上星期三晚，我同傻一開始五日四日既渡假，期待左好耐既日子...今次去左天水圍海逸酒店，個晚好鬼死凍...我一落到車有打冷震既感覺，入到房第一個感覺就係好舒服，張床好大，因為我地住28樓....望出去都一覽無遺，不過個景就冇上次黃金海岸咁正喇...打點左一陣，傻一就送左禮物俾我..因為慶祝5個月紀念(我之前送左super warm俾佢)，佢送左兩件冷衫俾我，一件係紫色樽領，一件係啡色，兩件我都好鍾意..其實件樽領係我生平第一件樽領衫，都係我第一件紫色衫，隻紫色唔太鮮又唔太沉，係好靚既紫色，另外佢重送左個八達通套俾我，一個佢，一個我..佢話係情侶套喎...^_^...重有一張卡，張卡寫左好多野架...有d句子真係令我好感動....多謝....之後我地就落左去食飯...個間叫紅樹林..個環境唔錯..不過野食一般...之後去左百佳買左勁多野食之後就返去喇...哈哈...

星期四，瞓到10點幾...我竟然都可以瞓到咁晏喎..哈哈...之後我地去左食麥記...d shake shake薯條好q難食....食完喝到我死...我唔會再食...之後行左一陣..食下糖水.又返左去又瞓..勁...買左d雜誌返去睇..一陣之後我地又出去食晚飯...個晚食泰國野..不過d質數又係麻麻喎，最好味都係個拼盤...個炒飯就最不知所謂...我炒既都好食過佢喇....之後我地又返左去喇..睇左陣電視就瞓喇....呢晚..傻一出現左攪笑野，就係「yi」左一聲....之後就瞓返...我都唔知咩事....hehhehee

星期五，又係瞓到成10點，之後起身去左綠茵食早餐..d質數都一般喇..之後買報紙返左去睇...好似好寫意咁..哈哈...之後我地去左飲茶，有一蚊叉燒飽，有牛肉...食左成10碟野..不過d質數又係一般..之後我地又去左食糖水..之後就返左去睇電視，夜晚我地就係食車仔麵....我第一次見到d碗仔翅係咁既樣..個間野又係唔得....之後去左百佳買雪糕就返去..我地個晚食左好多野..著片..食左成盒雪糕..好勁呀...我今晚就然瞓唔著....唔知點解...我今日開始有d唔想個假期咁快完..呢晚..傻一既攪笑野又出現...半夜佢突然醒左..轉身..我醒左..用隻手遮住隻眼..佢就然推開我隻手..啤左我一眼..就拎開瞓過....典解會咁既!?!??!?!?!??!?haha

星期六，最後一日....起身去左麥就食熱香餅早餐...之後去左打機...玩打日本鼓機....好好玩呀..有時我高分..有時傻一高d...好刺激...之後我地想返去..點知未執好房..唯有返去百佳買野喇..又買左盒雪糕同著片..哈哈...我地之後下晝去左溫莎食tea....都唔錯...之後傻一太攰..自己瞓左..我就睇電視...之後我地就落樓下食buffet...都唔錯...quality唔錯..不過款色就唔多...我最鍾意d甜品...個芒果布甸正爆....個cheese cake又唔錯...我地只係食左幾輪野..已經攬住個肚走...原來依家諗返先醒係呢次係我同傻一第一次食buffet..之後我地返去...睇桃色...個時唔知點解我覺得感覺好好...我地一路睇...一路講劇情...最攪笑就係個老日本女人跌倒個一幕..之後套我的band5男友又好好笑..d對白好抵死...之後又睇黎明套賭神前傳.跟住我地又食雪糕...最後就係睇珍組套肉蒲團...可能冇野睇既..睇睇下就返喇..其實我唔係好想瞓..因為好似一瞓醒就要走....不過最好都係返左...呢晚..傻一既攪笑野就係隻眼不斷震...嚇死我..我以為有野添呀..張床係咁震..

星期日...一起身...就要執野...我打去問幾點check out...佢地話1點...哈哈...咁就唔使趕到死...之後我地走喇...個時我個心真係好唔捨得個感覺...我好想快d可以再黎呢間房...之後我地去左尖咀唱k...之後去左123睇左陣野..就去左velvet搵andy..我地竟然又係個度逗留左2個鐘..我同傻一都買左2件褸...不過好靚架...之後我就送傻一返屋企喇...

呢幾日我真係好開心..一來係因為同傻一一齊..另一方面就真係好relax..每日既時間都過我好快...好似好快又天黑..之後又要瞓...完全冇壓力...又冇咩野掛心...個感覺真係好好...間酒店又正..今次係我第一次瞓酒店既床而唔會瞓到腰酸背痛...張被又唔重...野食我反而最欣賞d糖水...當然喇...每日都一齊出街..一齊食野..一齊返去..一齊買野...真係好似返屋企既感覺..係好sweet既....原來我戴左眼鏡係好似一隻兔仔..佢講架咋...好期待下一次...傻一話後遺症就係唔想返工..其實我都係一樣..成日都想:如果今日係星期四就好喇........