老孩子 - 不懂音樂的兒歌收集者
兒歌網網主 https://oldkid.freevar.com/oldkid/index.html
兒歌收集者
兒歌和兒童節目的資料搜集及整理員
曾是兒歌谷(已關閉)谷主
oldkid
暱稱: 老孩子
國家: 香港
最新文章
拜年 + 轉移通告
「閃電傳真大檢閱」-...
近況 / 無綫 / 親子劇...
Youtube - 兒童節目片...
430穿梭機 第二輯 @ 兒...
文章分類
全部 (203)
06 TVB兒童節及兒禮 (6)
07 TVB兒童節及兒禮 (4)
08 TVB兒童節及兒禮 (19)
08 新城勁爆兒歌頒獎禮 (11)
09 TVB兒童節及兒禮 (9)
09 新城勁爆兒歌頒獎禮 (5)
10 新城勁爆兒歌頒獎禮 (5)
11 新城勁爆兒歌頒獎禮 (3)
12 新城勁爆兒歌頒獎禮 (5)
老孩子兒歌網 (32)
老孩子的心事 (13)
老孩子的生活 (19)
兒歌及兒童節目報道 (15)
兒歌及兒童節目資料 (39)
兒歌谷 (7)
兒歌專輯 (11)
站內搜尋
RSS 訂閱
RSS Feed
2012 年 3 月 18 日  星期日  


2011 新城兒禮 - 候選歌歌詞及資料

(3月24日上載了全部候選歌曲資料)

新城勁爆兒歌頒獎禮 已經開始投票喇:
http://www.metroradio.com.hk/MKT_Promotion/KidsHitAwards2011/

Youtube 候選歌播放清單:http://www.youtube.com/playlist?list=PL7A43EA58B3875D19

2011 新城兒禮候選名單的曲詞編唱:
http://users1.jabry.com/election/ss11/11.html

漏空的地方是因為找不到資料,歡迎網友補充資料。聯絡網主
 
  歌名 主唱 作曲 填詞 編曲 無線
1 Honey Honey Bees 張人丰
Kellyjackie    
2 美少女戰士 HotCha 黃尚偉
向雪懷
   
3 遊樂場
(《爸爸的遊樂場》主題曲)
吳彤、小鱒魚兒童合唱團 黃淵瑞 梁錦強  張騫   
4 神奇大地
(《寵物小精靈:超級願望》主題曲)
吳若希 田中宏和
     
5 We'll be there
(《寵物小精靈超世代》主題曲)
李卓庭 田中宏和
  周永恆
 
6  小明上方舟 李家仁 韋然 韋然 何沛澄  
7 小明做特首 李家仁 韋然 韋然 何沛澄  
8 健康的堡壘 李紫昕 李紫昕 李紫昕 Alan Sit   
9 倉鼠樂園 李紫昕 李紫昕      
10 沸騰的心(粵語版)
(《喜羊羊與灰太狼4 開心闖龍年》插曲)
李紫昕 李紫昕 李紫昕    
  歌名 主唱 作曲 填詞 編曲  
11 護膚寶寶 李紫昕        
12 破格
(《幪面超人月騎》主題曲)
李榮耀 Shuhei Naruse
     
13 獸拳戰隊 沈震軒、李豪、羅鈞滿、張景淳 岩崎貴文
     
14 黛比的歡樂 周永恆 周永恆  周永恆  Bonda Chow  
15 Go Ahead!
(《Battle Spirits 少年突破馬神》主題曲)
林景程 Takuro (Glay)
鄭櫻綸
   
16 天天天使
(《天使盼盼》主題曲)
徐偉賢、陳恩碩、香港兒童音樂劇團 徐偉賢 徐偉賢 褚鎮東  
17 蛻變孤單
(《天使盼盼》歌曲)
徐偉賢、陳恩碩 徐偉賢 徐偉賢 褚鎮東   
18 開心保兒日記 高皓正、周永恆 周永恆 高皓正 周樂  
19 理想的翅膀
(《爆旋陀螺 鋼鐵戰魂爆》主題曲)
許廷鏗 木下浩二
鄭櫻綸    
20 Keroro世界
(《Keroro軍曹VI》主題曲)
許廷鏗 澤田完
鄭櫻綸
   
  歌名 主唱 作曲 填詞 編曲 無線
21 On the road
(《幪面超人帝騎》主題曲)
陳國峰 Ryo
鄭櫻綸 葉肇中  
22 Go!Go!美少女
(《Yes!光之美少女 Go Go!》主題曲)
陳慧敏 間穭膝q
     
23 Happy Tinkle
(《寶石寵物II》主題曲)
樂瞳 岩崎貴文
     
24 Maji Maji Magical Jewel
(《寶石寵物》主題曲)
駱胤鳴 牧野幸介
     
25 風雨不改 薛家燕、家燕媽媽藝術中心合唱團 楊奇昌 汝樂 伍俊華   
26 勇氣
(《爆旋陀螺 鋼鐵戰魂4D》主題曲)
謝東閔 YU+KI      
27 Let's go
(《炎神戰隊》主題曲)
羅孝勇 岩崎貴文
     
  歌名 主唱 作曲 填詞 編曲 無線

刊登時間︰2012-03-18 01:08 AM  [ 訪客留言(6) ] [ 編輯日誌 ] [ 分享至FACEBOOK ]


2012 年 3 月 16 日  星期五  


2011 新城勁爆兒歌頒獎禮 - 投票開始

2011 新城勁爆兒歌頒獎禮 已經開始投票喇:
http://www.metroradio.com.hk/MKT_Promotion/KidsHitAwards2011/

Youtube 候選歌播放清單:http://www.youtube.com/playlist?list=PL7A43EA58B3875D19

候選名單同埋創作人資料:
(我會好似往年咁, 遲d 補上各首候選歌的歌詞同歌曲資料)

漏空的地方是因為找不到資料,歡迎網友補充資料。聯絡網主

http://users1.jabry.com/election/ss11/11.html

 


 

刊登時間︰2012-03-16 11:33 PM  [ 訪客留言(2) ] [ 編輯日誌 ] [ 分享至FACEBOOK ]


2012 年 3 月 11 日  星期日  


胡渭康《那些年 我們一起唱過的兒歌》

胡渭康最近推出左佢第一張個人唱片《Keep going》(CD+DVD),
收錄9 首歌同埋3首MV.

當中一首歌係《那些年 我們一起唱過的兒歌》
由四首胡渭康主唱的動畫歌組成的串燒歌,
包括《黃金戰士》, 《小小朋友仔》,《怪物小王子》,《電子神童》.

呢首歌亦係其中一首mv:
http://hk.music.yahoo.com/video-player.html?category=mv&id=28412187&page=1
(後半段只係重覆但無聲, 可以唔使理)

雖然個MV真係拍得麻麻, 不過聽呢首歌真係好開心, 忍唔住要跟住唱.
若果可以現場聽胡渭康唱就正咯!

大家亦可以睇下胡渭康介紹佢的唱片:
http://www.youtube.com/watch?v=pa6xYt2fNOU

唱片曲目:

CD
01. 頑童
02. 自己搞作
03. 多謝有心 (國)
04. 為妳鐘情
05. I do (國)
06. 愛擁抱(國)
Bouns track
07. 心中有火
08. Keep Going
09. 那些年 我們一起唱過的兒歌 (黃金戰士, 小小朋友仔, 怪物小皇子, 電子神童, 黃金戰士)

DVD
01. 頑童
02. 自己搞作
03. 那些年 我們一起唱過的兒歌 (黃金戰士, 小小朋友仔, 怪物小皇子, 電子神童, 黃金戰士)

刊登時間︰2012-03-11 10:28 PM  [ 訪客留言(1) ] [ 編輯日誌 ] [ 分享至FACEBOOK ]


2012 年 1 月 24 日  星期二  


2011回顧 + 2012展望

今日係年初二, 同大家拜年先,
祝大家身體健康, 事業學業, 家庭愛情順利之餘, 仲有時間聽兒歌.

又係時候回顧2011年.

1. 無線除左唔攪兒禮之外, 連TVB兒童節都無埋,
最初仲要諗住TVB兒童節20週年有乜特別野添, 真係加倍失望呀!
反而無線經典台的兩集《無線大寶藏》分別做左兒童節目同埋兒禮回顧,
係贈慶定係安撫下觀眾呢?

另外, 放學ICU 提及替補機制, 真係令人好意外. 

2. 新城有繼續攪兒歌頒獎禮, 推到去四月舉行, 今年暫時未有消息, 可能又推到四月,
若果無線真係唔再攪兒禮, 新城可以考慮取代無線在暑假攪, 攪大d,
反正而家要聽無線的兒歌, 聽新城的節目反而可以聽到全首, 真係諷刺.

3. 兒歌專輯方面, 2011年就少左好多, 最矚目可能係遲黎"小明歌集"
http://www.yesasia.com/global/1024746536-0-0-0-zh_TW/info.html
可惜遲左成年先出, 矚目程度減低. 而我亦有買返隻.
期待左一年的<卡通王國2>就暫時願望落空.

4. Yahoo 攪左個動漫選舉, 其中一項係動畫主題曲.
不過都無乜人理會. 若果我唔係寫過一篇有關的blog, 可能連我自己都唔記得.
我而家連選舉結果都睇唔到 (其實有無?), 歡迎知情網友話我聽.

5. 到我自己呢, 今年寫blog又少, 網站又無乜更新,
唯一見得人的功課, 只係整左新城兒禮的資料同候選歌歌詞(仲要有網友幫手).
本來都有d 野做左的, 但樣樣都開左個頭, 無時間同心機完成....

6. 好多網友都好努力呀, 所以我可以懶d (邊係理由!) 
順帶推廣一下網友的工作:
http://www.youtube.com/user/cantonpopmusic/videos
http://www.youtube.com/user/CapitalArtistsFAN/videos
http://www.youtube.com/user/tvbmusicFAN/videos

http://www.youtube.com/user/volvob10md/videos

若果想聽近年的兒歌, 可以去呢個playlist:
http://www.youtube.com/playlist?list=PLA706F96E564F0B0D

2012 展望 (同上年差唔多)

1. TVB 舉辦返兒童節, 兒禮,
拍返兒歌mv, 動畫歌就算唔拍真人版, 好似以前咁整動畫完整版黎播都好丫.

2. 新城繼續攪兒禮, 但係d 獎項呢, 真係...

3. 卡通王國2 呀!!!
仲有多d 兒歌專輯.

4. 我自己呢, 又係希望完成《兒歌安樂窩》,  仲有網站想整一個小專題 (暫賣關子);
blog呢, 幾篇已經搜集緊資料的, 希望埋左個尾佢.



 

刊登時間︰2012-01-24 09:52 PM  [ 訪客留言(3) ] [ 編輯日誌 ] [ 分享至FACEBOOK ]


2011 年 7 月 28 日  星期四  


Yahoo 「最經典卡通主題曲」選舉

近日發現Yahoo 舉辦左一個「最經典卡通主題曲」選舉
http://hk.promotions.yahoo.com/movie/goldentiger/vote_cat6.php

我見到呢d 選舉, 當然開心啦, 但係見到d 資料唔齊全或者唔統一,
又令我因為有關人員唔認真而感到失望, 最後又會自己同自己講句,
「若果搵我幫手攪咪好囉」.

整體

整體黎講, 最正的係按每首歌的插圖, 都會連結去youtube, 可以重溫首歌.
不過, 我驚「人怕出名豬怕肥」, 到時返而累到d 片又被封殺.
而Yahoo 一個正式的商業機構, 咁樣連結去youtube片, 其實做法都幾奇怪.

至於個投票幾時截止又無寫, 亦有少少怪.

候選名單

候選名單方面, 各人有各人心水,
其實, 我都唔在意個名單得咁少歌, 或者某d 歌唔入圍.
不過, 只係若果講「櫻桃小丸子」, 《問題天天都多》應該比《小丸子的心事》更經典卦?
而《足球小將》同埋《千年女王》呢, 主題曲同插曲邊首經典d 真係好難講.

至於個選舉名, 其實都有d 問題, 話問係「主題曲」, 但《傳說》就係插曲,
至於《小丸子的心事》算唔算主題曲呢? 我都唔清楚.
其實叫卡通歌會唔會好d?

歌曲年份方面:

1976  小露寶
1982  IQ博士
1983  傳說
1985  我係小忌廉
1985  足球小將    
1991  夢中天使
1993  龍珠二世
1994  美少女戰士
1997  小丸子的心事
1998  超人的主題曲

歌名

歌名方面, 真係馬虎左.
《我係小忌廉》無左兩個字, 真係離譜.
而歌名同卡通名唔同的處理方法, 亦好求奇, 
唯一「傳說(千年女皇)」係ok, 其他一係無卡通名 (超人迪加, 櫻桃小丸子)
一係就無左歌名(夢中天使)


Youtube

連結的有卡啦ok版 , 無線真人mv版, 動畫版,
有網友自製, 後期製作版.

《傳說》若果選完整版就好: http://www.youtube.com/watch?v=_aDdOET-zwM
《龍珠二世》呢, 其實o個個係收錄在唱片的「戰鬥力強化再造版」混音版,
連結去電視版就更好: http://www.youtube.com/watch?v=jZi48i_2iRk


嚴重錯處

《超人的主題曲》搭《鋼之煉金術師》圖, 雖然都係陳奕迅唱, 但都係不能接受.

別字 (網友水哥提供)

千年女「皇」-> 正字: 王
梅「豔」芳 -> 正字: 艷
 


簡介中的歌詞

部份歌曲簡介有引述歌詞,
《美少女戰士》,《足球小將》, 《龍珠二世》都無問題,
《超人的主題曲》就唔知算唔算係引歌詞
《傳說》- 有個女「巫」, 唔知係特登用呢個坊間的改版, 定係寫呢段的人因為個改版太入腦而打錯呢?
《小露寶》無端端第二句重覆左, 似係手文之誤.

 

附: 明星之選:
http://hk.movies.yahoo.com/trailer.html?id=mcl_summertiger&videoid=1021

http://hk.movies.yahoo.com/trailer.html?id=mcl_summertiger&videoid=1073

http://hk.movies.yahoo.com/trailer.html?id=mcl_summertiger&videoid=1033

刊登時間︰2011-07-28 09:49 PM  [ 訪客留言(0) ] [ 編輯日誌 ] [ 分享至FACEBOOK ]


2011 年 7 月 22 日  星期五  


2011 書展報告

由於今年無乜新兒歌專輯出現, 所以今年去書展前都無乜期望,
結果亦係無收獲.

(零) 快樂書房 (1B-A31)

唯一驚喜, 係行行突然聽到有一檔播《彩虹化身俠》中文版(石修, 張德蘭合唱),
行去睇, 原來個檔係展覽幾個微型懷舊香港模型, 其中一個有部電視仔,
個電視仔會播d 舊版動畫特攝MTV, 有日片, 有港版,
除左《彩虹化身俠》, 仲有《飄零燕》同《小露寶》.
可能仲有其他, 可惜我無時間睇晒.
http://joyful-books.com/?p=752

跟住的兒歌 / 兒童節目, 基本上用上年的修改下:

(一) 洲立 (3F-e33)

1. 柏林周記DVD
$250 四DVD 38集

內容簡介及封面:
http://www.yesasia.com/1022881013-0-0-0-zh_TW/info.html

2. 小時候2005
$85 1 DVD 8集

內容簡介及封面:
http://www.yesasia.com/1022941226-0-0-0-zh_TW/info.html

3. 小時候成長篇 (1999)
$140 雙DVD 10集

內容簡介及封面:
http://www.yesasia.com/1004055082-0-0-0-zh_TW/info.html

亦有VCD版, 每隻兩集, 賣$10隻

4. 小時候 (1977)
$260 四DVD 39集

內容簡介及封面:
http://www.yesasia.com/1011106266-0-0-0-zh_TW/info.html 

(二) 雅樂坊 (3E-D30)

1. 兒童故事系列
$109   5 CD
網上搵唔到資料, 係區瑞強出的, 內容都係黎自呢堆碟:
http://www.musicfarmworkshop.com/shop_cd6.htm

2. Kids 101 音樂全人教育
$99 6CD
 http://www.yesasia.com/global/1023731941-0-0-0-zh_TW/info.html

3. 兒歌歲月99首
$85 4 CD
http://blog.qooza.hk/oldkid?eid=20073627 

(三)宗教教育中心 (3G-E02, 3C-E32)

1. 開心有得揀
$68  CD+DVD
http://www.yesasia.com/1014456940-0-0-0-zh_TW/info.html

(四)熊熊 (3C-A07)

無新野, 但有優惠套裝:
兒歌歲月99首 + 2 盒3碟裝CD, $399
http://blog.qooza.hk/oldkid?eid=20073627 

幾隻兒童音樂劇的原聲大碟,都係賣$88

(五) 環星 (無處不在!)

1. 唱學兒歌101
$128 (5CD + Karaoke VCD)
http://www.yesasia.com/1020580506-0-0-0-zh_TW/info.html

(六)小人國 (3C-B23)
唔覺有新野. 

另外, 今年唔覺眼陳以誠的檔, 唔知係咪我行漏左.

仲有今年林慕德都開左一檔 (3C-B35)
(唔知點解書展的小冊子無印到)
有賣教材, 但係就無賣到兩隻「放學ICU」系列的CD, DVD.

其他兒童教材, 包括英文, 普通話, 唐詩都仍然好多,
今年特別留意到, 多左弟子規, 三字經呢兩種「新興教材」. 

 

刊登時間︰2011-07-23 12:26 AM  [ 訪客留言(2) ] [ 編輯日誌 ] [ 分享至FACEBOOK ]


2011 年 6 月 1 日  星期三  


國際兒童節 - 兒歌串燒大集合

今日係六月一日, 係國際兒童節,
對於成年人黎講, 當然係聽下舊兒歌, 回味一下大家的童年啦.

若果有時間慢慢聽返d 舊兒歌當然好, 香港人生活忙碌, 時間有限,
以下的串燒兒歌, 不失為一個「有效率」的重溫方法.

而且, 大家亦可以從中得知其他人鐘意的兒歌, 或者心目中的經典兒歌.
最令我老懷安慰的, 就係知道仲有網友會花時間心機,
去整兒歌MV, 推廣兒歌, 令我有搵到同道中人的感覺.

若果大家仲搵到其他串燒兒歌的, 記得話我聽呀:

兒歌經典18首
http://www.youtube.com/watch?v=aSPzovG_AxU

80後與90後的27首兒歌
http://www.youtube.com/watch?v=4ejy2Kc0qq8
有部份係日文版
《婚紗構思》係翻唱版

兒歌合集
http://www.youtube.com/watch?v=6iupb3MtsQU
有部份是日文版

閃電傳真機年代兒歌金曲Medley
http://www.youtube.com/watch?v=xeKPGN-CfF0
我最喜歡的, 係由鎧甲聖鬥士至聖鬥士星矢的安排.
首先兩套動畫名接近, 以前又曾被人一起討論.
最令我佩服的, 是兩句相似意思的歌詞連埋一齊
「讓宇宙記住我的名字」 ->
「匆匆一生叱蠾n滿要刻下名字」

閃電傳真機年代兒歌金曲(非卡通動畫)Medley
http://www.youtube.com/watch?v=7HaNqVd0jeE

閃電傳真機年代兒歌金曲Medley2
http://www.youtube.com/watch?v=a4G7pgr9PZ8
《婚紗構思》係翻唱版

80年代卡通動畫金曲串燒
http://www.youtube.com/watch?v=r7sFDbnp_Aw
《Q太郎》係兒歌唱片公司重新填詞翻唱片

TVB卡通兒歌金曲串燒
http://www.youtube.com/watch?v=NYilCUZvr-A

陳松齡兒歌金曲串燒
http://www.youtube.com/watch?v=MeDbAnR170A


五首最能代表 90 後的香港卡通主題曲
http://www.youtube.com/watch?v=CpmGhSYrB0o
其實我並唔認同係呢五首.
另外, 片中的字幕係製片人寫的一段感想, 回憶.

Cartoon Remix~樂心中樂團@10月23日
http://www.youtube.com/watch?v=vU9FRm9PO6c
試下唔睇youtube的片段介紹, 一邊考下自己聽唔聽得出係乜歌.
部份係日文版.


(睇返以前save 低的bookmark, 部份片已經俾人封殺, 真係可惜,
特別係「我撐香港兒歌!」系列, 當時我有留言「撐」香港兒歌之餘, 更加傳短訊俾作者.)

跟住呢段係一個現場表演:
菜園村串燒兒歌.mp4
http://www.youtube.com/watch?v=bhXbdHPGYFM

仲有以前介紹過的, 一d「中學生歌唱比賽」的兒歌串燒:

08-09.歌唱比賽合唱初賽*7A之兒歌王[近距離版]
http://www.youtube.com/watch?v=NBN0FIQ8cak

1:00 開始

USB sing con final!!!
http://www.youtube.com/watch?v=VgqI9F92VH0

有時太嘈聽唔到唱乜, 但可以睇到面具估到
有另一個版本, 近d, 不過無左最頭:
USB sing con final
http://www.youtube.com/watch?v=HljzPweBlj4

5B 集體回憶
http://www.youtube.com/watch?v=D6GcAAOH5_I

兒歌串燒
http://www.youtube.com/watch?v=7WTpOlfYd4I

0:30開始

6B班際歌唱比賽 求其大合唱
http://www.youtube.com/watch?v=1K-TZOwqJyo

3E 音樂比賽
http://www.youtube.com/watch?v=js1I2BdprN8

刊登時間︰2011-06-01 10:44 PM  [ 訪客留言(4) ] [ 編輯日誌 ] [ 分享至FACEBOOK ]


2011 年 5 月 4 日  星期三  


2010 新城兒禮後記(三) 宣傳; 現場; 無線兒禮

戊) 宣傳

今年宣傳比上年開始得早, 但候選名單資料就比較亂,
新城網上的投票名單應該係最早出, 錯漏較嚴重,
《健康的足印》變左《Dr kong song》(好廣告feel)
《爸爸媽媽你好嗎》漏左另一位合唱者Bob.

之後的投票表格同海報等都修正返呢兩項,
但唔知點解郁左《閃電十一人》的歌曲編號, 令到首歌唔跟主唱者姓名筆劃排, 奇怪.


《兒童快報》係合作開的媒體伙伴, 但今年好似慳左d, 只係出左一次投票名單(835期, 1-4-11出版),
之後兩期都無好似往年咁繼續宣傳, 到839期 (29-4-11出版) 先至報導頒獎禮實況.

至於新城知訊台的主頁, 投票表格個連結在投票期間亦係時有時無.
希望出年改善一下.

頒獎禮後, 都有幾份報紙報導提及, 但焦點都唔係頒獎禮或者兒歌,
只係個別歌手的其他訪問, 感覺比上年差.

己) 現場

我今年都有去到現場支持頒獎禮, 個場比上年大, 加上少左fans,
感覺上舒服好多.

至於時間就似好快就完咁, 可能係演唱得獎歌同埋表演環節都少左.

當日我有兩個位特別記得, 第一個係其中一個司儀話《麥氏偵探社》首主題曲係黃耀明唱,
其實《麥氏偵探社》係無主題曲,司儀想講的《蛛絲馬跡》, 只係咁o岩搵《麥氏偵探社》的角色在MTV演出.
不過呢個錯已經在網上廣泛流傳... 唉

第二個位係李紫昕唱《羊羊頂呱呱》時, 唱到尾二o個段暫停位, 首歌都未完,
就好多人拍晒手掌, 包括唔少佢的fans.

若果想重溫頒獎禮, 除左聽近排的《星期日大菠蘿》之外, 亦可以上youtube搵, 有好多片,
順便推介一段唔關頒獎禮, 但又在那時那地發生的看笑片段:
「願賭服輸!!兒歌天后李紫昕Battle小明李家仁」  http://www.youtube.com/watch?v=bUxN2ZpsPzs

 庚) 無線兒禮

往年都係無線兒禮先舉行, 然後先到新城, 而新城的候選歌又一半左右都係已經在無線兒禮出現過,
所以往年我整新城兒禮的候選歌曲資料, 都係只需要整無線兒禮無o個一半,

但由於上年無線無攪兒禮, 所以今年做新城兒禮時要由頭做起,
再加上無線少拍左兒歌MTV, d 動畫歌都只係短的動畫片頭版,
所以今年要做的功夫多好多, 好在有網友幫手.

希望今次係先苦後甜, 到黎緊七八月無線兒禮時, 我就會輕鬆d.
不過, 究竟今年無線會唔會復辦兒禮呢? 又或者只攪投票但唔將頒獎禮做大型節目?
我都唔知.

作為一個兒歌支持者, 當然好想好想無線繼續攪兒禮啦, 
若果只係得返新城攪兒禮,  個感覺真係好失落.
始終新城兒禮的覆蓋層面, 矚目程度等, 都仲未能夠取代無線兒禮.

刊登時間︰2011-05-04 10:46 AM  [ 訪客留言(3) ] [ 編輯日誌 ] [ 分享至FACEBOOK ]


2011 年 4 月 20 日  星期三  


2010 新城兒禮後記(二) 簡評候選及得獎名單, 個人心水

乙) 候選名單

今年有25首候選歌, 和去年2009差不多 (23首),
當然, 若要找更多兒歌其實都不難, 無線不少動畫/特攝歌也沒有包括在內,
如新一首軍曹, 新一首光之美少女等

李紫昕唱或合唱的有5首, 佔了五份一.
李家仁和GEM也各有2首.

和去年/以往比較, 最明顯是少了PIP兒童劇場的兒童音樂劇歌曲,
可能他們往年都有得獎, 而且歌曲資料又特別難找,
所以我會特別記得.




丙) 得獎名單

感覺和去年差不多.
- 仍然不明白「最受歡迎合唱團」及「全國最受歡迎動漫大獎」
- 李紫昕繼續是大贏家, 和去年比, 少了「兒歌創作大獎」, 但多了一首「勁爆兒歌」
- 沒有出席的也會有獎, 今年王祖藍及GEM 也沒有出席頒獎禮, 而王祖藍有預錄得獎感覺, GEM則沒有.

大分別的:
上年23首候選歌有12首得「勁爆兒歌」, 有獎的多過無獎,
今年25首候選歌有11首得「勁爆兒歌」, 終於唔過半數, 感覺上同埋實際比例都好好多.

資料補充:

今年得到「最受歡迎合唱團」的大中華 O-LA O-LA 外語兒童合唱團,
應該是和去年得獎的大中華國際兒童合唱團是同一個合唱團.
見: http://www.jy-ert.com/south.asp

今年有兩個獎項值得談談:

1. 勁爆男歌手 - 王祖藍
王祖藍拿「勁爆男歌手」不出奇, 但他的唯一一首候選歌卻拿不到「勁爆兒歌」, 或其他獎, 真的很奇怪!!
(「勁爆女歌手」李紫昕得到多個獎, 「勁爆組合」Andox, 黑仔的《練武功》亦有「勁爆兒歌」.)

難道這表示王祖藍很受歡迎, 很「勁爆」, 但唯獨這首歌不受歡迎?
以今年的成績來看,
若計算得獎歌數目, 狄易達得到一又三份一首「勁爆兒歌」, 拿「勁爆男歌手」也可算合理.
若計算候選歌數目, 李家仁有兩首獨唱候選歌是男歌手之冠,

《小明上廣州》得到「勁爆兒歌」加上他在2010的人氣, 頒獎給他也沒話可說.

反正新城的「勁爆兒歌」一向是沒有固定數目, 為何不加一個給王祖藍, 好等他實至名歸?

2. 年度兒歌大獎 - 星光下的思念

頒獎禮前, 我和網友估得獎歌, 說到「年度兒歌」
我估的是《羊羊頂呱呱》的, 雖然估錯了歌曲, 但也安慰自己估中主唱者及有關的動畫, 只是主題曲變插曲.
某網友則說一定是《小明上廣州》, 因為這首歌實在太紅太受歡迎, 知名度遠遠拋離其他候選歌.

《小明上廣州》的確是最紅, 但若計算最受「兒童」歡迎則可能是另一回事, (我覺得這首歌較受成年人歡迎)
再著, 「年度兒歌」也應該有其他評分部份, 包括歌曲質素, 「似兒歌度」, 教育意義等等.
當然以上的只是我的想法, 我也不知新城「年度兒歌」及其他獎的得獎準則.


丁) 個人心水

順道說說我自己的心水, 今年我特別喜愛的包括:

辣著生命 - 我對這類合唱+熱血歌特別偏愛

小明上廣州 - 大眾說是兒歌, 但我覺得是一首玩味十足, 十分過癮, 有時代意義的流行曲

星光下的思念 - 這首歌得年度獎我好高興, 我估錯無所謂, 我寧願我較喜愛的歌欏獎.
我第一次聽呢首歌已經鐘意, 單單聽歌已經令我好投入,
若果在動畫電影配合適當的劇情(我無睇動畫), 相信效果會非常感人. 
呢首歌令我諗起當年聽李紫昕的《布娃娃》咁, 有種上左癮的感覺, 一聽要連聽幾次先滿足.

太極千字文 - 無睇動畫亦唔知動畫講乜, 歌詞亦都唔係明得晒但好鐘意加左d 「太極」字眼, 好型
好鐘意首歌的感覺 (都係唔識解釋) 

超好奇 - 好好聽, 得意, 歌詞有意思,
特別鐘意呢句「一剎那得出真理開心半天」, 好有共鳴
若果多d 合唱部份更好

亞莉亞蒂之歌 - 無睇動畫, 但大約知動畫講乜, 旋律音樂同歌聲都吸引.

 

刊登時間︰2011-04-20 07:30 AM  [ 訪客留言(0) ] [ 編輯日誌 ] [ 分享至FACEBOOK ]


2011 年 4 月 20 日  星期三  


2010 新城兒禮後記(一) 得獎名單及鳴謝

2010新城勁爆兒歌頒獎禮得獎名單:
http://users1.jabry.com/election/ss10/10.html#prize

歷屆得獎名單:
http://users1.jabry.com/election/ssindex.html
 


甲) 鳴謝 (排名不分先後)

1. 網友 Walter (W兄)
 替我準備了不少歌曲的曲詞編監人名及歌詞等等資料, 省下我不少功夫及時間.
強力推介大家到他的youtube頻道, 除了這次頒獎禮的部份的兒歌的完全版外, 亦有其他尚未有專輯收錄的舊兒歌.
http://www.youtube.com/user/tvbmusicFAN
他的另外兩個戶口, 亦有不同的舊兒歌:
http://www.youtube.com/user/CapitalArtistsFANhttp://www.youtube.com/user/cantonpopmusic

2. 小鱒魚兒童合唱團
以往想找歌詞時, 都試過電郵一些團體或創作人, 但都沒有回覆.
我屢敗屢戰, 今次很高興得到小鱒魚兒童合唱團回覆, 提供玩具大王的歌詞.

3. 新城電台公關部
在頒獎禮後, 我嘗試向新城電台公關部索取得獎名單,
他們很快便回覆我, 並給了我喜出望外的資料.

刊登時間︰2011-04-20 07:28 AM  [ 訪客留言(0) ] [ 編輯日誌 ] [ 分享至FACEBOOK ]