琴晚臨訓之前食左個呀爸整既菠蘿油..

真係好好食...

點知太"漏",之後一訓低就覺得頂住個胃..

結果就唯有等陣先訓..

就咁坐係度又赲又唔訓得..

於是就去左打機..

結果成5點先訓...

今朝11點幾起身..

之後食左D野,玩左陣...洗左個頭就出去..

一落到去,2:40見到班614P仲有1分鐘到..

不過因為搭果面要半個鐘先到龍門居,所以冇搭...

之後行左去澤豐個度諗住搭610..

點知連顯示到冇...

結果就一路行過去...

用左3個字就行到去石排,

點知615P(我之前見到個架614P)要等7分鐘,610 8分鐘..

於是就繼續行...

一路行到青山村架615P先追到我...

結果我只係慢左輕鐵5分鐘就到左...

行到去勁熱...

之後為左等周豪賢搞到成3點半先出得發...

之後搭車都幾悶下..,一路兜大圈...

傾計都冇咩特別...後尾索性自閉聽歌算...

去到..開始行...其實都幾悶下...

不過估唔到周豪賢佢識左人唔知有冇一個禮拜就可以約埋人出黎..

太多人..以咁既步速行到隻腳好痛..

不過班人出手都真係幾闊綽下,羅灝恩個D簡真係極速散水...

我由一開始都冇諗住買野...連錢都收埋曬..

之後行到6點幾有幾個又走左(去得個幾鐘去黎做咩..)

劉佩汶又溝仔走埋,

等番幾個仲話想行..

我地就去左圖書館度坐...

坐左陣有人打電話比青上..

之後佢用耳筒聽,唔知自己勁大聲(全層都聽到咁濟)==.

真係比佢激死...集合完之後就話去個間廁所餐廳...

都幾特別既.不過D野勁貴...

我真係叫唔落手,之後索性唔食...

佢地食完之後食刨冰雪糕...

勁大個,成4個人係度食都食唔曬..

所以我都食左D...

之後去搵我呀爸..

去個食牛腩面...

都幾好食...不過真係好細碗...

食完就番去泊車個度..

買左D野食...

之後番到黎屯門又買左D野食...

番到黎真係食得好飽...

今晚又唔駛訓--