|
小記早喺讀中學時代已識王祖藍，當年喺學界冇人唔識佢，無論聖誕表演或聯校比賽�H場合，都見佢上台唱歌做話劇朗誦。訪問重提往事，祖藍立即以蕭亮式�H聲音回應︰「以前想出風頭，讀書唔叻惟有靠表演，最記得自己着窄身衫同白色York牛仔褲上台唱〈The Phantom of the Opera〉，哈！當時好多人都覺得我成日演嘢，個樣又串串貢，根本冇咩朋友。」聽口氣，祖藍似有不堪回首�H往事，其實跟過佢參加戲劇學會�H一班師弟妹都不知幾羨慕佢，至少其貌不揚�H祖藍教曉我哋表達自我好緊要，心入面更暗暗渴望佢他朝有日名成利就，再同人講我識佢、睇住佢大等。
估唔到今日佢拍住「獎門人」上位搞笑，最近更出碟做埋歌手！可能你會笑問：「佢係咪玩尹光上身，所以唱〈豬豬BB UN咕咕〉？」又或者「成日扮狗扮女人引人笑有咩叻？」但當日�H「傻仔」（佢自稱）今日如願以償娛樂大家，呢份心力，唔應該分高低。
攜手博一博
以為冇身高冇樣貌�H王祖藍，可以做到「獎老」、扮嘢王、電影搞笑串星已經好到無以復加，唔止，更奇�H係無綫俾佢撈過界，同小生林峯、花旦鍾嘉欣一樣可以出碟做歌手。
「我都唔知點解會揀到我出碟，有理由相信今次係台前幕後攜手博一博，睇下會唔會博出生命奇跡。入咗無綫後，我從未大膽提議過唱歌，係試過幫劇集《東方之珠》�H凌丰幕後代唱，其他人先知我原來識唱兩嘴，而公司又覺得我有觀眾緣，就叫我試試。」今次試唱充滿實驗性質，單睇歌名〈擒擒青〉、〈大隻佬〉同〈豬豬BB UN咕咕〉，小記以為佢想做尹光第2。
「尹光？唔係啦！只係想做張碟可以引聽�H人笑，填�H詞得到共鳴啫！我都想行靚仔路線，行出嚟深情唱歌，但行到先得㗎！惟有將真實一面放入碟。話就話博一博做碟，事實上唱歌同監製都好認真，單係10首歌已涉及唔同層面，有講時下港女�H〈天使低低B〉，又講道德教育、家庭同愛情，主力想大家笑下輕鬆下。」
驚你哋唔慣
話祖藍識唱兩嘴未免過於謙虛，佢初中時已跟音樂老師加入choir，專攻聲樂，入演藝學院後，更去過北京修讀京劇，亂唱都有個譜。「我自細已好想做歌手，中學時重唱歌多過做戲添，但好快就冇發夢。點知到咗而家又有人俾機會我，俾着你都狂發（夢）啦！」發夢冇罪，但身負演員、司儀、舞台劇能手、配音等身分於一身，再做埋歌手，點應付到咁多重責？
「兼任歌手係唔習慣，應該話我驚觀眾唔習慣。要我唱歌我可以好放，上次《勁歌》演出我好滿意添！問題係觀眾明明見你演戲搞笑居多，要佢哋憑1次《勁歌》演出就適應你係歌手身分？有咩可能呀？」
樂意做兒童節目
聰明人有聰明�H做法，無論唱歌或演戲都不停經營搞笑形象，祖藍�H出發點純係娛樂大家，非常明確。
「老實講，我冇諗過會做小生或者會紅。以前做《DaDaDeDe精靈樂園》都好開心，用唔上個『捱』字，爆騷就有錢賺，開1、2日廠再加1、2日外景，重有時間俾我做舞台劇，嘩！有穩定收入養家，快活過神仙啦！可以做諧星係意料之外�H得着，亦係好偉大�H使命，同建築師起幢樓冇咩分別。我問你，有邊個可以代表香港�H星唔係做兒童節目出身㗎？張栢芝係紅，但一定唔夠梁朝偉入屋。佢入行時，你睇住佢大，佢又睇住你大，嗰份親切感唔係個個藝人想要就有。要我做兒童節目出身又搞下笑，絕對唔係框框。」
做到厭
無須為祖藍太過擔心，因為佢娛樂大家�H目標非常明確！
「而家電視、電影內個個都鬥自然，喜劇鬥演技自然有咩好睇？做喜劇，演員有character先重要。劉鎮偉當年寫《西遊記》黑山老妖吸陽氣好精采，掌握到節奏又識製造喜劇場口，而家編劇對白故事都好平淡，惟有浮誇地加強角色性格嚟引你哋笑。我羨慕蕭芳芳演�H角色明明生活化又自然，但偏偏又喜劇感十足，佢放得開，唔擔心點做先引到觀眾笑。莫講話演員，製作人都唔敢博，導演見你浮誇觀眾buy，就一直做，做到爛都唔怕。但浮誇唔係次次work，如果每個導演都要你演『爆』佢，爆爆下都冇活力啦！Mr. Bean都係因為咁而抑鬱。我拍完《我的最愛》，陳木勝想我喺《保持通話》做同一樣嘢，我知咁樣會做爛，於是同佢講唔一定要大起大落�H做法，然後就試咗出咗街�H版本，都一樣有喜劇感。
「（做到冇貨？）06年開始已經冇貨啦！成日叫自己唔好貪心接咁多job，盡量完成手頭上�H劇、唱片宣傳同台慶先，唔專心做嘢，或者演出前做唔足功課，我會好??。（做到厭？）唔會，不過要有成長。做人要誠實，唔開心點逗人高興？觀眾睇得出。如果有日我唔開心，一定會問自己點解有咁�H感覺，然後仔細研究搵出原因，分析完有得着都係好事。」
易服街頭吸客
睇完祖藍親自解構諧星先決要自己開心後，佢即時身體力行，喺兼顧唱片�H宣傳工作、錄影《鐵甲無敵獎門人》�H同時，重要拍攝處境劇《畢打自己人》。
同已拍畢�H《美麗高解像》一樣，祖藍喺《畢》係做雜誌社�H狗仔隊。上週五（24/10），佢就以Lolita造型落到深水埗街頭拍外景。
由於拍攝撞正放學時間，劇組又喺地鐵站對出取景，所以吸引咗唔少學生、主婦駐足觀賞。雖然要喺大班街坊面前扮女人，挺胸扭腰又扮喊，重要被口痕友喪撩，不過，專業�H佢一於當聽唔到，繼續落力搔首弄姿。
事後佢重話：「平時都唔覺咁多人睇我，不過冇所謂喇，我�H工作係娛樂觀眾，最緊要佢哋睇得開心。」但對於Lolita扮相，佢就話：「我第1次以Lolita扮相見人，但原來對鞋又重又緊，搞到我對腳好痛。」祖藍為得到你哋�H十卜，甘願犧牲色相又忍痛，你哋實要撐佢！M田雞二世？
小記話王祖藍生得逢時，既然喜劇演員青黃不接，佢頂上就最啱，佢話︰「但世界咁大，你喺香港做到幾勁都好，出面重有大把人叻過你，大把嘢你學……嘻嘻！忽然諗起演藝講師話︰『（扮尖聲）係你追求心目中�H藝術，唔係藝術中�H你。』似唔似史坦里夫拉咩斯基嗰啲名言？哈哈！講到尾都係唔好標榜自己，而係要搵出心目中�H方向。」我信佢搵到方向，單睇佢做訪問期間，電話響個不停，好似田雞咁，1個電話幾百萬上落死都唔放手，就知而家�H佢幾吃香。可以娛樂人又有錢賺，你話幾美好呢！
|
