17日，放工開會...無驚無險喇....夜晚本來約左舊大學同學eric食飯，不過最後佢又放我飛機，放飛機係佢既嗜好...都唔係第一次...之後傻一陪我..我地去左睇「高凶三萬尺」，個故事就真係麻麻...不過茱迪科士打就做得好好喇....d神情做得好好....尢其係d人以為佢係精神分裂個幕...佢又真係做到好似精神分裂，等你估下係咪真係...之後去左食麵跟住就同佢返屋企喇...傻一今日同我講左一d佢公司唔開心d野....雖然有時講左出黎對件事都冇咩幫助..不過講左出黎有人聽左點都好似會舒服d..所以我就成日同人講我公司d唔開心野..

18日，今日阿姐冇返.....因為佢真係太傷心..失去左5年唯一既伴...我見到佢咁我都唔知可以點安慰佢...都係聽佢講野喇....佢冇食冇訓3日3夜...瘦左8磅.....行屍走肉...我好明白佢既感受既...雖然我未真係失去過一個親人...不過係1999年我都試過有d好似就黎冇左親人既感覺.............通常個時都會有一種內疚既感覺..覺得自己對佢唔好...點解自己之前唔陪佢多d......阿姐都有呢d感覺....人係咪就係咁既呢?不過我覺得佢對隻小狗已經好好喇....成日唔去街都係為左返屋企餵野佢食...又個個星期帶佢去海灘玩....呢幾日我不斷都係用一d佛教既理論同佢講....雖然我都係知d唔知d...不過佢聽完之後舒服d就得喇...

19日....放工join傻一去做gym，之後返屋企喇...冇咩特別..

20日....可能知道之後幾日都有節目...竟然有holiday mood..放工同傻一去左九龍灣...哈哈...又食大家樂...不過佢個上海排骨菜飯好正.....短短2,3個鐘..不過就真係好好feel喇..

21日...今日我放晏晝....去左鰂魚涌整電話.....都諗左好耐整唔整好......最慘係如果要整..所有sms都冇哂.....好多回憶架....雖然可以save落pc度..不過又唔可以save返去電話度...個感覺始終唔係一樣...不過最後都要去整...因為個情況越來越差喇....途中又接到公司既電話...點解我補假半日都咁多野..!!!個甘大滋真係屎唔急唔掘坑..!!!好嬲!!之後行左一陣就去搵傻一...哈哈...之後就去睇草蜢我們的演唱會.個氣氛真係好好喎.睇得真係幾high...個feel重好過黎明..其實以前我對佢地既歌係冇好感既..不過睇完呢個concert都覺得佢地既歌唔錯呀...8點半唱到11點半左右...

草蜢「我們的演唱會」2005 rundown (2005-10-21)

飛躍舞台
飛躍千個夢
紅唇的吻
ABC
半點心
原諒我是我
朋友
失戀
寶貝對不起
兒童不宜
Medley:黃昏都市人/深淵/流淚的背影/夜了/每一些也是情/愛過/歲月燃燒/舊唱片/You Are Everything/暫停開始過
心中的歌
好戲在後頭
及時行樂
Lonely
怎麼天生不是女人
世界會變得很美
我們都是這樣失戀的
對一個人愛錯
永遠愛著你
我們
Medley: 嗲噢！/三分鐘放縱/AEIOU/憑甚麼/又愛又恨/一秒轉機/熱力節拍WO BOM BA/愛不怕
失樂園
忘情森巴舞
飛躍千個夢
ABC

22日...今日我返半日..晏晝食老麥換邪流丸...下晏放工去左攞電話....整左之後就真係收得好左..之後行左一陣..行下又見到另一間老麥有唔同既邪流丸..又食多個餐...肥死我..之後就去搵傻一....再去九龍灣.....訓左一陣就去食野..食左海皇...個南瓜肉碎粥又俾我想像中好食喎..哈哈...之後睇左一陣電視就訓喇

23日...哈哈>..朝早又食麥記....又換到另一款邪流丸..跟住又訓...上左陣網搵工..又訓過..哈哈...訓食訓食..哈哈...好鬼relax....不過次次我帶左d碟都係冇時間睇到.....下次再睇喇...夜晚9點幾就同佢返屋企喇.....訓左好多..但個人好似散左咁既.....點解會咁!?

今日返工都好似散左咁....不過都幾多野做...今日收到一個sms..真係好喇..多謝!...臨放工接到個好震撼既消息..就係下年既anti-smoking proposal會由我去寫........真係好驚.......因為通常做親呢d野都係冇好結果..都係會俾人抽後算帳...好q憎..不過又唔可以唔做...我成日都要做箭靶......我要打醒十二分精神先得...今日放工就即刻返屋企.....又要做下乖仔呀...!!!

呢期迷戀左老麥既熱香餅套餐.....連續7日都食佢做早餐.....正!

呢兩日天氣開始涼喇...我好鍾意依家既天氣...好舒服...係床度一係唔想起身...不過依家都係好容易病既時候....你要小心保重身體呀...知冇?