娛樂名人 C08

蘋果日報

2006-09-05

《兒歌金曲》鬧鬼？　白臉譚玉瑛伴舞嚇傻網民

上月《2006兒歌金曲頒獎典禮》竟然鬧鬼？在馬浚偉演唱期間，身後竟有白面女鬼出現？近日有網友把馬浚偉在《兒歌》演出照片放上網，站在其身後伴舞的譚玉瑛姐姐，因為把臉塗白而營造出既驚嚇又搞笑效果，惹來網友議論紛紛。   本報「Click Click 情報科」日前接獲讀者Keyman報料，指無綫兒童節目《2006兒歌金曲頒獎禮》上出現白面女鬼，更被放於網上廣為流傳，凌零發接報後翻查有關照片，發現原來當時馬浚偉正演唱他的得獎金曲，而譚玉瑛姐姐與該節目其他主持，則站在其身後伴舞，由於譚玉瑛面部塗粉塗得太白，驟眼看猶如白面女鬼。   「扮心魔轉唔切妝」   香港網上討論區亦有題為「2006兒歌金曲頒獎典禮恐怖圖片…白面女鬼」的相關討論，網友紛紛笑破肚皮，有網友更取笑譚玉瑛姐姐因年紀大要化厚妝。凌零發昨日致電譚玉瑛時，她表示不知道自己玉照成為網友話題焦點，不過，對於何以忽然變成白面女鬼般，她則有所解釋說：「我將塊面搽到咁白，係因為扮心魔，嗰日演出完馬浚偉嗰part之後，就要即刻做個短劇扮心魔，根本冇可能轉得切妝，所以咪一早化定先囉！」   兒童節目長青主持   現年42歲的譚玉瑛，80年加盟無綫，82年開始主持《430穿梭機》、《閃電傳真機》、《至Net小人類》及現時《放學ICU》等兒童節目，先後跟周星馳、梁朝偉和鄭伊健拍檔。

D03

澳門日報

火鳳凰 2006-09-01

兒歌質素每況愈下

無線一年一度的兒童節壓軸節目《兒歌金曲頒獎典禮》，已於上周末晚上圓滿結束，各個獎項亦名花有主。 從候選歌曲及得獎歌曲所見，現今的所謂兒歌，其實大部分都只是卡通片的主題曲，部分則是非愛情題材的流行曲，只有很少部分才是真真正正為兒童創作的歌。 除此之外，現在兒歌大多數都是粗製濫造，欠缺欣賞價值的，旋律既不優美動聽、歌詞又不知所謂，歌者的唱功就更是不敢恭維。相比起以前的兒歌，質素簡直是每況愈下。

娛樂焦點 C05

明報

葉靜文 2006-08-29

257萬觀眾 見證 楊過小龍女 絕情谷 重逢

(前略) 阿嬌在事發後參與周六《2006兒歌金曲頒獎典禮》演出，節目平均收視較上周播映電影《拳霸》升5點，平均19點，與去年《兒歌》收視一樣。記者：葉靜文

娛樂 C03

大公報

2006-08-28

陳茵媺初嘗做司儀滋味 阿佘盼明年憑兒歌獲獎

《兒歌金曲頒獎典禮2006》前晚假電視廣播城舉行，薛家燕、王樹熹、陳靖琳的《媽咪點解點解》、高鈞賢的《龍王傳說》、王祖藍的《奇異冒險》、李紫昕的《布娃娃》、唐韋琪的《健康跟住我》、司徒瑞祈的《未來之旅》、鄭嘉穎的《KERORO軍曹》、Twins的《光之美少女》、關智斌(Kenny)的《月光光》、李逸朗(Don)和蔣雅文(Mandy)的《在校園度假》、吳卓羲(Ron)的《超世代之戰》、沈頴婷的《白雪天使》、馬浚偉的《放學ICU》獲得「十大兒歌金曲」，鄭嘉穎的《KERORO軍曹》更奪得「兒歌金曲金獎」。 司儀由肥姐、安德尊、馬浚偉、湯盈盈、應屆港姐冠軍陳茵媺擔任。首次任司儀的陳茵媺以「美人魚」打扮示人，但難掩她的豐滿身材。在台上時，她顯得十分緊張，不時有食螺絲情況出現，而且她說的廣東話發音又不太準確。 事後她坦言肥姐等司儀有為她糾正，由於她的對白很少，是否因此少給她對白？她表示第一次做司儀，不覺得對白特別少，她認為已經很足夠，加上今次是LiveShow，也應該要給她適應一下。 第一次為兒歌表演的佘詩曼就獻唱卡通片主題曲《小長今》，並有一班黃婉珊舞蹈學校的學生為她伴舞，她笑言今次是她第一次在台上演繹兒歌，問她唱兒歌與流行曲有什麼不同？她表示唱兒歌會cute好多，而且甜好多，又sweet，所以她認為兒歌會易唱一些。阿佘希望明年可以在兒歌頒獎典禮中獲得獎項哩！

娛樂頭條 A29

文匯報

2006-08-28

陳茵媺首任司儀頻吃螺絲

【本報訊】《兒歌金曲頒獎典禮2006》前晚舉行，沈殿霞、馬浚偉、湯盈盈、安德尊及應屆港姐冠軍陳茵媺擔任司儀，「十大兒歌金曲」得獎名單分別有Twins的《光之美少女》、關智斌(Kenny)的《月光光》、李逸朗(Don)和蔣雅文(Mandy)的《在校園度假》、吳卓羲(Ron)的《超世代之戰》、沈穎婷的《白雪天使》、馬浚偉的《放學ICU》、薛家燕、王樹熹、陳靖琳的《媽咪點解點解》、高鈞賢的《龍王傳說》、王祖藍的《奇異冒險》、李紫昕的《布娃娃》、唐韋琪的《健康跟住我》、司徒瑞祈的《未來之旅》、鄭嘉穎的《KERORO軍曹》，而嘉穎的《KERORO軍曹》更成為「兒歌金曲金獎」。 　佘詩曼首次獻唱卡通片主題曲，當晚她以表演嘉賓身份唱出卡通片版《小長今》，大會安排一班舞蹈學生為她伴舞，阿佘亦曾唱過劇集主題曲，問到唱兒歌和流行曲有什麼分別？她笑言：「唱兒歌會可愛一點演繹，會甜美點，所以唱兒歌會比較容易，我也希望明年能夠在兒歌頒獎典禮中獲得獎項。」 　陳茵媺首次擔任司儀，不過表現卻失準，整晚頻頻食螺絲，而且她說的廣東話發音又不太準確，事後她坦言幸好有經驗豐富的肥姐為她兜番。陳茵媺以「美人魚」打扮示人，其豐滿身材表露無遺，在台上時，她顯得十分緊張。

十大兒歌:
《媽咪點解點解》 - 薛家燕、王樹熹、陳靖琳
《超世代之戰》 - 吳卓羲
《在校園度假》 - 李逸朗, 蔣雅文
《月光光》 - 關智斌
《放學ICU》 - 馬浚偉
《龍王傳說》 - 高鈞賢
《奇異冒險》 - 王祖藍
《光之美少女》 - Twins
《白雪天使》 - 沈穎婷
《KERORO軍曹》 - 鄭嘉穎 (兼金曲金獎)

爹媽:《布娃娃》- 李紫昕
曲:《健康跟住我》- 唐韋琪
詞:《未來之旅》- 陳詩慧 (突然諗起唱《跳出彩虹一二三》同埋填《世上只有你》的陳思慧, 唔知係咪同一個人)

至於第一天的留言呢, 第一個是Pazu 兒歌網.
其實通知佢只係佔小部份原因, 大部份原因係借佢個留言板宣傳.
因為佢都唔多理我呢方面的死活.
對於呢個老朋友, 真係又愛又恨.

另一個留言是在兒動站. 若說同行如敵國, 兒動站就是兒歌谷的競爭對手.
我也考慮過在兒動站宣傳有無問題, 及有無價值.
最終, 我在內文只宣傳自己的網站.
結果, 也有網友不識相的在那兒提及兒歌谷, 我只能講句無奈.

06年8月30日 開左呢個blog
06年9月1日 老孩子兒歌網重開

在我網站重開後,我當然要通知網友.
而在9月1日, 我只係寄左電郵俾三位網友,寫左兩個留言.

(以下三位排名不分先後,我都唔記得send email 的次序)

其中一封電郵係給點點,最初係我搵佢幫手做兒歌谷板主,
但期後我隱居,佢都繼續幫我睇住兒歌谷,我覺得對佢唔住, 所以出山必要通知佢.
另外,兒歌谷的去向亦需要決定,所以亦要搵佢.
謝謝你!

另一位收到我通知的網友,佢今年幫左我一個大大忙,
幫我搵到今年候選歌的詳細資料.
由於今年"至net雙周 /放學ICU"雙周執左, 所以我估出兒歌集的機會好細 (我估中左).
加上自己已經無留意新兒歌, 所以我特別著緊今年的兒歌資料.
好彩, 最後o係佢的幫忙下, 最終都得到資料, 否則遲d 上載的候選兒歌資料, 真係唔見得人.
謝謝你!

仲有一位網友, 佢幫我欏到兒禮的入場卷, 等我可以到現場睇.
大家可能覺得奇怪, 既然我已不聽新出的兒歌,
為何還要麻煩人幫我搵票去睇兒禮?
我諗,我係希望自己可以親身到現場感染一下兒禮的氣氛,
吸收一下兒歌的能量.
我迫自己加把勁,又或許可以再次提升自己對兒歌的興趣.
另外, 若果無得入場睇的話, 我留在家的話,我一定不會看電視轉播,
因為實在不能接受自己在家人面前看兒禮,同時,家人也不能接受吧,唉.
謝謝你!

各位谷友,網友:

1. 其實兒歌谷呢半年發生乜事? 係兒歌谷Down 左, 定asdf 執左?
我最近email 聯絡過 admin Sandra, 但無回覆.

2. 另外, 各位覺得兒歌谷仲有無存在價值, 或者應該以乜野形式進行,
例如照舊新聞組, 改為論壇, 改為 blog  (不是指這個) 等......
又或者, 大家對近年的兒歌谷有乜感想?

對於問題 2 ,我也有意見, 不過我想聽聽其他人的意見先.

老孩子

今日係老孩子兒歌網七歲生日, 亦係由臨時兒歌網變回兒歌網的日子.
不過只係上載左部份內容,因為每頁上版前,我都會乘機修改下.

網址係:
http://www.freewebtown.com/oldkid/

歡迎意見

(2010年補充: 新網址為:
http://users1.jabry.com/oldkid/index.html )

第七節

神秘嘉賓係佘詩曼,唱"小長今"的主題曲"星星的加冕".
歌詞都係要加返"嗚啦啦"

然後經典兒歌環節.

烏卒卒 - Twins 
    應該叫譚玉瑛以烏卒卒扮相出埋黎丫嘛.
IQ博士 - Twins
足球小將 - 鄭嘉穎
忍者小靈精 - 馬浚偉
至Net小人類 - 高均賢 
    咁多年無聽,而家聽到o個句"只因我是至Net小人類"都仲係覺得好古怪.
超人的主題曲 - 鄭,馬,高
    無線少有咁用返真正的歌名,以往一向都係叫"超人迪加"就算.
問題天天都多 - 薜家燕
    難得有人唱和音的一首.有無網友諗返起零零年兒禮呢? 當年佢同蕭亮合唱兒歌,而問題天天都多又咁o岩係其中一首呢.

好多年兒禮都有唱經典兒歌環節,但今年就大細超,只係部份歌手有得唱(仲係本身已經有唱得獎歌的歌手).我覺得應該相反,俾d無獎的歌手演出,或者好似往年咁人人有份,永不落空,公平d 嘛.

第八節

爸媽獎 - 布娃娃
李紫昕唱得有d 失準,唔知係咪只分到個豬肉獎唔開心呢.

作曲獎 - 健康跟住我 - 唐韋琪 (更豬肉)
作詞獎 - 未來之旅 - 陳詩慧 我未見過佢,唔知係唔係無線的人,佢得獎之後好激動.

我唔贊成黃醫生講的,好的歌詞必定要有情.

馬浚偉又講錯野,曲詞獎無得唱歌,但反而最多時間講得獎感受.

金曲金獎 - Keroro軍曹
多謝其中三個卡通角色,但講錯名,差!.

好多年臨尾都會玩人龍,但今年第一次玩到落台,前排的小朋友近距離見晒d 歌手,勁High.
 

第五節

司徙瑞祈多數唔識捉棋,最後O個步隻炮都唔係將軍.

第八首得獎歌係"光之美少女",舞蹈藝員著返美少女戰士的衫,但配個醜樣藍色假髮,好攪笑.
第九首得獎歌係"白雪天使".

第六節

黑山洞一戰幾得意,大人會諗起以前的粵語長片,現場小朋友反應亦好.

跟住加插15/16元素,真係佩服.
本來諗住會玩好多題,可以重温多D 兒禮片段,點知得一題,失望.

決勝負的方法仲無聊,只講運兼唔合理,點解要六隻牌?要兩隻咪夠囉.

第十首得獎歌係"Keroro 軍曹".

第二節

馬浚偉打雪怪時甩咪係第二個明顯蝦碌.

雖然叫頒獎禮,但今年可以話大部份都係無真正頒奬,個獎座係無出現過的.
聽講係成個節目完左之後,歌手方面要向工作人員欏的.

而歌手亦無得講得獎感受.我就寧願CUT 左D 打怪獸場面,司儀的廢話,
但係預時間俾歌手講得獎感受.
當然,有歌手識得趁前奏或過場音樂時補番.

唱完"媽咪點解點解",鏡頭影錯地方,係第三個明顯蝦碌.

第一二首得獎歌係"媽咪點解點解","超世代之戰"

第三節

第三四首得獎歌係"在校園度假","月光光".

揭曉第四首歌時,隻甲蟲怪唔見左,係第四個明顯蝦碌.

第四節

港姐第二三名表演跳舞,例牌菜.

第五首得獎歌係"放學ICU",搵返節目的大小主持黎做伴舞,好主意!

第六七首得獎歌係"龍王傳說"同"奇異冒險".

第一節

好傳統曲的歌舞Opening

我個人偏好今年候選歌手出場的方法,即係個個有得唱番候選歌幾句,
可以俾歌手出下鏡,同埋提醒各大小朋友今年有乜候選歌.
有幾年出場時歌手只係揮揮手,有d甚至連樣又影唔到,名(字幕)又無.

今年大部份候選歌手都有出席,只係欠陳苑淇,唐寧,郭晉安,古巨基同戴夢夢.
我諗大家都留意到,唐寧,郭晉安,古巨基的候選歌無播到,即係一早就表明唔出席,
相反,陳苑淇同戴夢夢的候選歌照播,但鏡頭就影住觀眾,現場睇都覺得幾怪,其實要改段音樂應該唔難,所以估計佢地係好遲先通知無線.而且節目最後的工作人員字幕中,有陳苑淇的名.

另一個可能惜係"幪面超人555"同"我們的超人"好受歡迎,只因歌手唔出席就無獎,無線/兒童組自己覺得理虧,所以就CUT左唔播,掩耳盜鈴,博小朋友唔記得.

今次出場次序可以話差唔多係以歌手的地位黎排,第一係Twins,第二係力棒兼近排因軍曹而大熱(最終欏埋金曲金獎)的鄭嘉穎. 當然,壓軸的薜家燕就另計,當然唔係最尾啦.

得獎名單亦同出場次序,或者話佢地的地位相近,
頭6位/組出場歌手都有金曲,第7位本來係戴夢夢(唔通本來出席就有獎?),
第8的王祖藍有金曲,第9的"未來之旅"有歌詞獎,第10,11的高鈞賢同沈穎婷有金曲,第12的陳苑淇無出現.除左壓軸的"媽咪點解點解",甚餘的9首金曲出晒.
中段出場的唐韋琪同李紫昕欏到豬肉獎.

另外較特別係"卡通大作戰"節錄o個段,La一大段,跟住男聲同多過"主唱者"陳自瑤".

全晚好多明顯蝦碌,馬浚偉同沈卓盈要飛之前o個段係第一個,連後排的歌手都忍唔住笑.