|
就黎2007年喇 |
大家好, 報下平安先.
我好忙, 所以網站無郁過.
過兩日就係二零零七年喇,祝大家零七年事事順利!
忙碌的老孩子
|
刊登時間︰2006-12-30 02:35 PM [ 訪客留言(0) ] [ 編輯日誌 ] [ 分享至FACEBOOK ] |
又更新了網站 |
暫時家中沒有電腦用, 唯有去圖書館上網.
但忽發奇想, 可否用圖書館的電腦更新網站?
若那間圖書館有電腦資訊中心, 那應該很容易.
可惜我兩天前去的那間並沒有, 只有普通的互聯網服務, 沒有 word, 亦沒有 front page, ftp等.
我下載了自已網站主頁後, 嘗試選'修改' 結果只能開到txt file 原始檔.
我不服氣, 就第一次試用原始檔, html code 來改網站 .......
原來這樣也行得通, 哈哈.
不過由於甚費時及我時間有限, 所以版面設計和以往有些分別.
但無論如何, 也很高興!!!!
這次更新是報道兩個活動, 包括新城兒禮 及一個 兒童中樂表演. |
刊登時間︰2006-11-29 06:59 PM [ 訪客留言(3) ] [ 編輯日誌 ] [ 分享至FACEBOOK ] |
13-11-06 近況 |
距離上一個日誌,已經一個月了.
這一個月內,我沒有更新或整理過老孩子兒歌網任何部份.我忙於準備搬屋,實在沒時間更新網站,相信其餘網站其餘部份要等明年才整理上載.
另外,日後在家中上網也可能有問題,所以MSN上可能很久也見不到我.有事可電郵給我.我會保持每兩三天check 一次電郵.
|
刊登時間︰2006-11-13 11:54 PM [ 訪客留言(6) ] [ 編輯日誌 ] [ 分享至FACEBOOK ] |
上載了兒歌遊樂場 |
終於整理好"兒歌遊戲場", 上載至網站.
http://www.freewebtown.com/ksgame/index.html
(2010年補充: 新網址為:
http://users1.jabry.com/ksgame/index.html )
今次只係將以前已有的遊戲上載, 仲有幾個曾經在兒歌谷攪的遊戲, 未得閒整理, 所以留返下次先.
暫時記憶中有一個10x10方格的搵兒歌歌名,04年的憑歌詞估歌名,仲有點點負責的聽前奏估兒歌.
不過舊網友谷友有興趣都可以再去玩下睇下,我整理的時候,發現好多問題我都唔識答或唔肯定答案.
其實遊樂場內的兒歌,兒童節目資料都幾豐富同珍貴,尤其o個d兒歌歷史題,好似兒歌創作大賽,頒獎禮趣味資料等.
我自已整理時,都算係溫故知新,記返唔少野.
呢個兒歌遊樂場前前後後都花左我好多時間外,仲有特別係心神,用o係設計問題,遊戲規則等.
仲記得某年遊戲有獎品送添.
兒歌候選區就屬純係搜集同整理資料, 但遊樂場就搜集整理資料之餘, 最重要係加上自己的創作, 更有滿足感.
下一部份上載的, 輪到邊部份好呢? 傷腦筋 |
刊登時間︰2006-10-13 03:09 AM [ 訪客留言(0) ] [ 編輯日誌 ] [ 分享至FACEBOOK ] |
上載了兒歌候選區 |
終於上載左兒歌候選區, 算係趕得切在九月前完成, 實踐到在兒動站的諾言.
其實九月頭時,預算係九月中整好,但原來發現以往好多野要改:
(一)好多口語變返書語 (主要係九二年兒歌詳細介紹) ,勁有挑戰性,中文差,無計
(二)以往兒歌谷攪過三次網上兒歌投票 (唔知仲有無人記得晒呢?),係用freevote.com. 原來呢個網站已經死左,本來投票結果係去freevote 度睇,咁又要將d 投票結果o係舊post 舊檔搵返,然後自已整過.
(三)候選兒歌資料05,06:由於近年咁留意開,錄開兒歌,所以無晒MTV編導資料,再加上搵創作人名單,我又去tvb網睇晒05,06候選歌,再加埋上網資料,連youtube都要用,仲有兒歌碟,圖書館網站,兒禮錄影帶,tvb周刊等.
(四)得獎名單04,05,06:連獎項名都要反覆核查,有D個名有{全年},有d無.同埋o係個大表加左獎項簡稱.
(五)仲有字體大細,標點全型半型等網站設計,都幾煩.
剛剛我在MSN 同網友講:我一向好憎讀歷史,無論中西史,但整網站時,尤其呢一部份,覺得自己好似歷史學者
最後想講, 其實新城上年十一月攪過一次兒禮, 我手頭上都有資料,但未諗到點樣加入兒歌候選區,大家有乜意見?
如無意外,最快都會等今年o個個完埋先一次過整. |
刊登時間︰2006-09-30 01:00 AM [ 訪客留言(2) ] [ 編輯日誌 ] [ 分享至FACEBOOK ] |
兒歌唱片: EEG TVB 兒歌大放送  |
好開心,收到網友通知,有新兒歌唱片推出.
有新兒歌CD當然開心,更開心是復出無耐,網友開始理睬番我喇.
EEG TVB 兒歌大放送:
http://global.yesasia.com/b5/PrdDept.aspx/section-music/code-c/pid-1004510682/

01. 光之美之女 (‘Pretty cure’主題曲) - Twins
02. 跅跅步哈姆太郎 - Twins
03. 朱古力與雲尼拿 - 廖碧兒/胡杏兒
04. 太陽之手 (‘日式麵包王’主題曲) - 吳卓羲
05. 繼續跅跅步哈姆太郎 - Boy'z
06. 幪面超人555 (‘幪面超人555’主題曲) - 郭晉安
07. 超人佳亞 - 陳冠希
08. 大家 (‘青少年暑期活動大使’宣傳歌) - Boy'z/Twins
09. 變身戰士 (‘忍風戰隊’主題曲) - 崔建邦
10. 200% 的咒語 - Twins
11. 放學 ICU(‘放學 ICU’主題曲) - 馬浚偉
12. 在校園度假 - 李逸朗/蔣雅文
13. BB 保你大 - 何嘉莉
14. 奇異冒險 (‘寵物小精靈’主題曲) - 王祖藍
15. 爆龍戰隊 (‘爆龍戰隊’主題曲) - 王祖藍
16. 龍王傳說 (‘龍王傳說’主題曲) - 高鈞賢
17. 白雪天使 - 沈穎婷
|
刊登時間︰2006-09-14 09:07 PM [ 訪客留言(2) ] [ 編輯日誌 ] [ 分享至FACEBOOK ] |
我對兒歌谷之見 - 回應網友 |
我先回應各位網友的意見:
Raina:我認為兒歌谷有必要改革,例如 引進更多地方的兒歌
老:這個關於板規,討論範圍,可容後再談.
Kevin@Kidsong :關於可唔可以用 BLOG 取代兒歌谷,我覺得不可行。
因為 BLOG 的模式同新聞組(newsgroup) 模式完全不同。
(希望我無理解錯誤) BLOG 是以網主為中心,
靠網主貼的文章,引起大家的討論。
而 newsgroup 則是各有各的話題,各有各的討論,百花齊放的。
如果有人有時間打理 newsgroup 的話,開返兒歌谷係好事!
老:熟悉的面孔,很高興.谷友中Kevin一向很支持我,甚至連在我的寫作新聞組(已關了),小貓兩三隻的時候都經常出post, 雪中送炭.
除左開谷o個一下外,平日打理兒歌谷其實所需時間不多(有人攪事除外).
我也認為要大家都有開topic 的權利.我當時想到用blog的話,或許把login password 給谷友.因為我那時也是剛學用,所以只是提出一個選擇,沒有細思,現在用了blog 十多日後,也覺得用blog做兒歌谷無乜可能.
Little Bear: 除o左個 blog,可唔可以考慮重開 newsgroup 專講 kidsong?
老:很高興還有谷友想要一個專講兒歌的新聞組
Yan : asdf已經執左!! 我知道有一個新聞組跟asdf是一樣的, 可否在這個新聞組重開兒歌谷??
news://news.wonderspace.net
老:其實唔多明wonderspace 和 asdf 一樣,但也很開心有人提出重開兒歌谷.若決定以新聞組形式重開,則在那個 server 開亦要討論.
Eric : 你都係news.visualmedia.com.hk申請一個新啦!
老:就算以新聞組形式重現,呢個似乎不可能,因為visualmedia 己有一個兒動站,沒理由再開兒歌谷的.
少少離題,最近上網查資料,才發現原來我還是visualmedia 的admin board 成員,我也早已忘記了自己這個身份,見:
http://visualmedia.com.hk/newsgroupfaq.htm
C)關於 Visual Media 新聞組管理架構(admin)
Webmaster - Server admin
|- Visual Media 評議會
|- Visual Media Kill post system admin
|- Visual Media Create group system admin
現時Admin Board之成員為: Webmaster Alan, Dorothy, Illfish, 企鵝, 老孩子, 小天.
|
刊登時間︰2006-09-13 06:42 PM [ 訪客留言(0) ] [ 編輯日誌 ] [ 分享至FACEBOOK ] |
兒歌谷@asdf 的情況 |
網友 Yan 在兒動站說,asdf 已執了. 我還在嘗試聯絡asdf 的admin,但尚未成功.
雖然之前我沒現身,但也有定期到兒歌谷看看,甚至會幫手刪廣告.
但由於是定期,所以也不知asdf 結束的確實日期.
以下是我最後一次以outlook 看過兒歌谷後,殘存的記錄,最後一個post (我看到的)是06年3月3日.
至於再一下次發現進入不到兒歌谷的日子,則忘了.

|
刊登時間︰2006-09-13 06:12 PM [ 訪客留言(0) ] [ 編輯日誌 ] [ 分享至FACEBOOK ] |
我的這兩年 - 後來呢? |
剛剛打完了在這兩年兒歌低潮期內,我的所見所聞,所思所行.
這是任性的我,給眾谷友網友,尤其是給我拖下水的點點,的一個交待.
也有網友曾問我這兩年發生了什麼事,我亦算是一併回答了.
跟著正常的問題是,為何我會突然浪子回頭?事實上,外在因素(外在環境)又沒有什麼轉變.
變的,就是我的個人狀況.
因為,我在年尾要搬屋了.
要搬屋,當然要處理自己的東西了,決定那些保留,那些放棄.
我的東西的,大部都是和兒歌/兒童節目有關:
一大堆錄影帶,兒歌唱片錄音帶,n年前的TVB周刊及兒童雜誌,剪報,兒歌資料如場刊及熊熊通訊等等.
這兩年來,我也沒多加理會,除了會拿部份兒歌唱片來聽外,其餘的都由得他們放著不理.
知道要搬屋後,我也明白我要面對逃避的東西了.
我有想過放棄:只保留保唱片,錄音帶和部份錄影帶;其餘錄影帶和雜誌,資料等就交給別人,同時關閉網站,變回一個普通聽舊兒歌的兒歌迷.
我也想過復出.當然,現在大家都知我已決定復出了.
當中的掙扎,卻不是三言兩言可以交待.我要考慮自己的家人朋友,事業學業,精神時間,興趣休息,理想目標等;亦要重視審視一下外面的世界及網上的世界,是否仍需要我,是否適合我.
決定後,其實也知自己不是太堅定,也怕自己的懶惰性格會很快又放棄.
可幸的是,有兩位朋友幫我,增強了我的信心.他們就是我在感謝及宣傳 (一) 中,提到的第二及第三位朋友.
其實認識他們以來,一直到得到他們多次幫助,實在不能盡錄.
開了這個blog, 重開了網站,算是踏出了第一步.
跟著希望盡快解決兒歌谷的問題,同時,就把網站的其餘部份上載.
最後再嘗試找回失上聯絡的舊網友.
不對著電腦時,我又要把周刊雜誌的有用部份剪下,趕在搬屋前完成.有排忙!
|
刊登時間︰2006-09-13 04:07 PM [ 訪客留言(0) ] [ 編輯日誌 ] [ 分享至FACEBOOK ] |
« | 12 | 13 | 14 | 15 | 16 | 17 | 18 | 19 | 20 | 21 | »
|