星期二(8日)，返工都好free，放工去左太古join傻一做尖，之後陪佢返屋企之後我都返屋企食飯喇...
星期三(9日)，下晝兩個學生義工黎幫手，佢地竟然話想同我影相留念，我都有d意外，係淨係同我影咋，我既人緣真係好喇.....(自大)，一放工我就返屋企，之後執衫，執左d陳年舊褸，諗住拎去救世軍，有d重係我讀u既時候買架喇...成10年前....都冇著...其實我都係一個幾唔鍾意執野既人....因為我成日都唔捨得掉野....到依家我幼稚園既文具，書仔都重係度，我諗我老左都係成屋垃圾個d人喇...
星期四(10日)，今日憶蓮出碟，其實我都幾期待，因為佢真係好耐好耐冇認真出過廣東碟喇..lunch一食完飯就立即出去買..重幫傻一買左一隻添....放工join傻一去做尖，可能我越來越肥喇..我要開始跑返機先...哈哈...傻一今日送左包餅俾我.....返到屋企就聽憶蓮既新碟...佢真係唔sell花巧，淨係sell歌，好原始既cd包裝，d歌嘛...一開始係首得憶蓮哼..沒有歌詞既歌..incompete...聽完最後一首歌之後既hidden track先知原來係紀念林振強既...因為佢以前所有廣東碟都有林振強既參與，今次呢首incomplete就係當同佢既一個合作...唔聽都唔知咁有意思...至於其他歌呢...我覺得好多歌都有以前既歌既影子....今次佢玩聲玩得好犀利...全部都唱得好好...我一d都冇失望..不過d歌就好似冇一首可以一聽就好入腦...可能要慢慢咀嚼既喇...暫時我最鍾意既就係「沒結果之後」同「不敢奢想改變你」，前者歌詞有好多以前佢d歌既歌名，Dick Lee既曲好有水準，後者既編曲好特別呀.....
星期五(11日)，返工係巴士又見到一件特別既事好深刻，係牛頭角見到一個好老既阿婆因為係街賣d舊野被人拉，根住係咁喊，個畫面好深刻呀...如果我係個小販管理隊我諗我會唔知點做囉...阿婆的而且確係犯法...小販管理隊拉佢又真係無可口非架喎...不過佢真係阿婆..重要好老...同埋佢都唔係長擺賣野...俾我如果我個partner同意，我諗我會叫佢執野走就算....岩唔岩呢?返工之前係公司附近食早餐..我明明係門口睇下見唔見哥利亞先入去...我都係大近視喇...入到去都係見到佢坐係一個好當眼既位..咁我唯有坐底一齊食...個d八婆waitress問?.呢個邊個黎架...你細佬黎架..咁似樣既.????oh no...我當堂呆左.....我立即話...唔係亂講喎打完場..之後我同傻一講...佢話我即係都有陣雞毛味...shit!!!!!!!!!!!!!!!!!!!!!!!!!!!!!!!
星期六(12日)，今日放假..飲完茶本來想俾個驚喜?.接佢放工，但係係我搭地鐵途中佢打黎?..oh...又輸左喇...之後同佢食野送佢返屋企我就去做尖...好攰呀...跟住返屋企抖一陣再去搵佢一齊睇憶蓮concert，之前去左「茶軒」食野..唔得...都唔熱既...之後有時間去左百利velvet打左個圈...又吹左陣水..之後就去睇concert喇...本來我對呢個concert有咩期望，因為我知道左個rundown..好多歌都唔係我想聽既...不過睇完之後又ok喎...原來坐400蚊飛同200蚊飛個氣氛好唔同架...我地坐400蚊飛，個氣氛好好...好多人叫..起身..雖然d歌都係唔係好想聽..不過氣氛搭救...我最後都冇失望...我都未試過睇concert叫得咁犀利...又大叫「憶蓮」，又叫encore..睇佢既表演都好清楚呀..彭敬慈搽哂銀油倒吊出黎跳舞都好精彩..雖然個part d歌都唔係幾好聽..不過視覺搭夠，全晚最好氣氛就係唱「天大地大」...完唒d人都唔捨得走..叫左10多分鐘佢都唔肯出黎..但係d人都唔肯走...佢d fans真係好團結...希望下年關淑怡既conert個氣氛都咁好喇...，重有，我估唔到傻一有d位都會叫......唔知係咪好high，我返到屋企好攰..但竟然瞓唔著...重發夢添....
林憶蓮夜色無邊演唱會2005(12/11)Rundown:
01 推搪
02 回家對著你媽媽
03 本色
04 微涼
05 獨行少女
06 點唱機
07 無情實驗
08 決心
09 沉淪
10 為何他會離開你
11 住家男人
12 膺與星
13 再生戀
14 沒有你還是愛你
15 為你我受冷風吹
16 至少還有你
17 感情不老
18 細水長流
19 多謝
20 Diva
21 不還你
22 天大地大
23 一分鐘都市一分鐘戀愛
24 灰色
[Encore 1]
25 難忘你
26 微雨撲巴黎
27 It wasn’t meant to be*
28 長街的一角
29 瘋了
[Encore 2]
30 日與夜
「其實我不算自卑 真的很在乎你
你所給我的歡喜 我將謹慎收起
無謂去自怨自騙地等待時機
在那一天捉緊你 做夢距離
從不可比 誰可比 抱緊真實的你」
|
