及兒禮 (9)
09 新城勁爆兒歌頒獎禮 (5)
10 新城勁爆兒歌頒獎禮 (5)
11 新城勁爆兒歌頒獎禮 (3)
12 新城勁爆兒歌頒獎禮 (5)
老孩子兒歌網 (32)
老孩子的心事 (13)
老孩子的生活 (19)
兒歌及兒童節目報道 (15)
兒歌及兒童節目資料 (39)
兒歌谷 (7)
兒歌專輯 (11)
站內搜尋
RSS 訂閱
RSS Feed
2011 年 4 月 9 日  星期六  


新城兒歌2010 候選歌介紹, 歌詞

一如往年, 我都盡量搜集同整理各候選歌的資料同歌詞等, 向大家介紹各候選歌.
暫時上載左25首候選歌的頁, 但歌詞同資料都未齊, 歡迎網友提供, 我亦會繼續補充:

空的地方是因為找不到資料,歡迎網友補充資料。聯絡網主
 
  歌名 主唱 作曲 填詞 編曲 無線
1
守護甜心
(《守護蛋精靈》主題曲)

王君馨

Tetsuya Muramatsu

張美賢

葉肇中

09 候選歌
十大
2 HanDeLa Family 王祖藍        
3 辣著生命
(《生命農夫 Life Fama 》主題曲)
狄易達、高皓正、葉文輝 李羨穎 高皓正 朱俊傑@Baron Pro  
4 可多不可少 狄易達 方大同 林夕 Edward Chan、
Randy Chow
 
5 小明上廣州 李家仁 韋然 
讀白:韋然
(李家仁潤飾)
韋然 何沛澄  
6  小明去拜年 李家仁 韋然 韋然 李啟昌  
7 閃電十一人 吳業坤 山崎徹      
8 羊羊頂呱呱
(《喜羊羊與灰太狼3之兔年頂呱呱》粵語版主題曲)
李紫昕 韋啟良 李紫昕、賴偉鋒    
9 兒歌金曲 (國語版) 李紫昕        
10 星光下的思念
(《喜羊羊與灰太狼3之兔年頂呱呱》插曲)
李紫昕 李紫昕 李紫昕    
  歌名 主唱 作曲 填詞 編曲  
11 健康的足印 李紫昕        
12 爸爸媽媽你好嗎

林盛斌(Bob)、李紫昕

       
13 玩具大王 吳彤 黃淵瑞 黃淵瑞    
14 爆笑管家 吳雨霏 葉肇中 余皓文    
15 太極千字文 吳卓羲 葉肇中 余皓文    
16 Shining Like a Star
(《華麗的挑戰》主題曲)
官恩娜 Katsumi Ohnishi 鄭櫻綸    
17 超好奇
(《Keroro 軍曹》第五輯主題曲)
胡杏兒、張智霖 影山浩宣      
18 弟子二十四孝 家燕、
家燕媽媽合唱團
 
李紫昕
李紫昕、
李毓秀
伍俊華  
19 勁爆Metal Fight
(《爆旋陀螺鋼鐵戰魂》主題曲)
黃宗澤
Martin Kucaj
     
20 1234 Wonderful 5
(《Yes!光之美少女》主題曲)
樂瞳
岩切芳郎
     
  歌名 主唱 作曲 填詞 編曲 無線
21 閃閃星辰
鍾懿、鍾鎮濤
Anders Nelsson
鄧偉雄
   
22 幪面超人Climax Jump
(《幪面超人電王》主題曲)
6號@RubberBand
Shuhei Naruse
鄭櫻綸
藝琛@RubberBand
 
23 練武功 Andox、黑仔
謝景麒
黃毅成
   
24 夢幻組合
(《雙子公主》第二輯主題曲)
G.E.M.
本田洋一郎
鄭櫻綸
葉肇中
 
25 亞莉亞蒂之歌
(《借東西的小矮人 – 亞莉亞蒂》主題曲)
G.E.M.
Cecile Corbel、
Simon Caby
G.E.M.
   
  歌名 主唱 作曲 填詞 編曲 無線

 




  

 

 

 

 

刊登時間︰2011-04-09 09:28 AM  [ 訪客留言(2) ] [ 編輯日誌 ] [ 分享至FACEBOOK ]


2011 年 4 月 4 日  星期一  


新城勁爆兒歌頒獎禮 2010

新城勁爆兒歌頒獎禮 2010 》將在4月17日(星期日) 舉行。

兒歌候選區(新城) 新增了 候選名單 :  

以下是今次候選兒歌的資料,歌曲的次序是根據新城電台。
在各首歌曲的最後一欄,列出該兒歌曾否成為無線的兒歌金曲頒獎典禮的候選歌,及得到甚麼獎項。
按歌名可以到各候選兒歌的資料頁,包括歌曲簡介及歌詞等。


漏空的地方是因為找不到資料,歡迎網友補充資料。聯絡網主


 
  歌名 主唱 作曲 填詞 編曲 無線
1
守護甜心
(《守護蛋精靈》主題曲)

王君馨

Tetsuya Muramatsu

張美賢

葉肇中

09 候選歌
十大
2 HanDeLa Family 王祖藍        
3 辣著生命
(《生命農夫 Life Fama 》主題曲)
狄易達、高皓正、葉文輝 李羨穎 高皓正 朱俊傑@Baron Pro  
4 可多不可少 狄易達 方大同 林夕 Edward Chan、
Randy Chow
 
5 小明上廣州 李家仁 韋然 
讀白:韋然
(李家仁潤飾)
韋然 何沛澄  
6  小明去拜年 李家仁 韋然 韋然 李啟昌  
7 閃電十一人 吳業坤 山崎徹      
8 羊羊頂呱呱
(《喜羊羊與灰太狼3之兔年頂呱呱》粵語版主題曲)
李紫昕 韋啟良 李紫昕、賴偉鋒    
9 兒歌金曲 (國語版) 李紫昕        
10 星光下的思念
(《喜羊羊與灰太狼3之兔年頂呱呱》插曲)
李紫昕 李紫昕 李紫昕    
  歌名 主唱 作曲 填詞 編曲  
11 健康的足印 李紫昕        
12 爸爸媽媽你好嗎

林盛斌(Bob)、李紫昕

       
13 玩具大王 吳彤 黃淵瑞 黃淵瑞    
14 爆笑管家 吳雨霏 葉肇中 余皓文    
15 太極千字文 吳卓羲 葉肇中 余皓文    
16 Shining Like a Star
(《華麗的挑戰》主題曲)
官恩娜 Katsumi Ohnishi 鄭櫻綸    
17 超好奇
(《Keroro 軍曹》第五輯主題曲)
胡杏兒、張智霖 影山浩宣      
18 弟子二十四孝 家燕、
家燕媽媽合唱團
 
李紫昕
李紫昕、
李毓秀
伍俊華  
19 勁爆Metal Fight
(《爆旋陀螺鋼鐵戰魂》主題曲)
黃宗澤
Martin Kucaj
     
20 1234 Wonderful 5
(《Yes!光之美少女》主題曲)
樂瞳
岩切芳郎
     
  歌名 主唱 作曲 填詞 編曲 無線
21 閃閃星辰
鍾懿、鍾鎮濤
Anders Nelsson
鄧偉雄
   
22 幪面超人Climax Jump
(《幪面超人電王》主題曲)
6號@RubberBand
Shuhei Naruse
鄭櫻綸
藝琛@RubberBand
 
23 練武功 Andox、黑仔
謝景麒
黃毅成
   
24 夢幻組合
(《雙子公主》第二輯主題曲)
G.E.M.
本田洋一郎
鄭櫻綸
葉肇中
 
25 亞莉亞蒂之歌
(《借東西的小矮人 – 亞莉亞蒂》主題曲)
G.E.M.
Cecile Corbel、
Simon Caby
G.E.M.
   
  歌名 主唱 作曲 填詞 編曲 無線

 

刊登時間︰2011-04-04 02:00 AM  [ 訪客留言(0) ] [ 編輯日誌 ] [ 分享至FACEBOOK ]


2011 年 2 月 17 日  星期四  


祝賀新年 + 2010 回顧 + 2011展望

今日係正月十五, 算係趕上向大家拜年的尾班車.
祝大家身體健康, 繼續聽多d 兒歌.

我都兩三個月無更新網站或者寫blog喇, 好懶.
原本呢篇「回顧+展望」應該在今年一月頭出現, 拖到而家先的起心肝寫.

二零一零回顧:

1. TVB 無攪兒歌頒獎禮
2009, 2010 就剛剛等於 1995, 1996 的兒禮情況,
09年唔攪兒禮, 我都已經驚緊會歷史重演, 真係畀我估中左.
既然係重演, 咁希望2011好似1997咁, 又舉辦返兒禮.

2. 新城兒禮
2009 的新城兒禮比往年推遲左大約兩個月, 在2010年一月舉行,
其實呢個日期好適合, 我覺得係進步左.
http://blog.qooza.hk/oldkid?cat=222607#entrylist

3. 《卡通王國》, 《兒歌歲月99首》及其他兒歌套裝
《卡通王國》4 CD 好受矚目, 銷量非常好,
甚至成為HMV 中文流行榜的兩星期冠軍添, 勁!
好多唱片店都更加曾經斷市, 抄高價黎賣, 實屬罕見.
至於熊熊推出的《兒歌歲月99首》, 雖然好多翻唱歌, 反應亦唔錯,
只係剛開始在OK便利店的限量特價購買, 似乎係搵笨.
http://blog.qooza.hk/oldkid?cat=262729#entrylist   (頭五篇)

4. 《天天天晴》有兩集同《430穿梭機》有關, 反應亦唔錯.
http://blog.qooza.hk/oldkid?eid=21778053&mute

5. 《小明上廣州》大熱
呢個唔需我多講啦.
我估唔到勁到入選林海腄u我最喜愛歌曲」的五強作品, 哈哈.

個人方面:
1. 09-10年係老孩子兒歌網十週年, 
10年始開始時就重新上載「兒歌收容所」(兒歌歌詞及資料)
http://users1.jabry.com/election/ks/index.html
臨尾就重新上載新版「兒歌安樂窩」(兒歌專輯 CD, 錄音帶等資料)
http://users1.jabry.com/ksdrm/cds/index.html

另外, 有幾日網站公司個server 死左, 我以為又要搬屋, 虛驚一場.

2. 網誌方面, 寫的次數少左, 但大長篇就多左,
例如以下幾篇, 都係好用心寫: 

3. 接受訪問, 雖然最後無「出街」, 但能夠同其他人暢談兒歌,
分享大家的回憶, 見解, 都好係一件賞心樂事.


二零一一年展望:

1. 無線兒歌頒獎禮復辦

2. 暫時都仲未舉行2010年新城兒禮,
而傳聞四月中會舉行, 但到時會叫做2010 定2011 呢?
另外, 希望今次的獎項設計得好d.

3. 更多兒歌碟 (每年例牌)
上年《卡通王國》大賣, 加上畀人留有一手的感覺, 希望今年有第二輯啦.
至於無線, 都係時候出返隻兒歌雜錦碟, 其實以無線的歌曲數量,
出10碟裝都唔成問題, 因為真係好多兒童節目主持同埋藝員唱的兒歌, 都值得出碟.
另外, 希望李紫昕出番隻市面有得買的兒歌碟, 唔好齋出「非賣品」

4. 個人方面, 希望今年可以完成「兒歌安樂窩」,
即係將手頭上的香港兒歌專輯資料整理及放上網.
其實除左而家網站公開睇到的之外,
我都有繼續整咖, 但諗住整多d 一次過更新.
若果有網友咁有耐性睇我自言自語到呢一度,
咁就將下頁未公開的「建設中」資料, 送畀你先睹為快:
http://users1.jabry.com/ksdrm/cds/index2.html

刊登時間︰2011-02-17 11:37 PM  [ 訪客留言(4) ] [ 編輯日誌 ] [ 分享至FACEBOOK ]


2010 年 11 月 21 日  星期日  


兒歌通訊站 ; 小婦人

近日同網友傾開兒歌節目, 就同大家分享一下我的一篇有關珍藏,
就係《兒歌通訊站》的主持:
黃寶君 (Polly 姐姐) 同吳晶晶 (晶晶姐姐) 的專訪。

《香港電視》1295期, 1992年8月27日-9月4日 第53頁


 

另外, 有無人睇過亞視當年播的動畫《小婦人》?
對動畫的中文主題曲有無印象?
 

刊登時間︰2010-11-21 11:09 PM  [ 訪客留言(2) ] [ 編輯日誌 ] [ 分享至FACEBOOK ]


2010 年 10 月 8 日  星期五  


我的MSN 已經正常返

10月8日最新消息:
我個MSN已經正常返.

10月6 日舊文:
我的MSN 幾日前開始不能登入.
我已在msn 求助中心貼文救求, 但似乎唔少人都同我一樣, 兼且都係等好多日都未開得返.
有無網友知道點樣可以快d 解決?

大家有野搵我, 可以留言或者email, facebook 聯絡.
oldchildhp@yahoo.com.hk

 

刊登時間︰2010-10-07 01:02 AM  [ 訪客留言(0) ] [ 編輯日誌 ] [ 分享至FACEBOOK ]


2010 年 9 月 25 日  星期六  


天天天晴 - 張國強機長及430穿梭機

最近一連兩集《天天天晴》, 同《430穿梭機》同埋張國強機長有關, 網上好評如潮.
當年有睇過 《430穿梭機》的朋友, 真係不容錯過,
快d 去TVB 網重溫, 供應期有限:

天天天晴 第70集 - 八月十五的約會(上)
http://mytv.tvb.com/drama/someday/111559#page-1 (已停)
土豆:http://www.tudou.com/programs/view/cjrp5Po0L3Q/
 
天天天晴 第71集 - 八月十五的約會(下)
http://mytv.tvb.com/drama/someday/111601#page-1 (已停)
土豆:http://www.tudou.com/programs/view/TWbZFa9kaCE/
 

其實好耐之前, 網友已經同我報料, 睇到張國強的blog 有提及:
http://blog.tvb.com/kkcheung/2010/09/06/
但當時就大賣關子.
 
 
 

 

刊登時間︰2010-09-25 12:36 AM  [ 訪客留言(4) ] [ 編輯日誌 ] [ 分享至FACEBOOK ]


2010 年 9 月 14 日  星期二  


恭喜!《卡通王國》兩星期第一位 - HMV 亞洲音樂排行榜

話說前個星期日(九月五日),屋企人睇緊亞視的《娛樂紅人館》,
咁o岩我聽到有一個關於HMV銷量榜的環節,
當時心諗,會唔會有《卡通王國》份呢?

(舊網誌:《卡通王國》簡評簡介http://blog.qooza.hk/oldkid?eid=21276067

咁我就聽住個節目倒收數亞洲唱碟榜,第十位,第九位,第八位...
由於我估《卡通王國》都唔會太高位,所以隨住個榜數得越高位,
而《卡通王國》仲未出現,我就覺得上榜的機會越微,
尤其數剩三甲位置時,我更加已經抱住放棄的心態。

點知,《卡通王國》竟然成為第一位,比上星期升左六位。
我心中大叫「Yes」一聲!礙於家人在場,我要表面保持冷靜,
但內心就非常激動興奮,跟住立刻搵到HMV 網站的link,
http://www.hmv.com.hk/ch/charts/asian.asp
通知幾位網友分享喜訊。

更開心的係,上個星期,《卡通王國》仍然保持第一位!!
連續第一位! Yes! Yes!

 
 

 

為免網友唔明乜野為之上星期,等我整番個List先:

日期

 
亞洲音樂排行榜
整體音樂排行榜
22 - 28 / 8 / 2010
6
14
29 / 8 - 4 / 9 / 2010
1
4
5 - 11 / 9 / 2010
1
5
12 – 18 / 9 / 2010
2
9
19-25/9/2010
10
23
26/9 – 2/10 / 2010
15
 跌出40大
3/10 – 9/10 / 2010
 跌出20大
 跌出40大

 

 

 

 

當然,HMV 唔代表全港銷量,
尤其好多人都留意到呢隻碟的限量版,HMV係比好多其他唱片舖仲平。

所以,我又搵下有無其他唱片銷量榜,俾我搵到個叫「港唱片商會銷量榜」
(無錯,我無乜呢方面的常識) 

香港唱片商會銷量榜 - 《卡通王國》

34  (27/8/2010) 第四位
35  (3/9/2010)" s. r6 v) X7 b, i2 q3 n第二位
36  (10/9/2010)" s. r6 v) X7 b, i2 q3 n第三位
37  (17/9/2010)" s. r6 v) X7 b, i2 q3 n第四位
38  (24/9/2010)" s. r6                  跌出10大


雖然唔係榜首,但成績都好好!最高係第二位。
對我黎講係喜出望外,希望快d出第二集!
更希望其他唱片公司又繼續出新,舊(復刻)兒歌碟!

港唱片商會銷量榜資料來源:
34週:http://www.discuss.com.hk/viewthread.php?tid=12953017
35週:http://www.discuss.com.hk/viewthread.php?tid=13002270

36週:http://www.discuss.com.hk/viewthread.php?tid=13048546
37週:http://www.discuss.com.hk/viewthread.php?tid=13092654
38週:http://www.discuss.com.hk/viewthread.php?tid=13132078

 

 

刊登時間︰2010-09-14 11:07 PM  [ 訪客留言(1) ] [ 編輯日誌 ] [ 分享至FACEBOOK ]


2010 年 9 月 3 日  星期五  


美少女戰士S - 美少女變身 - 歌詞資料, 主唱者(陳琪?陳奕?), MTV

前言

《卡通王國》出了兩個星期, 網上反應唔錯, 限量版更加係好多地方炒貴咁賣, 兼且賣斷市.
我諗會買限量版的, 叮噹Fans多過兒歌Fans.
若果仲想以正常價錢買限量版的, 可以打去HMV問下, HMV賣普通版就貴過大部份CD店(正常),
但HMV賣特別版就平過大部份CD店(少有).

《卡通王國》中, 其中一首最矚目的, 當然係首次被收錄的《美少女戰士S》的插曲《美少女變身》, 
而同名主題曲《美少女戰士S》更加係從未有任何專輯收錄過.
亦因為呢套碟的出現, 加上各網頁同埋網友的電郵, 令我覺得要特別講呢兩首歌.

歌詞, 資料

首先要講下《美少女變身》的歌詞,
網上流傳的版本, 有o岩有錯, 錯多過o岩,
呢樣見怪不怪, 尤其係首歌的完整版之前無o係網上流傳.

有興趣的網友, 可以在yahoo 或者google ,
用 「"這世界往往是無恥"」同「"這世界往往是無知"」搜尋(要有 " ) 對比一下.

而youtube 入面, 呢個網友自己唱的錯歌詞版本, 就更加容易令人誤會,
最驚有網友以為呢個就係電視原版:
http://www.youtube.com/watch?v=SsPC7ihSFrU

但係, 估唔到, 《卡通王國》的歌書, 居然係照抄網上的錯版,
而且, 首歌係「S」的插曲, 而唔係「R」,
加上, 作曲同填詞都只寫「佚名」, 種種都顯出工作人員的懶惰同疏忽.

我睇住本歌詞書, 覺得好嬲, 結果o係寫網誌介紹同評論呢套碟之前,
先o係兒歌收容所整一頁《美少女變身》, 以正視聽,
兼列出作曲人永井誠 同填詞人向雪懷的名.

出碟整歌書, 唔同o係網上貼歌詞,
唱片公司收左顧客錢, 有責任校對,
而且歌詞書更加帶有權威, 加速同加深以訛傳訛的威力.

就好似moov 的歌詞, 亦都係錯的, 你話點算丫!!
http://moov.hk/moovnow/music/product/productdetail.do?productid=VAVA00212636

主唱者, MTV

先此聲明, 96-97年, 《美少女戰士s》播出時, 我無留意兒歌的,
好多都係事後搜集返資料同埋個人推理, 歡迎網友加入討論.

一直以黎, 唔知點解, 網上都流傳《美少女戰士S》的主題曲同插曲, 係由陳奕唱, 而唔係陳琪.

  (年輕的網友:  呢度講的陳琪, 並唔係而家o係無線做藝員的陳琪,
  而係前寶麗金歌手陳琪:
  http://hk.myblog.yahoo.com/leungdogdog/article?mid=1842 )

好似香港網絡大典的「美少女戰士」
http://evchk.wikia.com/wiki/%E7%BE%8E%E5%B0%91%E5%A5%B3%E6%88%B0%E5%A3%AB
都仲係寫住陳奕唱.

而維基的「美少女戰士」
都係最近先俾人由陳奕改為陳琪, 而且係幾經辛苦先改到:
http://zh.wikipedia.org/zh/Talk:%E7%BE%8E%E5%B0%91%E5%A5%B3%E6%88%B0%E5%A3%AB

話呢兩首歌係陳奕唱的網友, 其實係分為兩類:
第一類係: 陳奕 = 陳琪
即係話, 佢地以為陳奕同陳琪係指同一個藝人, 只不過不同的藝名,
好似陳松齡 = 陳松伶

我諗其中一個散播的源頭, 就係好多網友同佢自己都覺得佢好勁的兒歌博士.
兒歌博士以前認為陳琪只係陳奕的新藝名, 當左佢係同一個人.

最初, 兒歌博士直頭講明呢兩首歌係陳奕唱, 見
http://www.kidzforum.net/viewthread.php?tid=1198

跟住, 佢就話係陳琪唱, 但將陳琪等同陳奕,
以下呢頁的陳奕兒歌列表中, 第二三首的美少女戰士歌,
同埋較後的「1152 小倩-親親桃花 陳琪」, 都係陳琪的歌. 
http://hk.knowledge.yahoo.com/question/question?qid=7008050800692
 

之後, 唔知係咪俾人話得多, 佢就問人究竟陳奕同陳琪係咪同一人,
http://hk.knowledge.yahoo.com/question/question?qid=7008051601203
注意, 發問的markko0206 係佢自己的分身 (其實上一條都係, 笑)
若果睇埋「其他回答」的002 , 就會明白點解兒歌博士會話佢地係同一人.

到而家, 佢個兒歌歌手列表已經將陳奕同陳琪分開, 但之前誤導過幾多網友呢? 難以估計.

第二類網友:
佢地知道陳奕不等於陳琪, 但就認為兩首歌係陳奕唱, 而非陳琪唱, 例子:
http://talk.doracity.com/viewtopic.php?p=125120#p125151

《卡通王國》出左之後, 亦有網友電郵同我講類似的說話,
話以下呢個mtv 入面, 係陳奕而非陳琪:
http://www.tudou.com/programs/view/7benBPVCJSM/
(補充: 呢個MTV好大機會係網友自製, 將真人版MTV 加動畫片段夾埋再加字幕,
因為真人版的片段, 最底的字幕部份被cut 走)

網友的電郵中更加話, 見過mv 最初係寫陳琪唱, 最後改返做陳奕.
但暫時就未有人提供到個MTV我睇.

大家睇住同一個mtv, 我覺得唔係陳奕, 但網友覺得係陳奕....
咁呢, 其實大家都無方法說服對方,
除非好似電視, 電影做聲紋, 相貌的電腦辨認 (笑).

不過, 網友
1. 最初話《美少女變身》唔係候選歌
2. 話有兒童雜誌叫首歌做《無可擋》
3. 記得《美少女變身》無拍真人版MTV
就令我減低對佢的信任.

因為
1.《美少女變身》係97年的候選歌, 呢個網友之後都話係.
2. 我手頭上的《兒周》資料, 都係叫《美少女變身》
3. 我睇過《美少女變身》真人版MTV

《美少女變身》真人版mtv 呢, 我就無o係手,
咁無憑無據, 網友唔信我睇過都無辦法.

至於《兒周》方面, 就可以同網友分享下:
以下係黎自《兒周》第361期(97年8月24日) 第30頁, 第4同第6首就係寫住陳琪唱:
(原圖係彩色, 我只有影印本)
 


跟住兩幅圖係候選兒歌集:
(原圖係彩色, 我只有影印本)

 

除左《兒周》之外, 《香港電視》(《TVB周刊》前身) 亦有登過歌詞, 同埋提及陳琪:

《香港電視》1500期 (96年7月31日) 第48, 49頁:

 

《香港電視》1504期 (96年8月28日) 第90頁:
 

以上就係我搵到的資料, 令我相信兩首歌的主唱者係陳琪, 而非陳奕,
當然, 我都唔敢講話我百份百, 一定o岩啦.

若果網友有其他支持或者推翻呢個講法的資料, 亦都不妨同大家分享.
 

刊登時間︰2010-09-04 01:52 AM  [ 訪客留言(10) ] [ 編輯日誌 ] [ 分享至FACEBOOK ]


2010 年 8 月 20 日  星期五  


卡通王國 4CD (動畫歌專輯)

等左幾日, 終於等到《卡通王國》(4CD) 推出, 今日即刻托人幫我買.

先黎個封面先:

我買左係限量版, 有埋耳機, 但貴$40, 有d 肉痛.
跟住係CD盒攤開, 封面連封底:


反轉佢, 就會見到4隻CD, 本身碟面d 字係無排得咁整齊, 係我特登執好黎影相:



曲目可以參考封底:

睇完圖, 當然又要聽下老人家評下呢套兒歌cd啦.

先選d 特別的歌曲黎講:

碟一:
1. 足球小將
相信有買開兒歌專輯, 都會同我一樣, 估呢首係插曲. 
而當我欏到隻碟, 聽歌前, 打開歌詞書睇時, 見到歌詞居然係主題曲,
諗住都多數係電視劇o個個的混音版, 無理由搵到原版咁勁卦, (唔想希望越大失望越大嘛).
但都算有新意丫!

點知一播隻碟黎聽, 原來又係插曲, 
真係要鬧整歌書o個個, (唔係鬧揀歌o個個)

4. 現代足球小將
動畫名應該係《足球小將Goal!》

5. 伙頭仔昆布 
一直出碟都係用呢個名,而電視時用的名係《嘩!伙頭仔昆布》

8. 龍珠
歌名應該係《龍珠94》,呢個唔係電視版,係《戰鬥力強化再造版》
唉,幾時先有原版?甚至陸家俊版?


10. 你讓我找到了未來
一直出碟都係用呢個名,而電視時用的名係《你讓我找到未來》(冇「了」字)

11. 新世紀福音戰士
呢首都係卡通歌?咁鄭秀文首《叮噹》算唔算?

12. 跅跅步哈姆太郎
原唱係Twins, 但居然收錄2R翻唱版,仲有大把卡通歌丫,做乜鬼搵呢首?
唔通揀歌o個個以為2R係原唱?
順帶一提,當年《卡通歌王》(又係環球出)收錄的頭四首翻唱歌,已經俾好多人鬧,估唔到案件重演.

15. 時代節奏
當年華納出的兒歌專輯華納閃電傳真機No.1兒歌大串燒 入面的《時代節奏》,變左另一首流行曲.
開頭我都驚今次照抄錯,好在平安無事.

碟二

06. 人人愛愉快
《得意快獸仔》主題曲,不過呢首唔係動畫喎...

08. 美少女變身
4隻碟入面,我最期待就係呢首歌,因為從未有任可專輯收錄呢首歌,包括流行曲專輯.
而且,網上亦無流傳電視版的長版,
加上由於當年我處於兒歌頹廢期,所以係連聽都未聽過完全版的.

聽到首歌當然開心,但本歌詞書呢...
首先,呢首係《美少女戰士S》的主題曲 插曲(感謝網友馮志榮於留言指正)
即係第三輯,而唔係第二輯的《R》.

另外,歌詞好多錯,而好明顯,係照抄網上而家最流傳的錯版,而無做過任何校對.
為了不再以訛傳訛,我今晚就立刻為這歌製作歌詞頁放進兒歌收容所,以正視聽:
http://users1.jabry.com/election/ks/sailorSed.html

12. 情誼心中印
呢首歌極受歡迎,而今次係第一次推出CD版,值得鼓舞.

14. 每點愛都記住
一直出碟都係用呢個名,而電視時用的名係《每點愛都記「著」》

碟三

1. 超人的主題曲
《超人迪加》唔係動畫喎...

3. 宇宙大帝
又再借機教育下新一代,呢首歌的原唱係威利,張國榮係翻唱.
http://www.youtube.com/watch?v=ChVMuOrtcqY

14. 冰河戰士
呢首歌係唯一首,唔係無線播的動畫的歌 (唔計《新世紀福音戰士》)
呢套動畫係佳視播,亦係全套碟入面最舊的歌,新一代未必知乜野係佳視添.
希望黎緊的兒歌集,可以搵埋亞視,有線各電視台的兒歌,動畫歌

碟四:
10. 正義
又係warrior mix, 幾時先有電視版?

12. 腦波子
又係純主題曲版,希望插曲都有機會再推出.

總結:

包裝方面好靚,歌書,碟面等設計亦唔錯,
最抵贊的,係封面的動畫名,用返動畫原本的設計,
好有心思,好有懷舊感覺,直頭可以話係令人感動.

揀歌方面,有好多首之前未o係兒歌專輯出現的動畫歌,
例如《達爾大冒險》,《虎威戰士》,《海》等,令人驚喜,
証明揀歌的有用心思,唔係只從舊兒歌專輯度搵歌.

《情誼心中印》雖然曾經收錄o係兒歌同流行曲專輯,
但今次係首出推出CD版,有復刻感覺.
而《美少女變身》更加係首次推出,又一抵讚.

大部份經典動畫歌都有出現,但要出第二輯的話,
亦有大把好歌可以選擇,甚至俾我留有一手的感覺,
特別希望係一d未推出過的動畫歌,都可以好似《美少女變身》咁重見天日。

若果要講有乜不足,最差的當然係翻唱的《跅跅步哈姆太郎》同埋無關的《新世紀福音戰士》
另外,亦有《超人迪加》同《得意快獸仔》亦唔算係動畫,而係特攝.
其實會唔會考慮出套「特攝」歌集呢?都有唔少歌咖!

歌曲編排方面,我睇唔出分碟或者同碟內的歌序有乜意思,多數係隨機,
若果可以因應年代,或者動畫種類,或者歌曲種類等分類及排序,會更好.

歌曲資料方面,全部有講明係黎自邊套動畫,
但若果係插曲的,如《一股歪風》,講明係插曲會好d,
否則會令人誤會都係主題曲.

全碟最差的,就係歌詞,無標明重唱部份,而且每首歌詞都係一段過,唔分段.
《足球小將》插曲變左主題曲歌詞已經唔掂,
最令我不滿的亦係《美少女變身》照抄網上錯版,而無校對過.
希望下一次做好d.
(或者搵我義務幫手都得)

附錄: 文字版曲目:

CD 1
01. 足球小將(足球小將片尾曲) - 張衛健
02. 美少女戰士 - 王馨平 湯寶如 周慧敏
03. IQ博士 - 梅艷芳
04. 現代足球小將(足球小將Goal) - 李克勤
05. 伙頭仔昆布 - 草蜢
06. 藍精靈 - 小太陽兒童合唱團
07. 數數小精靈 (寵物小精靈 插曲) - 陳浩民
08. 龍珠94 (混音版) - 張崇基+張崇德
09. 黃金戰士 - 胡渭康
10. 你讓我找到未來(高智能方程式) - 草蜢
11. 新世紀福音戰士(新世紀福音戰士) -楊千嬅
12. 跅跅步哈姆太郎 (哈姆太郎) - 2R
13. 寶貝甜心 (媽媽是小學四年生) - 湯寶如
14. 忍者 (忍者小靈精) - 小太陽兒童合唱團
15. 時代節奏 (童夢) - 劉錫明

CD 2
01. 夢中天使 (長腿叔叔) - 唐韋琪
02. 我係小忌廉 - 戴蘊慧
03. 多拉A夢 - 陳慧琳
04. 問題天天都多(櫻桃小丸子 片尾曲) - 歐倩怡
05. 小甜甜 - 路家敏
06. 人人愛愉快 (得意快獸仔) - 楊千嬅
07. 皇家雙妹嘜 - 歐倩怡
08. 美少女變身(美少女戰士S 插曲) - 陳琪
09. 愛心一百次(飛天小女豬事丁) - 戴恩玲
10. 命運鬥士(鎧甲聖鬥士) - 張衛健
11. 神秘的花園 - 何詠琳
12. 情誼心中印 (龍貓) - 江欣燕
13. 超人小子 (超人小子) - 黎瑞恩
14. 每點愛都記住 (娛樂金魚眼) - 車沅沅
15. 降魔者 (仙魔大戰) - 劉彩玉

CD 3
01. 超人的主題曲 (超人迪加)- 陳奕迅
02. 城市獵人 - 劉德華
03. 宇宙大帝 - 張國榮
04. 千年女王 - 露雲娜
05. 魔法咕嚕咕嚕 (咕嚕咕嚕魔法陣) - 滕麗名
06. 聖鬥士星矢 - 譚耀文
07. 達爾大冒險 - 蘇永康
08. 戰士高狄安 - 蔣慶龍
09. 忍者亂太郎 - 鄭嘉穎
10. 魔法時代 (魔動王) - 曾航生
11. 跟你啄一啄 (福星大咀鳥) - 李彩樺
12. 伏魔小皇子 - 梁漢文
13. 無名小子(伙頭智多星) - 黃凱芹
14. 冰河戰士 - 黃思雯
15. 劍神傳說 (反斗劍神) - 許志安

CD 4
01. 傳說 (千年女王 插曲) - 露雲娜
02. 百變小櫻 (百變小櫻MAGIC咭) - 曾嘉莉
03. 足球小旋風 - 李克勤
04. 爆裂旋風 (爆旋陀螺) - 郭富城
05. 超速龍球 (超速搖搖) - 方力申
06. 超級小黑咪 - 陳慧琳
07. 小丸子的心事(櫻桃小丸子 片頭曲) - 何韻詩
08. 變出我精彩(七小花) - 2R
09. 彈珠人的愛心炸彈 (BOMBOM彈珠人) - 楊千嬅
10. 正義 (無敵3x1) - 黎瑞恩
11. 虎威戰士 - 林子祥
12. 腦波子 - 陳美齡
13. 四驅小子 - 吳婉芳
14. 一股歪風 (電子神童 插曲) - 梅艷芳
15. 海 (冒險少女娜丁亞) - 吳國敬 


 

刊登時間︰2010-08-21 04:06 AM  [ 訪客留言(5) ] [ 編輯日誌 ] [ 分享至FACEBOOK ]


2010 年 8 月 5 日  星期四  


螢火蟲 - 朱洁@China's Got Talent - 感動 感動

近日網友傳黎一段短片, 同兒歌有些關係,
更重要係令我十分感動, 好想同大家分享.

而家明珠台逢星期六晚八點半播緊一個叫"America's got talent" (全美一叮) 的真人騷.
呢個節目亦都製作左中國版, 叫"China's got talent" (中國達人秀).
當中一位參賽者, 唱《螢火蟲》:
http://www.youtube.com/watch?v=4XHZ07rkwpA

我第一次睇完之後都差d喊左出黎.

---------------------

補充資料:
《螢火蟲》的原唱係伊能靜:
http://www.youtube.com/watch?v=98o-R8dJe4I

呢首歌係1993 無線兒禮的候選兒歌, 我亦係從呢個途徑認識呢首歌.

刊登時間︰2010-08-05 04:56 PM  [ 訪客留言(0) ] [ 編輯日誌 ] [ 分享至FACEBOOK ]